ചന്ദനത്തോപ്പ്  സര്‍ക്കാര്‍ ഐ.ടി.ഐയിലെ നോണ്‍ മെട്രിക് ട്രേഡുകളില്‍ ഇ.ഡബ്ല്യൂ.എസ് വിഭാഗത്തില്‍ സീറ്റൊഴിവ്. ഓഗസ്റ്റ് 29 ന് രാവിലെ 10 ന് ഐ. ടി. ഐ.യില്‍ യോഗ്യത സര്‍ട്ടിഫിക്കറ്റുകളുടെ അസല്‍, പകര്‍പ്പ്, ഫോട്ടോ, ഫീസ്  സഹിതം രക്ഷകര്‍ത്താവുമായി ഹാജരാകണം.  ഫോണ്‍:  8921146626.
 

ചന്ദനത്തോപ്പ്  സര്‍ക്കാര്‍ ഐ.ടി.ഐയില്‍ ലിഫ്റ്റ് ആന്‍ഡ് എസ്‌കലേറ്റര്‍ മെക്കാനിക് ട്രേഡിലെ ഒഴിവുകളിലേക്ക് (പട്ടികജാതി- ഒന്ന്), (മുസ്ലിം- ഒന്ന്) ഗസ്റ്റ് ഇന്‍സ്ട്രക്ടര്‍ നിയമനം നടത്തും. യോഗ്യത: ബിവോക്/ ഇലക്ട്രിക്കല്‍ / ഇലക്ട്രിക്കല്‍ ആന്‍ഡ് ഇലക്ട്രോണിക്‌സ് എഞ്ചിനീയറിംഗ്  ബിരുദവും ഒരു വര്‍ഷത്തെ പ്രവൃത്തി പരിചയം അല്ലെങ്കില്‍ ഇലക്ട്രിക്കല്‍ / ഇലക്ട്രിക്കല്‍ ആന്‍ഡ് ഇലക്ട്രോണിക്‌സ് എഞ്ചിനീയറിംഗ് മൂന്ന് വര്‍ഷ ഡിപ്ലോമയും രണ്ട് വര്‍ഷത്തെ പ്രവര്‍ത്തി പരിചയം അല്ലെങ്കില്‍ ലിഫ്റ്റ് ആന്‍ഡ് എസ്‌കലേറ്റര്‍ മെക്കാനിക് ട്രേഡില്‍ എന്‍.ടി.സി/എന്‍.എ.സിയും മൂന്ന് വര്‍ഷത്തെ പ്രവൃത്തിപരിചയം.

റവന്യൂ റിക്കവറി അതോറിറ്റിയും, ബാങ്ക് അധികാരികളും സംയുക്തമായി റവന്യൂ റിക്കവറി  അദാലത്ത് നടത്തും.   കൊല്ലം താലൂക്ക് പരിധിയിലുള്ള കേരള ബാങ്ക് കുടിശ്ശിക കക്ഷികള്‍ക്ക് സെപ്റ്റംബര്‍ 10 ന് രാവിലെ 10.30 മുതല്‍ രണ്ട് വരെ കേരള ബാങ്ക്, പ്രധാന ബ്രാഞ്ചിലും (എ.ജി.എം.ഓഫീസ് ഹാള്‍) മറ്റ് ബാങ്കുകളിലെ കുടിശ്ശിക കക്ഷികള്‍ക്ക് സെപ്റ്റംബര്‍ 11ന് രാവിലെ 10.30 മുതല്‍  ഉച്ചയ്ക്ക് രണ്ട് വരെ  കൊല്ലം താലൂക്ക് കോണ്‍ഫറന്‍സ് ഹാളിലുമാണ് (5ാം നില) അദാലത്ത്. ഫോണ്‍: 0474 2763736.
 

