കോവിഡ് 19 ജില്ലയില്‍ ആകെ 7,925 പേര്‍ ഗൃഹ നിരീക്ഷണത്തില്‍

ജില്ലയില്‍  ഇന്നലെ (ഏപ്രില്‍ 9) 7,925 പേരാണ് ഗൃഹനിരീക്ഷണത്തില്‍ ഉള്ളത്. ഇന്നലെ  പുതുതായി ഗൃഹനിരീക്ഷണത്തില്‍ 187 പേര്‍ പ്രവേശിച്ചു. എന്നാല്‍ ആശുപത്രിയില്‍ പുതിയതായി വന്ന നാലു പേര്‍ ഉള്‍പ്പെടെ 11 പേര്‍ മാത്രമേ നിരീക്ഷണത്തില്‍ ഉള്ളൂ.
വിദഗ്ധ പരിശോധനയ്ക്ക് അയച്ച 1,041 സാമ്പിളുകളില്‍ 13 എണ്ണത്തിന്റെ ഫലം കൂടി വരാനുണ്ട്. ഇന്നലെ റിപ്പോര്‍ട്ട് ചെയ്ത ഒരു കേസ് ഉള്‍പ്പെടെ നിലവില്‍ ജില്ലയില്‍ പോസിറ്റീവായി ഏഴു കേസുകള്‍ മാത്രമാണുള്ളത്. രണ്ടുപേര്‍ രോഗം ഭേദമായി  ആശുപത്രി വിട്ടു. ഫലം വന്നതില്‍ 1018 എണ്ണം നെഗറ്റീവാണ്.
കോവിഡ് 19 മായി ബന്ധപ്പെട്ട വിവരങ്ങള്‍ കൈമാറുന്നതിനും സംശയങ്ങള്‍ക്കും 8589015556, 0474-2797609, 1077, 7306750040(വാട്‌സ് ആപ് മാത്രം), 1056(ദിശ) എന്നീ നമ്പരുകളില്‍ ബന്ധപ്പെടാം.