കോന്നി അരുവാപ്പുലം ഗ്രാമപഞ്ചായത്തില്‍ ഉന്നതനിലവാരത്തില്‍ നിര്‍മിച്ച ടര്‍ഫ് കോര്‍ട്ടിന്റെ ഉദ്ഘാടനം ഓഗസ്റ്റ് 27 ന് വൈകിട്ട് മൂന്നിന് കല്ലേലില്‍ കായിക വകുപ്പ് മന്ത്രി വി. അബ്ദുറഹിമാന്‍ നിര്‍വഹിക്കും. ഗ്രാമപഞ്ചായത്ത് പ്രസിഡന്റ് രേഷ്മ മറിയം റോയി അധ്യക്ഷയാകും. അഡ്വ. കെ.യു ജനീഷ് കുമാര്‍ എംഎല്‍എ മുഖ്യപ്രഭാഷണം നടത്തും. ജില്ലാപഞ്ചായത്ത് അംഗങ്ങളായ വി.ടി അജോമോന്‍, ജിജോ മോഡി, കോന്നി ബ്ലോക്ക് പഞ്ചായത്ത് വൈസ് പ്രസിഡന്റ് ആര്‍.ദേവകുമാര്‍, പഞ്ചായത്ത് അംഗങ്ങള്‍ തുടങ്ങിയവര്‍ പങ്കെടുക്കും.

ജില്ലാ വികസന സമിതി യോഗം ആഗസ്റ്റ് 30 ശനിയാഴ്ച രാവിലെ 10.30 ന് കലക്ടറേറ്റ് ഓഡിറ്റോറിയത്തില്‍ ചേരും.

ഇളമണ്ണൂര്‍-കലഞ്ഞൂര്‍ റോഡില്‍ ടാറിങ് നടക്കുന്നതിനാല്‍ വാഹനഗതാഗതത്തിന് നിയന്ത്രണം ഏര്‍പ്പെടുത്തി.  വാഹനങ്ങള്‍ ഇളമണ്ണൂര്‍-കലഞ്ഞൂര്‍ വഴി ഭൂതംകര റോഡിലൂടെ തിരിഞ്ഞുപോകണം.

അഞ്ചരക്കണ്ടി, പെരളശ്ശേരി കുടിവെള്ള പദ്ധതിയുടെ ഭാഗമായ വേങ്ങാട് ടാങ്കിലേക്കുള്ള ഇന്‍ലെറ്റ് വാള്‍വിന്റെ ഷട്ടര്‍ തകരാര്‍ അടിയന്തിരമായി പരിഹരിക്കുന്നതിന്റെ ഭാഗമായി ആഗസ്റ്റ് 27, 28 തീയതികളില്‍ വേങ്ങാട്, പിണറായി, എരഞ്ഞോളി, കതിരൂര്‍ പഞ്ചായത്തുകളില്‍ കുടിവെള്ള വിതരണം പൂര്‍ണ്ണമായും തടസ്സപ്പെടും. ഉപഭോക്താക്കള്‍ മുന്‍ കരുതല്‍ നടപടികള്‍ സ്വീകരിക്കണമെന്ന് അസിസ്റ്റന്റ് എക്‌സിക്യുട്ടീവ് എഞ്ചിനീയര്‍ അറിയിച്ചു.  
 

പറങ്കിമാംന്തടം-കൂട്ടത്തോട്, പറങ്കിമാംന്തടം-പള്ളിയത്ത് ജംഗ്ഷന്‍ വരെയുള്ള റോഡുകളില്‍ ടാറിങ്  നടക്കുന്നതിനാല്‍ ഓഗസ്റ്റ് 27 മുതല്‍  30 വരെ വാഹന ഗതാഗത നിയന്ത്രണം ഏര്‍പ്പെടുത്തി.
 

