സഹായം 8540 കുടുംബങ്ങള്‍ക്ക്

കാക്കനാട്: ഓഖി ചുഴലിക്കാറ്റിനെ തുടര്‍ന്ന് ദുരന്തബാധിത മേഖലയായി മാറിയ വൈപ്പിന്‍, ചെല്ലാനം മേഖലയിലെ മത്സ്യത്തൊഴിലാളി കുടുംബങ്ങള്‍ക്കുള്ള അടിയന്തിര ധനസഹായമായി ജില്ലയ്ക്ക് (1,70,80,000) ഒരു കോടി എഴുപത് ലക്ഷത്തി എണ്‍പതിനായിരം രൂപ അനുവദിച്ചു. ദുരന്തബാധിതരായ മത്സ്യത്തൊഴിലാളി കുടുംബങ്ങള്‍ക്ക് 2000 രൂപ വീതമാണ് അനുവദിക്കുന്നത്. ഫിഷറീസ് വകുപ്പാണ് അര്‍ഹരായ മത്സ്യത്തൊഴിലാളികളുടെ പട്ടിക തയാറാക്കി തുക വിതരണം ചെയ്യുന്നത്. 8540 കുടുംബങ്ങള്‍ക്കാണ് ജില്ലയില്‍ ധനസഹായം വിതരണം ചെയ്യുന്നത്. തുക ഫിഷറീസ് വകുപ്പിന് കൈമാറിയതായി ദുരന്ത നിവാരണ അതോറിറ്റി അറിയിച്ചു. 

പട്ടികവര്‍ഗ്ഗക്കാര്‍ക്കായി സാംസ്‌ക്കാരിക വിദ്യാഭ്യാസ പരിപാടികള്‍ നടപ്പാക്കുന്ന സ്ഥാപനങ്ങളില്‍ നിന്ന് താല്‍പര്യപത്രം ക്ഷണിച്ചു. വിശദ വിവരങ്ങള്‍ക്ക് പട്ടികവര്‍ഗ്ഗ വികസന വകുപ്പ് ഡയറക്ടറുടെ കാര്യാലയവുമായി ബന്ധപ്പെടണം.

പി.എന്‍.എക്‌സ്.5260/17

സാമൂഹ്യനീതി വകുപ്പിലെ വിവിധ ക്ഷേമ സ്ഥാപനങ്ങളിലെ അന്തേവാസികളുടെ ജീവിത നിലവാരം മെച്ചപ്പെടുത്തുന്നതിനുള്ള പദ്ധതികള്‍ നടപ്പിലാക്കാനായി വകുപ്പിന്റെ അക്രഡിറ്റേഷനുള്ള സന്നദ്ധ സംഘടനകളില്‍ നിന്നും പ്രൊപ്പോസലുകള്‍ ക്ഷണിച്ചു. പ്രപ്പോസലുകള്‍ ഡിസംബര്‍ 27 നകം തിരുവനന്തപുരം വികാസ് ഭവനിലെ സാമൂഹ്യനീതി വകുപ്പ് ഡയറക്ടറേറ്റില്‍ ലഭിക്കണം. ഫോണ്‍ : 0471 - 2306040, ഇ-മെയില്‍ : swdkerala.com

പി.എന്‍.എക്‌സ്.5259/17

കേരള നിയമസഭയുടെ ഹര്‍ജികള്‍ സംബന്ധിച്ച സമിതി, ഡിസംബര്‍ 13ന് രാവിലെ 10.30ന് കോഴിക്കോട് ജില്ലാ പഞ്ചായത്ത് കോണ്‍ഫറന്‍സ് ഹാളില്‍ തെളിവെടുപ്പ് നടത്തും.

