ഓണം ബമ്പർ ഭാഗ്യക്കുറി പ്രകാശനം ഇന്ന് (ആഗസ്റ്റ് 4); ഒന്നാം സമ്മാനം 12 കോടി രൂപ

12 കോടി രൂപ ഒന്നാം സമ്മാനം നൽകുന്ന ഓണം ബമ്പർ ഭാഗ്യക്കുറി 2020 ധനമന്ത്രി ഡോ. റ്റി.എം. തോമസ് ഐസക്ക് തിരുവനന്തപുരത്ത് ഇന്ന് (ആഗസ്റ്റ് 4) പ്രകാശനം ചെയ്യും. വി.കെ. പ്രശാന്ത് എം.എൽ.എ ടിക്കറ്റ് ഏറ്റുവാങ്ങും. 300 രൂപയാണ് ടിക്കറ്റ് വില. അടുത്ത മാസം (സെപ്റ്റംബർ) 20ന് നറുക്കെടുക്കും. രണ്ടാം സമ്മാനമായി ഒരു കോടിരൂപ വീതം ആറ് പേർക്ക് ലഭിക്കും. മൂന്നാം സമ്മാനം 10 ലക്ഷം രൂപ വീതം 12 പേർക്കും നാലാം സമ്മാനം 5 ലക്ഷം രൂപ വീതം 12 പേർക്കും ലഭിക്കും. ഇതിനുപുറമെ ഒരു ലക്ഷം, 5000, 3000, 2000, 1000 രൂപയുടെ നിരവധി സമ്മാനങ്ങളുമുണ്ട്. ജൂലൈ 30ലെ നറുക്കെടുപ്പ് മാറ്റി വച്ച മൺസൂൺ ബംബർ ഭാഗ്യക്കുറിയും ഇന്ന് (ആഗസ്റ്റ് 4) നറുക്കെടുക്കും.
പി.എൻ.എക്‌സ്. 2637/2020