ജില്ലയില്‍ വിദ്യാഭ്യാസ വകുപ്പില്‍ പി.ടി.എച്ച്.എസ്.എ  കാറ്റഗറി 468/13 (സംസ്‌കൃതം) തസ്തികയുടെ കൂടിക്കാഴ്ച ഡിസംബര്‍ 13, 14 തിയ്യതികളിലും പി.ടി.ജെ.എല്‍.ടി (അറബിക്) എന്‍.സി.എ - എസ്.ടി കാറ്റഗറി 407/16,  എച്ച്.എസ്.എ (അറബിക്) എന്‍.സി.എ, ഈഴവ കാറ്റഗറി 513/16, എന്‍.സി.എ വിശ്വകര്‍മ്മ കാറ്റഗറി 518/16 തസ്തികകളുടെ കൂടിക്കാഴ്ച ഡിസംബര്‍ 14നും പി.എസ്.സി ജില്ലാ ഓഫീസില്‍ നടത്തും.  ഉദ്യാഗാര്‍ഥികള്‍ കമ്മീഷന്‍ നിര്‍ദ്ദേശിച്ച അസ്സല്‍ രേഖകള്‍ സഹിതം എത്തണം.

ജില്ലാ പ്ലാനിങ് ഓഫീസിലേക്ക് കാര്‍ വാടക്ക് എടുക്കുന്നതിന് ക്വട്ടേഷന്‍ ക്ഷണിച്ചു. ക്വട്ടേഷനുകള്‍ ഡിസംബര്‍ 13ന് വൈകുന്നേരം മൂന്നിനകം ജില്ലാ പ്ലാനിങ് ഓഫീസര്‍, സിവില്‍ സ്റ്റേഷന്‍, മലപ്പുറം വിലാസത്തില്‍ ലഭിക്കണം.  ഫോണ്‍ 0483 2734832.

ജില്ലാ കലക്ടറുടെ നേതൃത്വത്തില്‍ നടക്കുന്ന പൊതുജന പരാതി പരിഹാര അദാലത്ത് കൊണ്ടോട്ടി താലൂക്കില്‍ 2018 ജനുവരി 20ന് രാവിലെ ഒമ്പത് മുതല്‍ 12.30 വരെ നടക്കും.  അദാലത്തിലേക്കുള്ള അപേക്ഷകള്‍ ഡിസംബര്‍ 24 മുതല്‍ ജനുവരി നാല് വരെ അക്ഷയ കേന്ദ്രങ്ങള്‍ മുഖേന പൊതുജനങ്ങള്‍ക്ക് നല്‍കാം.
പൊതുജന പരാതി പരിഹാര അദാലത്തുമായി ബന്ധപ്പെട്ട് കൊണ്ടോട്ടി താലൂക്കിലെ സബ് ഓഫീസുകളിലെ ജീവനക്കാര്‍ക്ക് ഡിസംബര്‍ 21ന് രാവിലെ 10ന് കലക്‌ട്രേറ്റ് സമ്മേളന ഹാളില്‍ പരിശീലനം നല്‍കുന്നു.  യൂസര്‍ ഐ.ഡിയും പാസ്‌വേഡും ലഭിക്കാത്ത ജീവനക്കാര്‍ ആവശ്യമായ വിവരങ്ങള്‍ സഹിതം എത്തണം.  

വള്ളിക്കുന്ന് നിയോജക മണ്ഡലം എം.ആര്‍ വാക്‌സിനേഷന്‍ അവലോകന യോഗം കലിക്കറ്റ് യൂണിവേഴ്‌സിറ്റി സെമിനാര്‍ കോപ്ലക്‌സ് ഹാളില്‍ നടന്നു.  എം.എല്‍.എ പി. അബ്ദുല്‍ ഹമീദ് ഉദ്ഘാടനം ചെയ്തു.  മണ്ഡലത്തിലെ മുഴുവന്‍ കുട്ടികള്‍ക്കും കുത്തിവെപ്പ് നടത്തിയെന്ന് ഉറപ്പാക്കുമെന്ന് എം.എല്‍.എ പറഞ്ഞു.  കുത്തിവെപ്പ് എടുത്ത കുട്ടികളുടെ ഉത്തരവാദിത്വം മണ്ഡലം പ്രതിനിധിയെന്ന നിലയില്‍ ഏറ്റെടുക്കുന്നതായും എം.എല്‍.എ പറഞ്ഞു.  
യോഗത്തില്‍ ഡി.എം.ഒ ഡോ. കെ. സക്കീന, ഡെപ്യൂട്ടി കലക്ടര്‍ ജെ.ഒ അരുണ്‍, ഡബ്ല്യു.എച്ച്.ഒ കണ്‍സട്ടന്റ് ഡോ. അബ്ബാസ്, യൂനിസെഫ് പ്രതിനിധി ഡോ. സന്തോഷ് തുടങ്ങിയവര്‍ പങ്കെടുത്തു. 

