ആലപ്പുഴ ഗവ.ടി.ഡി മെഡിക്കല്‍ കോളേജിലെ ന്യൂറോളജി വിഭാഗത്തിലേക്ക് 10-20 ഇഇജി പേസ്റ്റ് വിതരണം ചെയ്യുന്നതിന് ക്വട്ടേഷന്‍ ക്ഷണിച്ചു.  അവസാന തീയതി മാര്‍ച്ച് 22. ഫോണ്‍: 0477-2282611.

*ആലപ്പുഴ ഗവ. ടി.ഡി മെഡിക്കല്‍ കോളേജിലെ ആര്‍ഇഐസി(ഓട്ടിസം) വിഭാഗത്തിലേക്ക് കേസ് ഷീറ്റുകള്‍ സൂക്ഷിക്കുന്നതിന് ആവശ്യമായ പ്രിന്റഡ് ലാമിനേറ്റഡ് ടാഗ് ഫയല്‍ (1600 എണ്ണം) വാങ്ങി വിതരണം ചെയ്യുന്നതിന് ക്വട്ടേഷന്‍ ക്ഷണിച്ചു. അവസാന തീയതി മാര്‍ച്ച് 20 ഉച്ചക്ക് 12 ന്. ഫോണ്‍: 0477-2282015.
(പിആർ/എഎൽപി/803)

ആലപ്പുഴ ഗവ. ടി.ഡി മെഡിക്കല്‍ കോളേജിലെ ട്രോമാകെയര്‍ വിഭാഗത്തില്‍ ജൂനിയര്‍ കണ്‍സള്‍ട്ടന്റ് തസ്തികയിലെ മൂന്ന് ഒഴിവുകളിലേക്ക് കരാര്‍ അടിസ്ഥാനത്തില്‍ നിയമനം നടത്തുന്നതിന് ഏപ്രില്‍ രണ്ടിന് രാവിലെ 11 മണിക്ക് പ്രിന്‍സിപ്പല്‍ ഓഫീസില്‍ അഭിമുഖം നടത്തും. യോഗ്യത: എമര്‍ജന്‍സി മെഡിസിനില്‍ ബിരുദാനന്തര ബിരുദം അല്ലെങ്കില്‍  ഡിപ്ലോമ അല്ലെങ്കില്‍ ഓര്‍ത്തോപീഡിക്സ്,  അനസ്ത്യേഷ്യോളജി, ജനറല്‍ സര്‍ജറി  എന്നിവയിലേതിലെങ്കിലുമുള്ള ബിരുദാനന്തര ബിരുദം.

ആര്യാട് ഐ.സി.ഡി.എസ് പ്രൊജക്ട് പരിധിയിലുള്ള 33 അങ്കണവാടികളിലേക്ക് ഫര്‍ണീച്ചര്‍, ഉപകരണങ്ങള്‍ എന്നിവ വിതരണം ചെയ്യുന്നതിന് റീ ടെന്‍ഡര്‍ ക്ഷണിച്ചു. ടെന്‍ഡര്‍ സ്വീകരിക്കുന്ന അവസാന തീയതി മാര്‍ച്ച് 19 ന് ഉച്ചക്ക് ഒരു മണി. ഫോണ്‍: 9447520803.
(പിആർ/എഎൽപി/801)

ആലപ്പുഴ ഗവ. ടി.ഡി മെഡിക്കല്‍ കോളേജ് ആശുപത്രി വികസന സൊസൈറ്റിക്ക് കീഴില്‍ വിവിധ വിഭാഗങ്ങളിലേക്ക് പ്രതിമാസം 5000 രൂപ സ്‌റ്റൈപ്പെന്റോടെ പെയ്ഡ് ട്രെയിനിമാരെ താല്‍ക്കാലികമായി നിയമിക്കുന്നു.

ലോക ഉപഭോക്തൃ അവകാശ ദിനാഘോഷത്തോടനുബന്ധിച്ചുള്ള ആലപ്പുഴ ജില്ലാതല ഉപഭോക്തൃ അവകാശ ദിനാചരണം മാര്‍ച്ച് 15 ന് ശനിയാഴ്ച്ച രാവിലെ 9.30 ന്  ജില്ലാ പഞ്ചായത്ത് ഹാളില്‍ അമ്പലപ്പുഴ എം.എല്‍.എ. എച്ച്. സലാം ഉദ്ഘാടനം ചെയ്യും. 'സുസ്ഥിര ജീവിത ശൈലിയിലേക്കുള്ള ശരിയായ മാറ്റം' എന്നതാണ് ഈ വര്‍ഷത്തെ ഉപഭോക്തൃദിന സന്ദേശം. സ്‌കൂള്‍, കോളേജ് കണ്‍സ്യൂമര്‍ ക്ലബുകള്‍, ഉപഭോക്തൃ സന്നദ്ധ സംഘടനകള്‍, റസിഡന്റസ് അസോസിയേഷന്‍ പ്രതിനിധികള്‍ തുടങ്ങി വിവിധ മേഖലയിലുള്ളവര്‍ പങ്കെടുക്കും.  
(പിആർ/എഎൽപി/799)

