കോവിഡ് 19 ജില്ലയില്‍ 7,173 പേര്‍ ഗൃഹനിരീക്ഷണത്തില്‍

ജില്ലയില്‍  ഇന്നലെ(ഏപ്രില്‍ 10) 7,173 പേരാണ് ഗൃഹനിരീക്ഷണത്തില്‍ ഉള്ളത്. പുതുതായി ഗൃഹനിരീക്ഷണത്തില്‍ 34 പേര്‍  പ്രവേശിച്ചു.  ആശുപത്രിയില്‍ പുതിയതായി വന്ന രണ്ടു പേര്‍ ഉള്‍പ്പെടെ 10 പേര്‍ മാത്രമേ നിരീക്ഷണത്തില്‍ ഉള്ളൂ. 18,791 പേരില്‍ 11,608 പേര്‍ നിരീക്ഷണത്തിന്റെ പരിധിയില്‍ നിന്നും ഒഴിവായിട്ടുണ്ട്.
ഇതുവരെ വിദഗ്ധ പരിശോധനയ്ക്ക് അയച്ച  സാമ്പിളുകളില്‍ 13 എണ്ണത്തിന്റെ ഫലം കൂടി വരാനുണ്ട്. നിലവില്‍ ജില്ലയില്‍ പോസിറ്റീവായി ഏഴു കേസുകള്‍ മാത്രമാണുള്ളത്. രണ്ടു പേര്‍ രോഗം ഭേദമായി  ആശുപത്രി വിട്ടു. ഫലം വന്നതില്‍ 1,045 എണ്ണം നെഗറ്റീവാണ്.  
കോവിഡ് 19 മായി ബന്ധപ്പെട്ട വിവരങ്ങള്‍ കൈമാറുന്നതിനും സംശയങ്ങള്‍ക്കും 8589015556, 0474-2797609, 1077, 7306750040(വാട്‌സ് ആപ് മാത്രം), 1056(ദിശ) എന്നീ നമ്പരുകളില്‍ ബന്ധപ്പെടാം.