ലൈഫ് മിഷന്‍; ജില്ലാതല സംഗമം ഇന്ന്
സംസ്ഥാന സര്‍ക്കാരിന്‍റെ സമ്പൂര്‍ണ്ണ പാര്‍പ്പിട മിഷനായ ലൈഫ് മുഖേന കോട്ടയം ജില്ലയില്‍ 6024 വീടുകള്‍ പൂര്‍ത്തീകരിച്ചതിന്‍റെ പ്രഖ്യാപനവും ഗുണഭോക്തൃ സംഗമവും ഇന്ന് (ജനുവരി 18) നടക്കും. തെള്ളകം ചൈതന്യ പാസ്റ്ററല്‍ സെന്‍ററില്‍ രാവിലെ 10.30 ന് ഭക്ഷ്യ- പൊതുവിതരണ വകുപ്പ് മന്ത്രി പി. തിലോത്തമന്‍ ഉദ്ഘാടനം ചെയ്യും.
തിരുവഞ്ചൂര്‍ രാധാകൃഷ്ണന്‍ എം.എല്‍.എ. അധ്യക്ഷത വഹിക്കും. എം.പിമാരായ തോമസ് ചാഴികാടന്‍, ജോസ് കെ.മാണി, ആന്‍റോ ആന്‍റണി, കൊടിക്കുന്നില്‍ സുരേഷ്, എം.എല്‍.എമാരായ ഉമ്മന്‍ ചാണ്ടി, അഡ്വ. കെ. സുരേഷ് കുറുപ്പ്, സി.കെ. ആശ, മാണി സി. കാപ്പന്‍, ഡോ.എന്‍. ജയരാജ്, സി.എഫ്. തോമസ്, മോന്‍സ് ജോസഫ്, പി.സി. ജോര്‍ജ്, കോട്ടയം നഗരസഭ അധ്യക്ഷ ഡോ.പി.ആര്‍. സോന തുടങ്ങിയവര്‍ വിശിഷ്ടാതിഥികളായിരിക്കും.
ജില്ലാ കളക്ടര്‍ പി.കെ.സുധീര്‍ ബാബു റിപ്പോര്‍ട്ട് അവതരിപ്പിക്കും. ജില്ലാ പഞ്ചായത്ത് പ്രസിഡന്‍റ് അഡ്വ. സെബാസ്റ്റ്യന്‍ കുളത്തുങ്കല്‍, വൈസ് പ്രസിഡന്‍റ് ജെസിമോള്‍ മനോജ്, ആരോഗ്യ സ്ഥിരം സമിതി അധ്യക്ഷന്‍ സഖറിയായ് കുതിരവേലില്‍, ജില്ലാ പഞ്ചായത്ത് അംഗങ്ങള്‍, ഗ്രാമപഞ്ചായത്ത് പ്രസിഡന്‍റുമാര്‍, വിവിധ വകുപ്പ് മേധാവികള്‍ തുടങ്ങിയവര്‍ സംസാരിക്കും.
- Log in to post comments