എസ്.എ.ജി.വൈ പ്രഖ്യാപനവും വില്ലേജ് ഡെവലപ്‌മെന്റ് പ്ലാന്‍ രൂപീകരണ യോഗവും 17 ലേക്ക് മാറ്റി

കുഴല്‍മന്ദം ബ്ലോക്ക് പഞ്ചായത്തിലെ പെരിങ്ങോട്ടുകുറിശ്ശി ഗ്രാമപഞ്ചായത്തിനെ എസ്.എ.ജി.വൈ. പഞ്ചായത്തായി തിരഞ്ഞെടുത്തതിന്റെ പ്രഖ്യാപനവും വില്ലേജ് ഡെവലപ്‌മെന്റ് പ്ലാന്‍ രൂപീകരണ യോഗവും ജനുവരി 17 ലേക്ക് മാറ്റിയതായി ജില്ലാ കലക്ടര്‍ അറിയിച്ചു. ഗ്രാമ പഞ്ചായത്തുകളുടെ അടിസ്ഥാന-വികസന പ്രവര്‍ത്തനങ്ങള്‍ നടപ്പിലാക്കുകയാണ് സന്‍സദ് ആദര്‍ശ് ഗ്രാമയോജന പദ്ധതി പ്രകാരം സര്‍ക്കാര്‍ ലക്ഷ്യമാക്കുന്നത്. പെരിങ്ങോട്ടുകുറിശ്ശി ഗ്രാമപഞ്ചായത്ത് കോണ്‍ഫറന്‍സ് ഹാളില്‍ രാവിലെ 10.30 ന് രമ്യാ ഹരിദാസ് എം.പി.യുടെ അദ്ധ്യക്ഷതയില്‍ യോഗം നടക്കും. പരിപാടിയില്‍ എല്ലാ ജില്ലാതല ഉദ്യോഗസ്ഥരും പങ്കെടുക്കണം.