  സംസ്ഥാന പട്ടികജാതി പട്ടികവര്‍ഗ വികസനകോര്‍പ്പറേഷന്‍ കുന്നത്തൂര്‍ താലൂക്ക് കേന്ദ്രീകരിച്ച് ആരംഭിക്കുന്ന സബ് ഓഫീസ് ഉദ്ഘാടനത്തിന്റെ മുന്നൊരുക്കങ്ങള്‍ക്കായി   സ്വാഗതസംഘം രൂപീകരിച്ചു. ശാസ്താംകോട്ട മിനിസിവില്‍ സ്റ്റേഷനില്‍ പ്രവര്‍ത്തനമാരംഭിക്കുന്ന സബ് ഓഫീസ്  സെപ്റ്റംബര്‍ ഒമ്പതിന് രാവിലെ 11 ന് പട്ടികജാതി, പട്ടികവര്‍ഗ, പിന്നാക്കക്ഷേമ വകുപ്പ് മന്ത്രി ഒ.ആര്‍.കേളു   ഉദ്ഘാടനം ചെയ്യും.

ആഗസ്റ്റ് 30ന് പുന്നമടക്കായലില്‍ നടക്കുന്ന 71-ാമത് നെഹ്‌റു ട്രോഫി വള്ളംകളിയുടെ പ്രചാരണാര്‍ത്ഥം പബ്ലിസിറ്റി കമ്മിറ്റി സംഘടിപ്പിച്ച റീല്‍സ് മല്‍സര വിജയികളെ പ്രഖ്യാപിച്ചു. കോമല്ലൂർ സ്വദേശി ദേവയാനം കരിമുളയ്ക്കൽ ശ്രീകല ദേവയാനം ഒന്നാം സ്ഥാനം നേടി. മാന്നാർ സ്വദേശി ഓടാട്ടു കിഴക്കേതിൽ പരുമലക്കടവ് ഒ എസ് സത്താർ, അവലൂക്കുന്ന് സ്വദേശി രാജഗിരി ഹൗസിൽ രാജേഷ് രാജഗിരി എന്നിവർ രണ്ടും മൂന്നും സ്ഥാനങ്ങൾ കരസ്ഥമാക്കി. 

  നാഷണല്‍ സ്റ്റോക്ക് എക്‌സ്‌ചേഞ്ച് ഓഫ് ഇന്ത്യയും, സെക്യൂരിറ്റീസ് ആന്‍ഡ് എക്‌സ്ചേഞ്ച് ബോര്‍ഡ് ഓഫ് ഇന്ത്യയും സംയുക്തമായി  ജില്ലാ പ്ലാനിംഗ് ഓഫീസിലെ  കോണ്‍ഫറന്‍സ് ഹാളില്‍  സെപ്റ്റംബര്‍ ഒമ്പതിന് ഉച്ചയ്ക്ക് 2.30 മുതല്‍ 4.30 വരെ റീജിയണല്‍ ഇന്‍വെസ്റ്റര്‍ സെമിനാര്‍ ഫോര്‍ അവയര്‍നെസ്  നടത്തും.
 

 സി-ഡിറ്റില്‍   എന്റെ കേരളം, വിജ്ഞാന കേരളം പദ്ധതിയിലേക്ക്  താത്കാലിക അടിസ്ഥാനത്തില്‍ സ്‌റ്റൈപ്പന്റോടെ ഡിസൈനര്‍ ഇന്റേണ്‍ഷിപ്പിനെ നിയമിക്കുന്നതിന് വാക്-ഇന്‍-ഇന്റര്‍വ്യൂ നടത്തും.    യോഗ്യത: ബിഎഫ്എ അല്ലെങ്കില്‍ ബിഎ/ബിഎസ്സി (ആനിമേഷന്‍/ഡിസൈന്‍) അല്ലെങ്കില്‍ ഏതെങ്കിലും വിഷയത്തില്‍ ബിരുദവും ആനിമേഷന്‍/ഡിസൈനില്‍ ബിരുദാനന്തര ഡിപ്ലോമയും. പോര്‍ട്ട്‌ഫോളിയോ (ലേഔട്ട്, ബ്രാന്‍ഡിംഗ്, ചിത്രീകരണം, ടൈപ്പോഗ്രാഫി), അഡോബ് ക്രിയേറ്റീവ് സ്യൂട്ട് (ഫോട്ടോഷോപ്പ്, ഇല്ലസ്‌ട്രേറ്റര്‍, ഇന്‍ഡിസൈന്‍), വിഷ്വല്‍ സ്റ്റോറിടെല്ലിംഗ്, ക്രീയേറ്റിവിറ്റി, ഡിസൈനിംഗ് എന്നിവയിലുള്ള കഴിവ് അഭികാമ്യം.

