പട്ടികജാതി വികസനവകുപ്പിന് കീഴില്‍ ചാവടിയില്‍ പ്രവര്‍ത്തിക്കുന്ന കാഞ്ഞിരംകുളം ഐടിഐ യിലെ പ്ലംബര്‍ ട്രേഡില്‍ (ഒരു വര്‍ഷം) പട്ടികജാതി വിഭാഗത്തില്‍ സീറ്റ് ഒഴിവുള്ളതിലേക്ക് സ്‌പോട്ട് അഡ്മിഷന്‍ നടത്തും. താത്പര്യം ഉള്ളവര്‍ അസല്‍ സര്‍ട്ടിഫിക്കറ്റ് സഹിതം ഉടൻ ബന്ധപ്പെടുക.

കൂടുതല്‍ വിവരങ്ങള്‍ക്ക് 9605235311 .

കയർ തൊഴിലാളി ക്ഷേമനിധിയിൽ അംഗങ്ങളായ കയർ തൊഴിലാളികളുടെ പെൺമക്കൾക്ക് ഉപരി പഠനത്തിനുള്ള സ്‌കോളർഷിപ്പ് പദ്ധതിക്ക് സർക്കാർ 10 ലക്ഷം രൂപ അനുവദിച്ചു. ഹയർ സെക്കൻഡറി പരീക്ഷയിൽ എല്ലാ വിഷയങ്ങൾക്കും എ പ്ലസ് നേടിയ പെൺകുട്ടികളിൽ 100 പേർക്ക് 10,000 രൂപ പ്രകാരം ഉപരിപഠനത്തിനുള്ള സ്‌കോളർഷിപ്പായാണ് തുക അനുവദിച്ചത്. കയർ തൊഴിലാളികൾക്കായി രണ്ട് ലക്ഷം രൂപ കവറേജ് വരുന്ന അപകടമരണ ഇൻഷുറൻസ് പദ്ധതി നടപ്പിലാക്കുന്നതിനും സർക്കാർ ഭരണാനുമതി നൽകി. ക്ഷേമനിധി അംഗങ്ങൾക്കായി നടപ്പാക്കുന്ന രണ്ടു പദ്ധതികൾക്കുമായി ആകെ 27.40 ലക്ഷം രൂപയാണ് ഓണക്കാലത്ത് സർക്കാർ അനുവദിച്ചത്.

സപ്ലൈകോ ഓണം ഫെയറിന്റെയും സഞ്ചരിക്കുന്ന ഓണച്ചന്തയുടെയും  കോട്ടയം ജില്ലാ തല ഉദ്ഘാടനം ഇന്ന് (ഓഗസ്റ്റ് 26, ചൊവ്വ). രാവിലെ 9.30ന് തിരുനക്കര മൈതാനത്ത് സഹകരണ - തുറമുഖ- രജിസ്‌ട്രേഷൻ വകുപ്പ് മന്ത്രി വി.എൻ. വാസവൻ ഉദ്ഘാടനം നിർവഹിക്കും. തിരുവഞ്ചൂർ രാധാകൃഷ്ണൻ എം.എൽ.എ. അധ്യക്ഷത വഹിക്കും. അഡ്വ. കെ. ഫ്രാൻസിസ് ജോർജ് എം.പി.  ആദ്യ വിൽപ്പന നിർവഹിക്കും. സഞ്ചരിക്കുന്ന ഓണച്ചന്തയുടെ ഫ്‌ളാഗ് ഓഫ് ജില്ലാ പഞ്ചായത്ത് പ്രസിഡന്റ് ഹേമലത പ്രേം  സാഗർ നിർവഹിക്കും.

: ജീവനക്കാരുടെ ക്ഷേമം മുൻനിർത്തിയുള്ള പ്രവർത്തനങ്ങളിൽ സഹകരണ മേഖല മാതൃകയാണെന്ന് സഹകരണ-തുറമുഖം-ദേവസ്വംവകുപ്പുമന്ത്രി വി.എൻ. വാസവൻ. സംസ്ഥാന സഹകരണ ജീവനക്കാരുടെ വെൽഫെയർ ബോർഡ് അംഗങ്ങളുടെ മക്കൾക്ക് വിദ്യാഭ്യാസമികവിനുള്ള സ്‌കോളർഷിപ്പു വിതരണവും
കുടിശിക ഒഴിവാക്കിയുള്ള അംഗത്വ ക്യാമ്പയിന്റെ സംസ്ഥാനതല ഉദ്ഘാടനവും നിർവഹിച്ചു പ്രസംഗിക്കുകയായിരുന്നു അദ്ദേഹം.