സമിതിയുടെ പരിഗണനയിലുളള കോഴിക്കോട് ജില്ലയിലെ ഹര്‍ജികളിന്മേല്‍ ബന്ധപ്പെട്ട വകുപ്പുകളിലെ ജില്ലാതല ഉദ്യോഗസ്ഥര്‍, ഹര്‍ജിക്കാര്‍ എന്നിവരുമായി ചര്‍ച്ചയും തെളിവെടുപ്പും നടത്തും.  വ്യക്തികളില്‍ നിന്നും സംഘടനകളില്‍ നിന്നും പുതിയ പരാതികള്‍/നിര്‍ദേശങ്ങള്‍ സ്വീകരിക്കും.  താത്പര്യമുളളവര്‍ യോഗത്തിനെത്തി പരാതികളും നിര്‍ദേശങ്ങളും നല്‍കണം.

പി.എന്‍.എക്‌സ്.5258/17

ദേശീയ ഊര്‍ജ്ജ സംരക്ഷണ ദിനം ഡിസംബര്‍ 14ന് ആചരിക്കും. സംസ്ഥാനത്തെ എല്ലാ സര്‍ക്കാര്‍ ഓഫീസുകളിലും സ്ഥാപനങ്ങളിലും 14ന് രാവിലെ 11 മണിക്ക് ഊര്‍ജ സംരക്ഷണ പ്രതിജ്ഞയെടുക്കണമെന്ന് സര്‍ക്കാര്‍ നിര്‍ദേശിച്ചു.  വിദ്യാഭ്യാസ സ്ഥാപനങ്ങളില്‍ അസംബ്ലിയില്‍ പ്രതിജ്ഞയെടുക്കണം.

പി.എന്‍.എക്‌സ്.5257/17

കേരള സര്‍ക്കാരിന്റെ നിയന്ത്രണത്തിലുളള എല്‍.ബി.എസ് സെന്റര്‍ ഫോര്‍ സയന്‍സ് ആന്റ് ടെക്‌നോളജിയുടെ തിരുവനന്തപുരം കേന്ദ്രത്തില്‍ എസ്.എസ്.എല്‍.സി പാസായ വിദ്യാര്‍ത്ഥികള്‍ക്ക് ഡേറ്റാ എന്‍ട്രി ആന്റ് ഓഫീസ് ഓട്ടോമേഷന്‍ (ഇംഗ്ലീഷ് ആന്റ് മലയാളം) ഒഴിവുളള സീറ്റുകളിലേക്കും പ്ലസ്ടു കൊമേഴ്‌സ്/ബി.കോം/ജെ.ഡി.സി/എച്ച്.ഡി.സി പാസായ വിദ്യാര്‍ത്ഥികള്‍ക്ക് റ്റാലി കോഴ്‌സുകളിലേക്കും അപേക്ഷിക്കാം. കൂടുതല്‍ വിവരങ്ങള്‍ www.lbscentre.in ലും 0471  2560332, 2560333, 8547141406 എന്നീ നമ്പരുകളിലും ലഭിക്കും.

പി.എന്‍.എക്‌സ്.5256/17

കൊച്ചി: വിശാലകൊച്ചിയുടെ കിസന സ്വപ്‌നങ്ങള്‍ക്ക് നിറം പകര്‍ന്നു കൊണ്ട് വൈറ്റില ഫ്‌ളൈ ഓവര്‍ യാഥാര്‍ഥ്യമാകുന്നു. ഫ്‌ളൈഓവറിന്റെ നിര്‍മ്മാണോദ്ഘാടനം ഡിസംബര്‍ 11 ന് രാവിലെ 11.30 ന് മുഖ്യമന്ത്രി പിണറായി വിജയന്‍ നിര്‍വഹിക്കും. പൊതുമരാമത്ത് വകുപ്പ് മന്ത്രി ജി. സുധാകരന്‍ അധ്യക്ഷത വഹിക്കും. ധനമന്ത്രി തോമസ് ഐസക് മുഖ്യാതിഥിയാകും. കൊച്ചി മേയര്‍ സൗമിനി ജെയിന്‍, പ്രൊഫ. കെ.വി. തോമസ് എംപി, എംഎല്‍എമാരായ എം. സ്വരാജ്, കെ.ജെ. മാക്‌സി, ഹൈബി ഈഡന്‍, ജോണ്‍ ഫെര്‍ണാണ്ടസ്, ജില്ല കളക്ടര്‍ മുഹമ്മദ് വൈ സഫീറുള്ള, ജിസിഡിഎ ചെയര്‍മാന്‍ സി.എന്‍. മോഹനന്‍, ഡെപ്യൂട്ടി മേയര്‍ ടി.ജെ. വിനോദ്, കൗണ്‍സിലര്‍ പി.എസ്.