കേരളസര്‍ക്കാര്‍ സ്ഥാപനമായ കേരള സ്റ്റേറ്റ് റൂട്രോണിക്‌സ് സര്‍ട്ടിഫിക്കറ്റോടുകൂടി തിരുവനന്തപുരം, ആറ്റിങ്ങല്‍ അംഗീകൃത പഠന കേന്ദ്രങ്ങളില്‍ നടത്തുന്ന ഒരു വര്‍ഷം, ആറു മാസം, മൂന്ന് മാസം ദൈര്‍ഘ്യമുള്ള ലോജിസ്റ്റിക്‌സ് ആന്‍ഡ് സപ്ലൈ ചെയിന്‍ മാനേജ്‌മെന്റ് കോഴ്സുകള്‍ക്ക് അപേക്ഷ ക്ഷണിച്ചു. ഇന്റേണ്‍ഷിപ്പോടുകൂടി നടത്തുന്ന റെഗുലര്‍, പാര്‍ടൈം ബാച്ചുകളിലേക്ക് എസ്.എസ്.എല്‍.സി, പ്ലസ് ടു, ഡിഗ്രി പാസായവര്‍ക്ക് അപേക്ഷിക്കാം. ഫോണ്‍: 7994926081.
(പിആർ/എഎൽപി/798)

ആയാപറമ്പ് ഗവ. ന്യൂ യു പി സ്കൂളിൽ 'അക്ഷരതീരം' പഠനോത്സവം സംഘടിപ്പിച്ചു. മാടശ്ശേരി നഗറിൽ നടന്ന പരിപാടി ചെറുതന ഗ്രാമപഞ്ചായത്ത് പ്രസിഡന്റ് എബി മാത്യു ഉദ്ഘാടനം ചെയ്തു. വിരമിച്ച അധ്യാപകനും കലാകാരനുമായ രവി പ്രസാദ് പഠനോത്സവത്തിന് നേതൃത്വം നൽകി. കുട്ടികളുടെ പാഠഭാഗങ്ങളുമായി ബന്ധപ്പെട്ട കഥകൾ, കവിതകൾ, നാടകം തുടങ്ങിയവയുടെ അവതരണമാണ് നടന്നത്. വിദ്യാഭ്യാസ സ്ഥിരംസമിതി അധ്യക്ഷൻ ബിനു ചെല്ലപ്പൻ അധ്യക്ഷനായി. പഞ്ചായത്തംഗം ശരത് ചന്ദ്രൻ,  പ്രഥമാധ്യാപകൻ എസ് അഭിലാഷ്, അധ്യാപിക അർച്ചന, രക്ഷകർത്താക്കൾ, അധ്യാപകർ, മറ്റ് ഉദ്യോഗസ്ഥർ തുടങ്ങിയവർ പങ്കെടുത്തു.
(പിആർ/എഎൽപി/797)

ആലപ്പുഴ ജനറല്‍ ആശുപത്രിയിലേക്ക് 2025-26 സാമ്പത്തിക വര്‍ഷത്തില്‍ ലാബ് ടെസ്റ്റുകള്‍ ചെയ്തു നല്‍കുന്നതിന് താല്‍പര്യമുള്ള സ്ഥാപനങ്ങളില്‍ നിന്നും ടെന്‍ഡര്‍ ക്ഷണിച്ചു. അവസാന തീയതി മാര്‍ച്ച് 25 ന് ഉച്ചക്ക് മൂന്ന് മണി. ഫോണ്‍: 0477-2253324.

*ആലപ്പുഴ ജനറല്‍ ആശുപത്രിയിലേക്ക് 2025-26 സാമ്പത്തിക വര്‍ഷത്തില്‍ ലാബ് റിയേജന്റുകള്‍ വിതരണം ചെയ്യുന്നതിന് താല്‍പര്യമുള്ള സ്ഥാപനങ്ങളില്‍ നിന്നും ടെന്‍ഡര്‍ ക്ഷണിച്ചു. അവസാന തീയതി മാര്‍ച്ച് 22 ഉച്ചക്ക് മൂന്ന് മണി.  ഫോണ്‍: 0477-2253324.
(പിആർ/എഎൽപി/796)

വിദ്യാർത്ഥികളുടെ മാനസികാരോഗ്യം ഉറപ്പാക്കുന്നതിന് ഓരോരുത്തർക്കും കൂട്ടായ ഉത്തരവാദിത്തമുണ്ടെന്ന് കേന്ദ്ര ന്യൂനപക്ഷ, ഫിഷറീസ് വകുപ്പ് സഹമന്ത്രി ജോർജ്ജ് കുര്യൻ. കോഴിക്കോട് കോർപ്പറേഷൻ വാർഡ് 14 ചേവരമ്പലത്ത് ആരംഭിച്ച അർബൻ ഹെൽത്ത് & വെൽനെസ് സെൻ്റർ ഉദ്ഘാടനം ചെയ്തു സംസാരിക്കുകയായിരുന്നു മന്ത്രി. 

മാനസിക  ആരോഗ്യത്തെ ശാരീരികാരോഗ്യം പോലെ തന്നെ ഗൗരവത്തിൽ സമീപിക്കുന്ന സ്ഥിതി ഉണ്ടാവണം. സമകാലിക സംഭവങ്ങളുടെ പശ്ചാത്തലത്തിൽ വിദ്യാർത്ഥികൾ നേരിടുന്ന പ്രതിസന്ധികളും  വെല്ലുവിളികളും നിർഭയത്വത്തോടെ പങ്കുവെക്കാൻ ഉതകുന്ന അവസരങ്ങൾ ഉണ്ടാകണമെന്നും കേന്ദ്രമന്ത്രി ഓർമ്മപ്പെടുത്തി. 

കൊല്ലം സർക്കാർ മെഡിക്കൽ കോളജ് ആശുപത്രിയിൽ കാസ്പ് സ്കീം മുഖേന താത്കാലികാടിസ്ഥാനത്തിൽ ഫാർമസിസ്റ്റ് തസ്തികയിൽ നിയമനത്തിന് നിശ്ചിത യോഗ്യതയുള്ള ഉദ്യോഗാർഥിക്കൾക്കായി അഭിമുഖം നടത്തും. പ്രായപരിധി 18-41. രണ്ട് ഒഴിവുകളാണുള്ളത്.