ചരക്ക് വാഹനങ്ങളുടെ ബൈലാട്രൽ ടാക്‌സസ്: തപാൽ മാർഗം അപേക്ഷിക്കാം

കോവിഡ്-19 രോഗബാധയുടെ പശ്ചാത്തലത്തിൽ തമിഴ്‌നാട്, കർണാടക സംസ്ഥാനങ്ങളിൽ രജിസ്റ്റർ ചെയ്തതും സംസ്ഥാനത്ത് ഓടാനായി എസ്.റ്റി.എ, കേരള പെർമിറ്റ് നൽകിയിട്ടുള്ള ചരക്ക് വാഹനങ്ങളുടെ ബൈലാട്രൽ ടാക്‌സ് അടയ്ക്കുന്നതിനുള്ള അപേക്ഷകൾ തപാൽ മാർഗം സ്വീകരിക്കും. സംസ്ഥാനത്തെ ഇ.വി പെർമിറ്റിന്റെ പകർപ്പ്, വാഹന ഇൻഷുറൻസ് രേഖയുടെ പകർപ്പ്,  നികുതി തുകയ്ക്ക്  (ഫൈൻ ഉൾപ്പടെ) തുല്യമായി സെക്രട്ടറി, എസ്.റ്റി.എ, കേരളയുടെ പേരിലുള്ള ഡിമാൻഡ് ഡ്രാഫ്റ്റ് എന്നിവയോടൊപ്പം നികുതി ടോക്കൺ വാഹന ഉടമയ്ക്ക് അയച്ചുനൽകുന്നതിന് മേൽവിലാസമെഴുതി ആവശ്യമായ തപാൽ സ്റ്റാമ്പ് ഒട്ടിച്ച കവറും സെക്രട്ടറി, എസ്.റ്റി.എ, ട്രാൻസ്‌പോർട്ട് കമ്മീഷ്ണറേറ്റ്, ട്രാൻസ് ടവേഴ്‌സ്, വഴുതക്കാട്, തൈക്കാട് പി.ഒ, തിരുവനന്തപുരം-695014 എന്ന വിലാസത്തിൽ അയക്കണം. ജൂൺ 30 വരെയുള്ള കാലയളവിലെ ഫൈൻ ഒഴിവാക്കിയിട്ടുണ്ട്. ഇതിനായി ഓഫീസിൽ നേരിട്ട് ഹാജരാകുകയോ അസ്സൽ രേഖകളോ സമർപ്പിക്കുകയോ ചെയ്യേണ്ടതില്ല. സംശയ നിവാരണത്തിന് 0471-2333317/2333337 എന്നീ ഫോൺ നമ്പറുകളിൽ ബന്ധപ്പെടാം.  
പി.എൻ.എക്‌സ്. 2607/2020