കൊച്ചി: മഹാരാജാസ് കോളേജ് കേന്ദ്രമായുള്ള ഗവേഷണ പ്രബന്ധങ്ങളുടെ സംഗ്രഹം പ്രകാശനവും ഗ്രന്ഥശാല സമുച്ചയ ശിലാസ്ഥാപനവും ഹൈബി ഈഡന്‍ എംഎല്‍എ നിര്‍വഹിച്ചു. കലാലയത്തിലെ അധ്യാപകര്‍ പ്രസിദ്ധീകരിച്ച പുസ്തകങ്ങളുടെ കാറ്റലോഗ് പ്രകാശനവും ചടങ്ങില്‍ നിര്‍വഹിച്ചു. മഹാരാജാസിലെ ഗവേഷണ പ്രബന്ധങ്ങള്‍ അക്കാദമിക് സമൂഹത്തിന് മാതൃകയാണെന്നും മഹാരാജാസ് കോളേജിന്റെ പുരോഗതിക്കായി രാഷ്ട്രീയത്തിനതീതമായി സമൂഹത്തിന്റെ വിവിധ ശ്രേണിയിലുളളവര്‍ കൂട്ടായി പരിശ്രമിക്കുന്നുണ്ടെന്നും എംഎല്‍എ പറഞ്ഞു. 

കൊച്ചി: മൂക്കന്നൂര്‍ വില്ലേജ് അതിര്‍ത്തിയില്‍ ഡിസംബര്‍ എട്ടിന് രാവിലെ ഫോര്‍ട്ട്‌കൊച്ചി സബ് കളക്ടര്‍ കെ. ഇമ്പശേഖര്‍ നടത്തിയ മിന്നല്‍ പരിശോധനയില്‍ അനധികൃതമായി ചുവന്ന മണ്ണ് കടത്തിയ (കെ.എല്‍ 41ഡി 6237, കെ.എല്‍ 63എ 70, കെ.എല്‍.63 277) മൂന്ന് ടിപ്പര്‍ ലോറികള്‍ പിടികൂടി. അനധികൃതമായി ഖനനവും, മണ്ണ് കടത്തലും നടക്കുന്നതായി വിവരം ലഭിച്ചതിനെ തുടര്‍ന്നാണ് സബ് കളക്ടര്‍ സ്ഥലം സന്ദര്‍ശിച്ചത്. തുടര്‍ന്ന് വിവരം ശരിയാണെന്നു ബോധ്യപ്പെടുകയും  വാഹനങ്ങള്‍ പിടിച്ചെടുത്ത് പോലീസില്‍ ഏല്‍പ്പിക്കുകയുമായിരുന്നു.

കൊച്ചി: കൊച്ചി സിറ്റിയില്‍ മഹാരാജാസ് മെട്രോ സ്റ്റേഷന്‍ മുതല്‍ സൗത്ത് റെയില്‍വെ സ്റ്റേഷന്‍വരെയുളള ഭാഗത്തെ മെട്രോ റെയിലിന്റെ അടുത്തഘട്ട നിര്‍മ്മാണ പ്രവര്‍ത്തനങ്ങള്‍ നടന്നുവരുന്നതിനാല്‍ ഈ മേഖലയിലെ ഗതാഗതക്കുരുക്ക് ഒഴിവാക്കി സുഗമമായ ഗതാഗതം സാധ്യമാക്കുന്നതിന് ഇനി പറയും പ്രകാരം ക്രമീകരണങ്ങള്‍  നടപ്പിലാക്കി.