അക്വാകള്‍ചര്‍ പ്രൊമോട്ടറാകാം

ജനകീയ മത്സ്യകൃഷി പദ്ധതിയില്‍ കുമളി, ഉടുമ്പന്‍ചോല, ദേവികുളം, വെള്ളത്തൂവല്‍, പുറപ്പുഴ ഗ്രാമപഞ്ചായത്തുകള്‍ തൊടുപുഴ, കട്ടപ്പന മുനിസിപ്പാലിറ്റികള്‍  എന്നിവിടങ്ങളില്‍ കരാറടിസ്ഥാനത്തില്‍ അക്വാകള്‍ചര്‍ പ്രൊമോട്ടറായി പ്രവര്‍ത്തിക്കുന്നതിന് അപേക്ഷ ക്ഷണിച്ചു. അപേക്ഷകര്‍ 20 നും 56 വയസ്സിനും മദ്ധ്യേ പ്രായമുള്ളവരായിരിക്കണം. തദ്ദേശീയരായവര്‍ക്ക് മുന്‍ഗണന. യോഗ്യത: വി എച്ച് എസ് സി (ഫിഷറീസ്)/ഫിഷറീസ് വിഷയങ്ങള്‍, അല്ലെങ്കില്‍ സുവോളജി ബിരുദം/ എസ് എസ് എല്‍ സി യും ഏതെങ്കിലും സര്‍ക്കാര്‍ സ്ഥാപനത്തില്‍ മത്സ്യ കൃഷിയില്‍ നാലു വര്‍ഷത്തെ പ്രവൃത്തി പരിചയം. വെള്ളക്കടലാസില്‍ തയ്യാറാക്കിയ അപേക്ഷ, വിദ്യാഭ്യാസ യോഗ്യത പ്രായം, സ്ഥിര മേല്‍വിലാസം എന്നിവ തെളിയിക്കുന്ന രേഖകളുടെ പകര്‍പ്പ് സഹിതം ഫിഷറീസ് അസിസ്റ്റന്റ് ഡയറക്ടറുടെ കാര്യാലയം, പൈനാവ്, ഇടുക്കി പിന്‍ - 685603 എന്ന വിലാസത്തില്‍ ആഗസ്റ്റ് ഏഴിന് രണ്ടു മണിക്ക് മുന്‍പ് ലഭിക്കണം. ഫോണ്‍ 04862 232550, 7907161764.