കോവിഡ് 19 ഇന്നലെയും (മെയ് 5) കോവിഡ് പോസിറ്റീവ് ഇല്ല

ജില്ലയില്‍ ഇന്നലെ(മെയ് 5) കോവിഡ് പോസിറ്റീവ് റിപ്പോര്‍ട്ട് ചെയ്തിട്ടില്ല. ആകെ പോസിറ്റീവായ 20 പേരില്‍ 17 പേര്‍ രോഗമുക്തി നേടിയിരുന്നു. കഴിഞ്ഞ ദിവസം മാത്രം (മെയ് 4) എട്ടു പേര്‍ ആശുപത്രി വിട്ടിരുന്നു. കോവിഡ് നെഗറ്റീവ് സ്ഥിരീകരിച്ച് ചികിത്സയിലായിരുന്ന 73 കാരനായ കുളത്തൂപ്പുഴ സ്വദേശി മെയ് നാലിന് രാത്രി അന്തരിച്ചു. കോവിഡ് മരണങ്ങള്‍ ഇതുവരെ ജില്ലയില്‍ റിപ്പോര്‍ട്ട് ചെയ്തിട്ടില്ല. പോസിറ്റീവ് ആയതില്‍ നിലവില്‍ മൂന്നു പേര്‍ മാത്രമാണ് ആശുപത്രിയില്‍ കഴിയുന്നത്. ഇന്നലെ (മെയ് 5) മാത്രം 34 പേരെ ഗൃഹനീരീക്ഷണത്തില്‍ നിന്നും 14 പേരെ ആശുപത്രി നിരീക്ഷണത്തില്‍ നിന്നും ഒഴിവാക്കി. പുതുതായി ഗൃഹനിരീക്ഷണത്തിലായവര്‍ 128 പേരും ആശുപത്രികളില്‍ രണ്ടുപേരുമാണ്.