ജില്ലയിലെ സര്‍ക്കാര്‍/ എയ്ഡഡ് സ്‌കൂളുകളില്‍ എട്ട്, ഒമ്പത് ക്ലാസ്സുകളില്‍ പഠിക്കുന്ന മത്സ്യത്തൊഴിലാളി കുടുംബങ്ങളിലെ പെണ്‍കുട്ടികള്‍ക്ക് ഫിഷറീസ് വകുപ്പ് സൗജന്യ സൈക്കിള്‍ നല്‍കുന്നു.  
 
    പദ്ധതിയുടെ ജില്ലാതല ഉത്ഘാടനം തവനൂര്‍ നിയോജകമണ്ഡലത്തില്‍ മംഗലം പഞ്ചായത്തിലെ കൂട്ടായി എം.എം.എം.എച്ച്.എസ് ഹൈസ്‌ക്കൂളില്‍ ഡിസംബര്‍ 10ന് വൈകീട്ട് മൂന്നിന്  തദ്ദേശ സ്വയംഭരണ വകുപ്പ് മന്ത്രി കെ.ടി. ജലീല്‍ ഉത്ഘാടനം ചെയ്യും. ഇ.ടി മുഹമ്മദ്ബഷീര്‍ എം.പി   അദ്ധ്യക്ഷത വഹിക്കും. സംസ്ഥാന സര്‍ക്കാര്‍ കടാശ്വാസ കമ്മീഷന അംഗം കൂട്ടായി ബഷീര്‍  മുഖ്യാതിഥിയാവും.

    മലബാര്‍ ദേവസ്വം ബോര്‍ഡിലെ മലപ്പുറം ജില്ലയിലെ ക്ഷേത്രങ്ങളിലെ ജീവനക്കാര്‍ക്ക് 2016 വരെയുള്ള ശമ്പള കുടിശ്ശിക, 2017ലെ ശമ്പള അഡ്വാന്‍സ് എന്നിവ ലഭിക്കുന്നതിന് അപേക്ഷ നല്‍കാത്ത ക്ഷേത്രഭരണാധികാരികള്‍ ഡിസംബര്‍ 15നകം ബന്ധപ്പെട്ട രേഖകള്‍ സഹിതം നിശ്ചിത മാതൃകയിലുള്ള അപേക്ഷകള്‍ ഡിവിഷന്‍ ഇന്‍സ്‌പെക്ടര്‍ മുഖാന്തിരം അസിസ്റ്റന്റ് കമ്മീഷണര്‍ക്ക് നല്‍കണം.

    മലപ്പുറം ഗവ. ഗേള്‍സ് ഹയര്‍ സെക്കന്‍ഡറി സ്‌കൂളില്‍ ഹയര്‍ സെക്കന്‍ഡറി വിഭാഗത്തില്‍ എച്ച്.എസ്.എസ്.ടി എക്കണോമിക്‌സ് തസ്തികയിലേക്ക് ദിവസ വേതനാടിസ്ഥാനത്തില്‍ അധ്യാപകരെ നിയമിക്കുന്നു.  താല്‍പര്യമുള്ളവര്‍ അസ്സല്‍ രേഖകളുമായി ഡിസംബര്‍  11ന് രാവിലെ 10ന് കൂടിക്കാഴ്ചക്കായി സ്‌കൂള്‍ ഓഫീസില്‍ എത്തണം.