തദ്ദേശ സ്വയംഭരണ സ്ഥാപനങ്ങളുടെ 2025-26 വാര്‍ഷിക പദ്ധതിയിലുള്‍പ്പെട്ട 15 പദ്ധതികള്‍ക്ക് ജില്ലാതല വിദഗ്ധസമിതി അംഗീകാരംനല്‍കി.  നൂതന പദ്ധതികള്‍ ചര്‍ച്ചചെയ്യുന്ന യോഗത്തില്‍ 16 പദ്ധതികളാണ് പരിഗണിച്ചത്. ബ്ലോക്ക് പഞ്ചായത്തുകളായ ചവറ, മുഖത്തല, ചടയമംഗലം, ആലപ്പാട് ഗ്രാമപഞ്ചായത്ത് എന്നിവയുടെ രണ്ട് പദ്ധതികള്‍ വീതവും കൊല്ലം കോര്‍പ്പറേഷന്‍, കൊട്ടാരക്കര, ഓച്ചിറ, വെട്ടിക്കവല, പട്ടാഴി വടക്കേക്കര, അഞ്ചല്‍ മുന്നോട്ടുവെച്ച ഓരോ പദ്ധതികള്‍വീതവും അംഗീകരിച്ചു. പോരുവഴി ഗ്രാമപഞ്ചായത്തിന്റെ ക്യാന്‍സര്‍ രോഗികള്‍ക്ക് ധനസഹായംനല്‍കുന്ന പദ്ധതി കോ-ഓര്‍ഡിനേഷന്‍ കമ്മിറ്റിയുടെ പരിഗണനയ്ക്ക് നല്‍കി.

കുടുംബശ്രീ ജില്ലാതല ഓണവിപണനമേള നെടുമണ്‍കാവ് പഞ്ചായത്ത് കോംപ്ലക്‌സ് ഗ്രൗണ്ടില്‍ ഓഗസ്റ്റ് 27ന് വൈകിട്ട് 5.30ന് ധനകാര്യ വകുപ്പ് മന്ത്രി കെ എന്‍ ബാലഗോപാല്‍ ഉദ്ഘാടനം ചെയ്യും. കരീപ്ര ഗ്രാമപഞ്ചായത്ത് പ്രസിഡന്റ് എസ്.എസ്.സുവിധ അധ്യക്ഷയാകും. കൊട്ടാരക്കര ബ്ലോക്ക് പഞ്ചായത്ത് പ്രസിഡന്റ് എ.അഭിലാഷ് ആദ്യവില്പന നടത്തും. അത്തപൂക്കള മത്സരം, ഗാനമേള തുടങ്ങി വിവിധ കലാ-സാംസ്‌കാരിക പരിപാടികളും അരങ്ങേറും.
കുടുംബശ്രീ സംസ്ഥാന മിഷന്‍ ആവിഷ്‌ക്കരിച്ച പോക്കറ്റ് മാര്‍ട്ട് ദ കുടുംബശ്രീ സ്റ്റോറിലൂടെ ഓര്‍ഡര്‍ ചെയ്ത ഓണം ഹാമ്പറുകളുടെ എണ്ണം സംസ്ഥാനത്ത് 5000 കഴിഞ്ഞു, 1057 ഓര്‍ഡറുകളുമായി ഒന്നാമതാണ് കൊല്ലം ജില്ല.