മനോധൈര്യം മാത്രം കൈമുതലാക്കി, മെച്ചപ്പെട്ട ജീവിതം ലക്ഷ്യംവെച്ച് തിരുവിതാംകൂർ പ്രദേശങ്ങളിൽനിന്ന് മലബാറിന്റെ വിവിധ ഭാഗങ്ങളിലേക്ക് കുടിയേറിയവരുടെ ജീവിതം അടയാളപ്പെടുത്തുന്ന ചെമ്പന്തൊട്ടി ബിഷപ്പ് വള്ളോപ്പിള്ളി സ്മാരക മ്യൂസിയം ഉദ്ഘാടനത്തിനൊരുങ്ങുന്നു. തലശ്ശേരി അതിരൂപത 99 വർഷത്തേക്ക് പാട്ടത്തിന് നൽകിയ ഒരേക്കർ സ്ഥലത്ത്് ലളിതകലാ അക്കാദമിയുടെ കാക്കണ്ണൻപാറ കലാഗ്രാമത്തിന്റെ മാതൃകയിലാണ് മ്യൂസിയം നിർമിച്ചിരിക്കുന്നത്.

സപ്ലൈകോയുടെ ഓണം ഫെയർ മൊബൈൽ വാഹനം സെപ്റ്റംബർ നാല് വരെ ജില്ലയിലെ വിവിധ പ്രദേശങ്ങളിൽ എത്തും. കണ്ണൂർ, തളിപ്പറമ്പ് ഡിപ്പോക്ക് കീഴിൽ ആഗസ്റ്റ് 27 ന് മുണ്ടേരിമൊട്ട (കണ്ണൂർ), 28 ന് പന്നിയൂർ (തളിപ്പറമ്പ്) 29 ന് പാലക്കോട് (പയ്യന്നൂർ), 30 ന് കീച്ചേരി (കല്ല്യാശ്ശേരി), 31ന് ചാലാട് (അഴീക്കോട്), സെപ്റ്റംബർ ഒന്നിന് നടാൽ (ധർമ്മടം), രണ്ടിന് കാഞ്ഞിരക്കൊല്ലി (ഇരിക്കൂർ), മൂന്നിന് ചുള്ളിയാട് (ഇരിക്കൂർ), നാലിന് ചീക്കാട് (ഇരിക്കൂർ) എന്നിടങ്ങളിൽ സപ്ലൈകോയുടെ ഓണം ഫെയർ മൊബൈൽ വാഹനം എത്തും.

കേരള ഓര്‍ഫനേജ് കണ്‍ട്രോള്‍ ബോര്‍ഡിന്റെയും ജില്ലാ സാമൂഹ്യനീതി ഓഫീസിന്റെയും സംയുക്താഭിമുഖ്യത്തില്‍ മദര്‍ തെരേസയുടെ ജന്മദിനത്തില്‍ അനാഥ അഗതി ദിനാചരണം സംഘടിപ്പിച്ചു. ഇരട്ടി നെല്ലിക്കാംപൊയില്‍ പുഷ്പാലയം ഹോമില്‍ അഡ്വ. സജീവ് ജോസഫ് എംഎല്‍എ ഉദ്ഘാടനം ചെയ്തു. ഇരിക്കൂര്‍ ബ്ലോക്ക് പഞ്ചായത്ത് പ്രസിഡന്റ് അഡ്വ. റോബര്‍ട്ട് ജോര്‍ജ് അധ്യക്ഷനായി. സിഎംസി പ്രൊവിന്‍ഷ്യല്‍ സുപ്പീരിയര്‍ റവ: സിസ്റ്റര്‍ ലിറ്റില്‍ തെരേസ് മദര്‍ തെരേസ അനുസ്മരണ പ്രഭാഷണം നടത്തി.

 ചവറ ഐ.സി.ഡി.എസ് പ്രോജക്ട് പരിധിയിലുള്ള തെക്കുംഭാഗം, തേവലക്കര, നീണ്ടകര, പ•ന, ചവറ പഞ്ചായത്തുകളിലെ 166 അങ്കണവാടികളില്‍ പോഷകബാല്യം പദ്ധതി പ്രകാരം പാല്‍, മുട്ട വിതരണം ചെയ്യുന്നതിന് ടെന്‍ഡര്‍ ക്ഷണിച്ചു. ഓഗസ്റ്റ് 30 ഉച്ചയ്ക്ക്  ഒന്ന് വരെ സമര്‍പ്പിക്കണം. ഫോണ്‍: 9656714320.