കോവിഡ് 19 ജില്ലയില്‍ ആകെ 9,417 പേര്‍ ഗൃഹ നിരീക്ഷണത്തില്‍

ജില്ലയില്‍  ഇന്നലെ (ഏപ്രില്‍ 07) 9,417 പേരാണ് ഗൃഹനിരീക്ഷണത്തില്‍ ഉള്ളത്. പുതിയതായി ഗൃഹനിരീക്ഷണത്തില്‍ പ്രവേശിപ്പിക്കപ്പെട്ടവര്‍ 27 പേര്‍ മാത്രമാണ്. ആശുപത്രിയില്‍ പുതിയതായി പ്രവേശിക്കപ്പെട്ട 10 പേര്‍ ഉള്‍പ്പെടെ 15 പേര്‍ മാത്രമേ നിരീക്ഷണത്തില്‍ ഉള്ളൂ. ഇന്നലെ മാത്രം നാലു പേര്‍ ആശുപത്രി വിട്ടു.
വിദഗ്ധ പരിശോധനയ്ക്ക് അയച്ച 992 സാമ്പിളുകളില്‍ 25 എണ്ണത്തിന്റെ ഫലം കൂടി വരാനുണ്ട്. ഇന്നലെ(ഏപ്രില്‍ 7) റിപ്പോര്‍ട്ട് ചെയ്ത ഒരു പോസിറ്റീവ് കേസ് ഉള്‍പ്പെടെ ജില്ലയില്‍ നിലവില്‍ ആറു പോസിറ്റീവ് കേസുകള്‍ ഉണ്ട്. ഫലം വന്നതില്‍ 958 എണ്ണം നെഗറ്റീവാണ്.
കോവിഡ് 19 മായി ബന്ധപ്പെട്ട വിവരങ്ങള്‍ കൈമാറുന്നതിനും സംശയങ്ങള്‍ക്കും 8589015556, 0474-2797609, 1077, 7306750040(വാട്‌സ് ആപ് മാത്രം), 1056(ദിശ) എന്നീ നമ്പരുകളില്‍ ബന്ധപ്പെടാം.