ഭക്ഷ്യ കമ്മിഷൻ ജനസമ്പർക്ക പരിപാടി 22 ന്: പൊതുജനങ്ങൾക്ക് പരാതി നൽകാം

സംസ്ഥാന ഭക്ഷ്യ കമ്മിഷൻ ജനുവരി 22 രാവിലെ 11 മുതൽ ഉച്ചയ്ക്ക് ഒന്ന് വരെ തൃശൂർ കളക്ടറേറ്റ് കോൺഫറൻസ് ഹാളിൽ ജനസമ്പർക്ക പരിപാടി നടത്തും. പൊതുജനങ്ങൾക്ക് ഭക്ഷ്യ പൊതുവിതരണ വകുപ്പ് മുഖേന വിതരണം ചെയ്യുന്ന ഭക്ഷ്യധാന്യങ്ങളുടെ ലഭ്യത, കൃത്യത, ഗുണനിലവാരം എന്നിവ സംബന്ധിച്ചുള്ള പരാതികൾ നൽകാം.
ഇതോടൊപ്പം വനിതാ ശിശുക്ഷേമ വകുപ്പ് മുഖേന നടപ്പാക്കുന്ന ഗർഭിണികൾക്കും മുലയൂട്ടുന്ന അമ്മമാർക്കുമുള്ള ഭക്ഷ്യ സുരക്ഷാ പരിപാടികൾ, പ്രസവാനുകൂല്യം, അങ്കണവാടികൾ മുഖേനയുള്ള പോഷകാഹാര പരിപാടികൾ, പൊതുവിദ്യാലയങ്ങളിലെ ഉച്ചഭക്ഷണ പദ്ധതിയുടെ ഗുണനിലവാരം എന്നിവ സംബന്ധിച്ചുള്ള പരാതികളും കമ്മിഷന് നേരിട്ട് നൽകാം. ജില്ലയിലെ വിവിധ വകുപ്പുകളിലെ ജില്ലാതല ഓഫീസർമാർ യോഗത്തിൽ പങ്കെടുക്കും.