കേരള സംസ്ഥാന എക്‌സ് സര്‍വീസ്‌മെന്‍ ഡവലപ്‌മെന്റ് ആന്റ് റിഹാബിലിറ്റേഷന്‍ കോര്‍പ്പറേഷനില്‍ കരാറടിസ്ഥാനത്തില്‍ പ്രോജക്ട് ഓഫീസറുടെ ഒഴിവുണ്ട്.  കമ്മീഷന്‍ഡ് ഓഫീസറുടെ പദവിയില്‍ കുറയാത്ത റാങ്കിലുള്ള വിമുക്ത ഭടന്മാര്‍ക്ക് അപേക്ഷിക്കാം.  പ്രായം 50 വയസ് കവിയരുത്.  യോഗ്യത: ബിരുദവും പദ്ധതി ആസൂത്രണം, നടത്തിപ്പ്, മേല്‍നോട്ടം, നെറ്റ്‌വര്‍ക്ക് പ്രോഗ്രാമിംഗ് എന്നിവയില്‍ പ്രവൃത്തി പരിചയവും.  ശമ്പളം : 25,000 രൂപ.  ഉദ്യോഗാര്‍ത്ഥികള്‍ ബന്ധപ്പെട്ട രേഖകളുമായി മാനേജിംഗ് ഡയറക്ടര്‍, കെക്‌സ്‌കോണ്‍, ടി.സി 25/838, അമൃത ഹോട്ടലിന് എതിര്‍വശം, തൈക്കാട് പി.ഒ, തിരുവനന്തപുരം - 695 014 എന്ന വിലാസത്തില്‍ അപേക്ഷിക്കണം.  

കെക്‌സ്‌കോണ്‍ മുഖേന 2015-16, 16-17 അധ്യയന വര്‍ഷങ്ങളില്‍ ജോലിനോക്കിവരുന്ന വിമുക്ത ഭടന്മാരുടെയും വിധവകളുടെയും ഐ.സി.എസ്.ഇ, സി.ബി.എസ്.ഇ കേരള സിലബസുകളില്‍ പ്ലസ് ടുവിന് എല്ലാവിഷയങ്ങള്‍ക്കും എ പ്ലസ് നേടിയ കുട്ടികള്‍ക്ക് ക്യാഷ് അവാര്‍ഡ് നല്‍കും.  അര്‍ഹരായ കുട്ടികളുടെ മാര്‍ക്ക് ഷീറ്റ്, വിമുക്തഭടന്മാരുടെ ഡിസ്ചാര്‍ജ്ജ് ബുക്കിന്റെ പകര്‍പ്പ്, കെക്‌സ്‌കോണ്‍ രജിസ്‌ട്രേഷന്‍ നമ്പര്‍, ഈ കാലയളവില്‍ ജോലി ചെയ്തിരുന്ന സ്ഥാപനത്തിന്റെ വിവരം തുടങ്ങിയവ സഹിതം അഡ്മിനിസ്‌ട്രേറ്റീവ് ഓഫീസര്‍, കെക്‌സ്‌കോണ്‍, ടി.സി-25/838, അമൃത ഹോട്ടലിന് എതിര്‍വശം, തൈക്കാട് പി.ഒ., തിരുവനന്തപുരം - 695 014 എന്ന വിലാസത്തില്‍ നേരിട്ടോ തപാല്‍ മ

കേരളാ സ്റ്റേറ്റ് ഇലക്ട്രിസിറ്റി ലൈസന്‍സിംഗ് ബോര്‍ഡ് നടത്തുന്ന ഇലക്ട്രിക്കല്‍ സൂപ്പര്‍വൈസര്‍ ബി-ഗ്രേഡ് ഇന്റര്‍വ്യൂവിന് പാലക്കാട് ജില്ലയില്‍ നിന്നും 2017 നവംബര്‍ 30 വരെ അപേക്ഷ സമര്‍പ്പിച്ചവര്‍ക്ക് ഡിസംബര്‍ 19, 20, 21 തീയതികളില്‍ പാലക്കാട് ജില്ലാ ഇലക്ട്രിക്കല്‍ ഇന്‍സ്‌പെക്ടറുടെ കാര്യാലയത്തില്‍ ഇന്റര്‍വ്യൂ നടത്തും.  അറിയിപ്പ് ലഭിക്കാത്തവര്‍ കേരളാ സ്റ്റേറ്റ് ഇലക്ട്രിസിറ്റി ലൈസന്‍സിംഗ് ബോര്‍ഡ് സെക്രട്ടറിയുടെ കാര്യാലയവുമായി ബന്ധപ്പെടണം.  ഫോണ്‍ : 0471 2115390.