 വനിതാ ശിശുവികസന വകുപ്പ് ബേട്ടി ബച്ചാവോ ബേട്ടി പഠാവോ 2025-2026 പദ്ധതിയുടെ ആഭിമുഖ്യത്തിൽ ജില്ലയിലെ പ്ലസ് ടു കഴിഞ്ഞ വിദ്യാർഥിനികൾക്കായി അസാപ്പുമായി ചേർന്ന് വെർച്യുൽ റിയാലിറ്റി ഡെവലപ്പർ കോഴ്‌സും ചങ്ങനാശ്ശേരി മീഡിയ വില്ലേജുമായി ചേർന്ന് ആറുദിവസം നീണ്ടുനിൽക്കുന്ന ഡിജിറ്റൽ ഫിലിം മേക്കിങ് വർക്ക് ഷോപ്പും സൗജന്യമായി നൽകുന്നു. താല്പര്യമുള്ളവർ ഓഗസ്റ്റ് 30ന് വൈകീട്ട് അഞ്ചിനു മുൻപായി dhewktm@gmail.com എന്ന മെയിൽ ഐഡിയിലേക്ക് അപേക്ഷിക്കണം. വിശദവിവരത്തിന്് ഫോൺ: 9446127547, 8891693494.

കാഞ്ഞിരപ്പള്ളി- മണിമല- കുളത്തൂർമുഴി കർഷക സൗഹൃദ ലിങ്ക് റോഡിന്റെ നിർമാണ പ്രവർത്തനങ്ങൾ ആരംഭിക്കുന്നതിനാൽ ഓഗസ്റ്റ് 27(ബുധൻ)മുതൽ ഈ റോഡ് വഴിയുള്ള ഗതാഗത്തിന് ഭാഗിക നിയന്ത്രണം ഏർപ്പെടുത്തിയതായി കെ.ആർ.എഫ്.ബി. അസിസ്റ്റന്റ് എക്‌സിക്യൂട്ടീവ് എഞ്ചിനീയർ അറിയിച്ചു.  
 

സംസ്ഥാനത്ത് പല ജില്ലകളിലും അമീബിക് മസ്തിഷ്‌കജ്വരം റിപ്പോർട്ട് ചെയ്ത സാഹചര്യത്തിൽ ജില്ലയിലും ജാഗ്രത വേണമെന്ന് ജില്ലാ മെഡിക്കൽ ഓഫീസർ ഡോ. എൻ. പ്രിയ അറിയിച്ചു.
 

 സംസ്ഥാന യുവജനക്ഷേമ ബോർഡിന്റെ 2024 ലെ സ്വാമി വിവേകാനന്ദൻ യുവപ്രതിഭാ പുരസ്‌കാരത്തിനും മികച്ച യുവജന ക്ലബ്ബുകൾക്കുള്ള പുരസ്‌കാരത്തിനും അപേക്ഷ ക്ഷണിച്ചു. വ്യക്തിഗത പുരസ്‌കാരത്തിന്  18നും 40നും മധ്യേ പ്രായമുള്ളവർക്ക് അപേക്ഷിക്കാം. സാമൂഹ്യപ്രവർത്തനം, മാധ്യമപവർത്തനം (അച്ചടി മാധ്യമം, ദൃശ്യമാധ്യമം), കല, സാഹിത്യം, കായികം (വനിത, പുരുഷൻ ), ശാസ്ത്രം, സംരംഭകത്വം, കൃഷി, എന്നീ മേഖലകളിൽ നിന്നും മികച്ച ഓരോ വ്യക്തിക്ക് വീതം ആകെ ഒൻപത് പേർക്കാണ് പുരസ്‌കാരം നൽകുക.

തദ്ദേശസ്വയംഭരണ പൊതുതിരഞ്ഞെടുപ്പിനുള്ള ഇലക്ട്രോണിക് വോട്ടിംഗ് മെഷീനുകൾ വോട്ടെടുപ്പിന് ഉപയോഗിക്കാൻ സജ്ജമായി.