ഫറോക്ക് വാണിജ്യനികുതി ചെക്ക്‌പോസ്റ്റില്‍ സൂക്ഷിച്ചിരിക്കുന്ന ടി.എന്‍ 01 ബി 8349, ടി.എല്‍ 41എസ് 2301 എന്നീ ഡീസല്‍ ലോറികള്‍ എരഞ്ഞിപ്പാലത്തുള്ള അസിസ്റ്റന്റ് കമ്മീഷ്ണര്‍ ഓഫ് സ്റ്റേറ്റ്  ടാക്‌സ് ഓഫീസില്‍ ഡിസംബര്‍ 20 പരസ്യമായി ലേലം ചെയ്ത് വില്‍ക്കുമെന്ന് സ്റ്റേറ്റ് ടാക്‌സ് ഓഫീസര്‍ അറിയിച്ചു. ലേലം ചെയ്യുന്നതിനായി മത്സരസ്വഭാവമുള്ള ക്വട്ടേഷനുകള്‍ ഡിസംബര്‍ 19 വൈകുന്നേരം 3 മണി വരെ സ്വീകരിക്കും. കൂടുതല്‍ വിവരങ്ങള്‍ക്ക് 0495 2367033.
 

ജില്ലാ ഭക്ഷ്യ സുരക്ഷാ അസി. കമ്മീഷണര്‍  കെ. സുഗുണന്റെ നേതൃത്വത്തില്‍ കോട്ടക്കല്‍, മിനി പമ്പ തുടങ്ങിയ സ്ഥലങ്ങളിലെ വിവിധ ഹോട്ടലുകളില്‍ പരിശോധന നടത്തി. കൃത്രിമ നിറം, അജിനാമോട്ടോ എന്നിവ ഉപയോഗിക്കുന്നതായി കണ്ടെത്തി.  ശുചിത്വ മാനദണ്ഡങ്ങള്‍ പാലിക്കുന്നതിനുളള കര്‍ശന നിര്‍ദ്ദേശം നല്‍കി.  പിഴയായി 20,000 രൂപ ചുമത്തി.  പരിശോധനയില്‍ കോട്ടക്കല്‍ സര്‍ക്കിള്‍ ഭക്ഷ്യ സുരക്ഷാ ഓഫീസര്‍  ഹസ്‌ന. വി. പി, തവനൂര്‍ ഭക്ഷ്യ സുരക്ഷാ ഓഫീസര്‍ കെ.വി. പ്രമീന എന്നിവര്‍ പങ്കെടുത്തു. ശബരിമല തീര്‍ത്ഥാടനത്തിനോടനൂബന്ധിച്ചായിരുന്നു പ്രത്യേക  പരിശോധന.

നെഹ്‌റു യുവ കേന്ദ്രയുടെ മികച്ച യൂത്ത് ക്ലബ്ബിനുള്ള 2017 ലെ ജില്ലാ തല യൂത്ത് അവാര്‍ഡ് ചങ്ങരംകുളം അനശ്വര ആര്‍ട്‌സ് & സ്‌പോര്‍ട്‌സ് ക്ലബ്ബിന്. ആരോഗ്യ ബോധവല്‍ക്കരണം, പരിസ്ഥിതി സംരക്ഷണം, കലാ കായിക പ്രവര്‍ത്തനം, നൈപുണ്യ പരിശീലനം, വിദ്യാഭ്യാസ പ്രോത്സാഹന പരിപാടികള്‍, ഊര്‍ജ്ജ സംരക്ഷണം, ദേശീയ അന്തര്‍ദേശീയ ദിനാചരണങ്ങള്‍ തുടങ്ങിയ മേഖലകളില്‍ 2016-17 വര്‍ഷത്തില്‍ നടത്തിയ പ്രവര്‍ത്തനങ്ങളുടെ മികവിന്റെ അടിസ്ഥാനത്തിലാണ് ജില്ലാതല അവാര്‍ഡിന്  തിരഞ്ഞെടുത്തത്.  അസിസ്റ്റന്റ് കലക്ടര്‍ സ്‌നേഹില്‍ കുമാര്‍ സിംഗ് ചെയര്‍മാനായുള്ള  കമ്മറ്റിയാണ് അവാര്‍ഡ് നിര്‍ണയിച്ചത്.
 

അറ്റകുറ്റപ്പണി നടക്കുന്നതിനാല്‍ ഊരകം ഇലക്ട്രിക്കല്‍ സെക്ഷന്‍ പരിധിയില്‍പ്പെട്ട  കുറ്റാളൂര്‍, മാളിയേക്കത്തൊടി, വേങ്ങര സിനിമാഹാള്‍ ജംഗ്ക്ഷന്‍ ഭാഗങ്ങളില്‍ ഇന്ന് (ഡിസംബര്‍ അഞ്ച്) രാവിലെ ഒമ്പത് മുതല്‍ വൈകുന്നേരം അഞ്ച് വരെ വൈദ്യുതി മുടങ്ങും.

മക്കരപ്പറമ്പ് ഇലക്ട്രിക്കല്‍ സെക്ഷന്‍ പരിധിയിലുള്ള ഉന്നംതല, കാഞ്ഞിരംകുന്ന്, മൊട്ടമ്മല്‍, മുഞ്ഞകുളം, വാഴക്കാട്ടിരി നമ്പര്‍ 1, വാഴക്കാട്ടിരി നമ്പര്‍ 2  എന്നീ ഭാഗങ്ങളില്‍ ഇന്ന് (ഡിസംബര്‍ അഞ്ച്) രാവിലെ ഒമ്പത് മുതല്‍ വൈകുന്നേരം അഞ്ച് വരെ വൈദ്യുതി വിതരണം തടസ്സപ്പെടും.

ഓഖി ചുഴലിക്കാറ്റിനെ തുടര്‍ന്നുണ്ടായ കടല്‍ക്ഷോഭത്തില്‍ ജില്ലയില്‍ മത്സ്യയാനങ്ങള്‍ക്ക് 15 ലക്ഷം രൂപയുടെ നഷ്ടവും ഭവനങ്ങള്‍ക്ക് 85,500 രൂപയുടെ നഷ്ടവും റിപ്പോര്‍ട്ട് ചെയ്തിട്ടുണ്ടെന്ന് ഫിഷറീസ് വകുപ്പ് അറിയിച്ചു.
    ജില്ലയില്‍ 19 വീടുകള്‍ക്ക് ഭാഗികമായി നഷ്ടം സംഭവിച്ചു. 4 ലക്ഷം രൂപ നഷ്ടം കണക്കാക്കുന്നു. ഒരു കിണറിന് കേടുപാടു സംഭവിച്ചു. 10,000 രൂപ നഷ്ടം ഉണ്ട്. 3.47 ഹെക്ടര്‍ സ്ഥലത്തെ 75 തെങ്ങ്, 6165 വാഴ, 98 കവുങ്ങ്, 5 കോക്കോ, 10 റബ്ബര്‍ 10ജാതി എന്നിവ നശിച്ചു. 12.5 ലക്ഷം രൂപയുടെ നഷ്ടം കണക്കാക്കുന്നു.