പി.എന്‍.എക്‌സ്.5236/17

തദ്ദേശസ്വയംഭരണ വകുപ്പിന്റെ കീഴിലുള്ള ജില്ലാ ശുചിത്വമിഷനുകളില്‍ അസിസ്റ്റന്റ് ജില്ല കോ-ഓര്‍ഡിനേറ്റര്‍ ഒഴിവുകളിലേക്ക് സംസ്ഥാന സര്‍ക്കാരിന്റെ വിവിധ വകുപ്പുകളിലെ 20,000 - 45,800 മുതല്‍ 35,700 - 75,600 വരെ ശമ്പള സ്‌കെയിലിലുള്ള ജീവനക്കാരില്‍ നിന്നും ഡെപ്യൂട്ടേഷന്‍ വ്യവസ്ഥയില്‍ നിയമനത്തിന് അപേക്ഷ ക്ഷണിച്ചു.

സംസ്ഥാനത്തെ എല്ലാ സര്‍ക്കാര്‍ ഓഫീസുകള്‍, വിദ്യാഭ്യാസ സ്ഥാപനങ്ങള്‍, എയ്ഡഡ് സ്ഥാപനങ്ങള്‍, തദ്ദേശ സ്വയംഭരണ സ്ഥാപനങ്ങള്‍ എന്നിവിടങ്ങളില്‍ ഡിസംബര്‍ 11 ന് രാവിലെ 11 മണിക്ക് ഉദ്യോഗസ്ഥര്‍ മനുഷ്യാവകാശ ദിന പ്രതിജ്ഞയെടുക്കണമെന്ന് സര്‍ക്കാര്‍ നിര്‍ദ്ദേശിച്ചു. ഡിസംബര്‍ 10 അവധി ദിനമായതിനാല്‍ മനുഷ്യാവകാശ ദിനാചരണം 11 ന് നടത്തണമെന്ന് ജില്ലാ കളക്ടര്‍മാര്‍ക്കും വകുപ്പ് മേധാവികള്‍ക്കും നിര്‍ദ്ദേശം നല്‍കി.

പി.എന്‍.എക്‌സ്.5234/17

ഗവണ്‍മെന്റ് സെക്രട്ടേറിയറ്റില്‍ 2018 ജനുവരി ഒന്നു മുതല്‍ അറ്റന്‍ഡന്‍സ് മാനേജ്‌മെന്റ് സിസ്റ്റം (പഞ്ചിംഗ് സിസ്റ്റം) പരിഷ്‌കരിക്കാനും ഈ സംവിധാനം സ്പാര്‍ക്കുമായി ബന്ധിപ്പിക്കാനും തീരുമാനിച്ചു. സെക്രട്ടേറിയറ്റ് സര്‍വ്വീസില്‍ പുതിയതായി നിയമിതരായവരും, തിരിച്ചറിയല്‍ കാര്‍ഡ് ഇതുവരെ കൈപ്പറ്റാത്തവരും കാര്‍ഡ് നഷ്ടപ്പെട്ടുപോയിട്ടുള്ളതുമായ ജീവനക്കാര്‍ ഈ മാസം 15 നു മുമ്പ് തിരിച്ചറിയല്‍ കാര്‍ഡ് കൈപ്പറ്റുന്നതിനുള്ള നടപടി സ്വീകരിക്കണം. ജനുവരി ഒന്നു മുതല്‍ ബയോമെട്രിക് അറ്റന്‍ഡന്‍സ് മാനേജ്‌മെന്റ് സിസ്റ്റത്തിലൂടെ (പഞ്ചിംഗ് സിസ്റ്റം) ഹാജര്‍ രേഖപ്പെടുത്തുന്നവര്‍ക്കു മാത്രമേ ശമ്പളം ലഭിക്കൂ.

