ബാലാവകാശ സംരക്ഷണ നിയമം സംബന്ധിച്ച് പത്തനംതിട്ട പ്രസ് ക്ലബ്ബിന്‍റെ പങ്കാളിത്തത്തോടെ ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ് സംഘടിപ്പിക്കുന്ന മാധ്യമ സെമിനാര്‍ ഇന്ന് (ഡിസംബര്‍ 12) രാവിലെ 10ന് ബഹു.ജലവിഭവ വകുപ്പ് മന്ത്രി മാത്യു ടി.തോമസ് പ്രസ് ക്ലബ്ബ് ഹാളില്‍ ഉദ്ഘാടനം ചെയ്യും. ഉദ്ഘാടന സമ്മേളനത്തിലും തുടര്‍ന്ന് ഇന്നും (12) നാളെയും (13) ആയി നടക്കുന്ന മാധ്യമ സെമിനാറില്‍ അങ്ങയുടെ സ്ഥാപനത്തില്‍ നിന്നുള്ള മാധ്യമ പ്രവര്‍ത്തകരെ പങ്കെടുപ്പിക്കണമെന്ന് അഭ്യര്‍ഥിക്കുന്നു. 
                                    ജില്ലാ ഇന്‍ഫര്‍മേഷന്‍ ഓഫീസര്‍

ഡിസംബര്‍ 15ന് നോര്‍ക്കയുടെ തിരുവനന്തപുരത്തുളള സര്‍ട്ടിഫിക്കറ്റ് ഓതന്റിക്കേഷന്‍ സെന്ററില്‍ ഓതന്റിക്കേഷന്‍ ഉണ്ടായിരിക്കില്ല.

പി.എന്‍.എക്‌സ്.5278/17

തൃപ്പൂണിത്തുറ ഗവണ്‍മെന്റ് ആയുര്‍വേദ കോളേജില്‍ പ്രസൂതിതന്ത്ര സ്ത്രീരോഗ വകുപ്പിലെ ഒഴിവുളള ഒരു അധ്യാപക തസ്തികയിലേക്ക് 20ന് രാവിലെ 10ന് വാക്ക് ഇന്‍ ഇന്റര്‍വ്യൂ നടത്തും.  കരാര്‍ വ്യവസ്ഥയിലാണ് നിയമനം.  കരാര്‍ കാലാവധി ഒരു വര്‍ഷം.  ആയുര്‍വേദത്തിലെ പ്രസൂതിതന്ത്ര & സ്ത്രീരോഗത്തില്‍ ബിരുദാനന്തര ബിരുദം, എ ക്ലാസ് മെഡിക്കല്‍ കൗണ്‍സില്‍ രജിസ്‌ട്രേഷന്‍ എന്നിവ ഉണ്ടാവണം.  പ്രവൃത്തി പരിചയം അഭിലഷണീയം.  തൃപ്പൂണിത്തുറ ഗവ. ആയുര്‍വേദ കോളേജ് പ്രിന്‍സിപ്പല്‍ ഓഫീസില്‍ ബയോഡേറ്റ, ജനനതീയതി, വിദ്യാഭ്യാസ യോഗ്യത, മുന്‍പരിചയം എന്നിവ തെളിയിക്കുന്നതിനുളള അസല്‍ സര്‍ട്ടിഫിക്കറ്റുകള്‍ സഹിതം  എത്തണം.

ദുര്‍ബല വിഭാഗങ്ങള്‍ക്കുളള ക്ഷേമ നിയമങ്ങളെ അടിസ്ഥാനമാക്കി ഭരണപരിഷ്‌കാര കമ്മീഷന്‍ പഠനം നടത്തുന്നു.  13ന് രാവിലെ 9ന് മാസ്‌ക്കറ്റ് ഹോട്ടലില്‍ നടത്തുന്ന ശില്‍പശാല ഭരണപരിഷ്‌കാര കമ്മീഷന്‍ ചെയര്‍മാന്‍ വി.എസ്. അച്യുതാനന്ദന്‍ ഉദ്ഘാടനം ചെയ്യും.  പ്രശസ്ത സാമൂഹ്യ പ്രവര്‍ത്തകന്‍ നിഖില്‍ഡേ, സുപ്രീം കോടതി അഭിഭാഷക അപര്‍ണ്ണ ഭട്ട്, പ്രശസ്ത പത്രപ്രവര്‍ത്തകന്‍ സി. ഗൗരീദാസന്‍ നായര്‍ എന്നിവര്‍ പ്രഭാഷണം നടത്തും.  പഠനവിധേയമാക്കേണ്ട വിഷയങ്ങളില്‍ വിദഗ്ദ്ധരുടെ നേതൃത്വത്തില്‍ ഗ്രൂപ്പ് ചര്‍ച്ചകളും അഭിപ്രായങ്ങളുടെ ക്രോഡീകരണവും നടക്കും.

തിരുവനന്തപുരം പൂജപ്പുരയിലെ എല്‍.ബി.എസ് ഇന്‍സ്റ്റിറ്റ്യൂട്ട് ഓഫ് ടെക്‌നോളജി ഫോര്‍ വിമണിന്റെ ഉടമസ്ഥയിലുള്ളതും മുറിച്ച് വില്‍ക്കുന്നതിന് കേരള സോഷ്യല്‍ ഫോറസ്റ്ററി ഡിപ്പാര്‍ട്ട്‌മെന്റില്‍ നിന്നും അനുമതി ലഭിച്ചതുമായ രണ്ട് ആഞ്ഞിലി മരവും ഒരു യൂക്കാലിപ്റ്റസ് മരവും ലേലത്തില്‍ വില്‍ക്കും.

മുദ്രവച്ച മത്സരാധിഷ്ഠിത ദര്‍ഘാസുകള്‍ ഡിസംബര്‍ ഒമ്പത് ഉച്ചയ്ക്ക് ഒരു മണി വരെ സ്വീകരിക്കും. ലേലം പകല്‍ മുന്നൂ മണിക്ക് നടക്കും.  നിരതദ്രവ്യം 25,000/- രൂപ.

പത്തനംതിട്ട, ഇടുക്കി ജില്ലാ പഞ്ചായത്തുകളില്‍ നിലവില്‍ ഒഴിവുള്ള ജില്ലാ പഞ്ചായത്ത് സെക്രട്ടറി തസ്തികയില്‍ ഡെപ്യൂട്ടേഷന്‍ വ്യവസ്ഥയില്‍ നിയമിക്കുന്നതിന് ഗവണ്‍മെന്റ് സെക്രട്ടേറിയറ്റിലെ (പൊതുഭരണം, നിയമം, ധനകാര്യം) വകുപ്പുകളിലെ അണ്ടര്‍ സെക്രട്ടറി (ഹയര്‍ഗ്രേഡ്) തസ്തികയിലും അതിനു മുകളിലും ഉള്ളവരില്‍ നിന്നും മറ്റു വികസന വകുപ്പുകളില്‍ 68700-110400 (റിവൈസ്ഡ്) എന്ന ശമ്പള സ്‌കെയിലിലും അതിനു മുകളിലും ഉള്ള ബിരുദധാരികളായ ഉദ്യോഗസ്ഥരില്‍ നിന്നും അപേക്ഷ ക്ഷണിച്ചു.