സെയിഫ് ഹോം: പ്രൊപ്പോസല്‍ ക്ഷണിച്ചു

    മിശ്ര വിവാഹ ദമ്പതികള്‍ക്ക് സുരക്ഷിതമായി താമസിക്കുന്നതിന് എല്ലാ ജില്ലകളിലും സെയിഫ് ഹോമുകള്‍ സജ്ജമാക്കുന്നതിനായി സന്നദ്ധ സംഘടനകളില്‍ നിന്നും സാമൂഹ്യനീതി വകുപ്പ് പ്രൊപ്പോസല്‍ ക്ഷണിച്ചു. പരമാവധി പത്ത് ദമ്പതികള്‍ക്ക് ഒരേസമയം താമസസൗകര്യമൊരുക്കാന്‍ കഴിയണം. താമസ കാലയളവില്‍ ദമ്പതികള്‍ക്ക് ഭക്ഷണം ഉള്‍പ്പടെയുള്ള അടിസ്ഥാനസൗകര്യങ്ങള്‍ ലഭ്യമാക്കണം. താത്പര്യമുള്ള സംഘടനകള്‍ അതാത് ജില്ലയിലുള്ള സാമൂഹ്യനീതി ഓഫീസില്‍ ഫെബ്രുവരി അഞ്ചിനു മുന്‍പ് അപേക്ഷ സമര്‍പ്പിക്കണം. കൂടുതല്‍ വിവരങ്ങള്‍ക്ക് 0471-2306040.
     (പി.ആര്‍.പി. 88/2020)