വളരെക്കാലമായി തീര്‍പ്പാക്കാതെ കിടക്കുന്ന തര്‍ക്കങ്ങള്‍ക്ക് പരിഹാരം കാണാന്‍ ഡിസംബര്‍ ഒമ്പതിന് സംസ്ഥാനത്തെ എല്ലാ കോടതികളിലും നടത്തുന്ന ലോക് അദാലത്തിന്റെ സേവനം പ്രയോജനപ്പെടുത്താന്‍ ഗവര്‍ണര്‍ പി സദാശിവം ജനങ്ങളോടഭ്യര്‍ത്ഥിച്ചു.

   തൃക്കരിപ്പൂര്‍ ഗ്രാമപഞ്ചായത്ത് സൗരോര്‍ജ്ജ  പാനല്‍ ഇന്ന് (8) രാവിലെ 10.30 ന് ജില്ലാ കലക്ടര്‍ കെ ജീവന്‍ബാബു ഉദ്ഘാടനം ചെയ്യും.  ചടങ്ങില്‍ ഗ്രാമപഞ്ചായത്ത് പ്രസിഡന്റ് വി പി ഫൗസിയ അധ്യക്ഷത വഹിക്കും.      തൃക്കരിപ്പൂര്‍ ഗ്രാമപഞ്ചായത്തിന്റെ വാര്‍ഷിക പദ്ധതിയില്‍ ഉള്‍പ്പെടുത്തി ലോകബാങ്ക് ധനസഹായത്തോടെ 13.2 ലക്ഷം രൂപ ചെലവഴിച്ച് 20 കിലോവാട്ട്‌സിന്റെ ഓണ്ഗ്രിംഡ് സോളാര്‍ പാനലാണ് പഞ്ചായത്ത് കെട്ടിടത്തില്‍ സ്ഥാപിച്ചിരിക്കുന്നത്.  പഞ്ചായത്ത് ഓഫീസ് ആവശ്യത്തിനുള്ള വൈദ്യുതി ഉപയോഗം കഴിഞ്ഞ് മിച്ച്ം വരുന്ന വൈദ്യുതി കെ.എസ്.ഇ ബി.ക്ക് കൈമാറും.  

റോഡ്‌സുരക്ഷാ കൗണ്‍സിലിന്റെ ആഭിമുഖ്യത്തില്‍ റോഡ് സുരക്ഷാബോധവല്‍ക്കരണത്തിനായി   ജില്ലയില്‍ വിവിധ കേന്ദ്രങ്ങളില്‍ അവതരിപ്പിക്കുന്നതിന്  തെരുവ്‌നാടകത്തിനും ഹ്രസ്വ ചിത്ര മത്സരങ്ങള്‍ക്കുമുള്ള എന്‍ട്രികള്‍ സ്വീകരിക്കുന്നതിനുളള തീയതി നീട്ടി.  ഈ മാസം  15 വരെ എന്‍ട്രികള്‍ ജില്ലാ  ഇന്‍ഫര്‍മേഷന്‍ ഓഫീസില്‍ സ്വീകരിക്കും. റോഡ്‌സുരക്ഷ സംബന്ധിച്ചുളള കൂടുതല്‍ വിവരങ്ങള്‍ ആര്‍ടിഒ ഓഫീസില്‍ നിന്നും ലഭിക്കും.  ഫോണ്‍ 04994 255145.
 

   ജില്ലയിലെ എന്‍ഡോസള്‍ഫാന്‍ ബാധിത കുടുംബങ്ങളില്‍ നിന്നും പൊതുവിഭാഗത്തില്‍ ഉള്‍പ്പെട്ട റേഷന്‍കാര്‍ഡ് ഉടമകള്‍ മുന്‍ഗണനാലിസ്റ്റില്‍ ഉള്‍പ്പെടുത്തുന്നതിന്  അര്‍ഹരാണെങ്കില്‍  ആയതിനുളള അപേക്ഷ ബന്ധപ്പെട്ട താലൂക്ക് സപ്ലൈ ഓഫീസില്‍ ഉടന്‍ തന്നെ സമര്‍പ്പിക്കേണ്ടതാണെന്ന് ജില്ലാകളക്ടര്‍ അറിയിച്ചു.