സംസ്ഥാനത്തെ ഏറ്റവും മികച്ച റിസോഴ്‌സ് അധ്യാപികക്ക് സര്‍ണ്‍വശിക്ഷാ അഭിയാന്‍ കേരള ഏര്‍പ്പെടുത്തിയ പ്രഥമ സംസ്ഥാന പുരസ്‌ക്കാരത്തിന്  വേങ്ങര ബിആര്‍ സിയിലെ റിസോഴ്‌സ് അധ്യാപിക വനജ പി അര്‍ഹയായി..
ഡിസമ്പര്‍ മൂന്നിന് തിരുവനന്തപുരത്ത് നടക്കുന്ന ചടങ്ങില്‍ മുഖ്യമന്ത്രിപിണറായി വിജയന്‍ പുരസ്‌കാരം സണ്‍മ്മാനിക്കും   

പട്ടികജാതി - പട്ടികവര്‍ഗ വകുപ്പിന്റെയും കിര്‍ത്താഡ്‌സിന്റെയും ആഭിമുഖ്യത്തില്‍ ഡിസംബര്‍ 23 മുതല്‍ 31 വരെ പൊന്നാനിയില്‍ നടക്കുന്ന ഗദ്ദികയുടെ ഒരുക്കങ്ങള്‍ സംബന്ധിച്ചുള്ള അവലോകന യോഗം ജില്ലാ കലക്ടര്‍ അമിത് മീണയുടെ അധ്യക്ഷതയില്‍ ചേമ്പറില്‍ ചേര്‍ന്നു.

ജില്ലയിലെ ഹൈസ്‌ക്കൂള്‍, ഹയര്‍ സെക്കണ്ടറി സ്‌ക്കൂള്‍ വിദ്യാര്‍ത്ഥികള്‍ക്ക് തെരഞ്ഞെടുപ്പുമായി ബന്ധപ്പെട്ട വിഷയത്തില്‍ തെരഞ്ഞെടുപ്പ് വിഭാഗം ജില്ലാ തല ക്വിസ് മത്സരം നടത്തുന്നു. ഡിസംബര്‍ നാലിന് മലപ്പുറം ഗവ. ഗേള്‍സ് ഹയര്‍ സെക്കണ്ടറി സ്‌കൂളില്‍  വൈകുന്നേരം മൂന്നിനാണ് മത്സരം.  
സ്‌കൂളുകളില്‍ നിന്ന് പ്രാഥമിക റൗണ്ടില്‍ തെരഞ്ഞെടുത്ത രണ്ടു വിദ്യാര്‍ത്ഥികള്‍ ഉള്‍പ്പെടുന്ന 120 സ്‌ക്കൂളുകളില്‍ നിന്നുള്ള ടീമുകള്‍പങ്കെടുക്കും.

തെക്കന്‍ കേരളത്തില്‍ കനത്ത മഴയും ചുഴലിക്കാറ്റ് സാധ്യതയും നിലനില്‍ക്കുന്ന സാഹചര്യത്തില്‍ ഇത് വടക്കന്‍ ജില്ലകളിലേക്ക് നീങ്ങാന്‍ സാധ്യതയുളതായും ജില്ലയില്‍ കനത്ത ജാഗ്രത പാലിക്കണമെന്നും  മുനറിയിപ്പ് ലഭിച്ചിട്ടുണ്ട്. കടല്‍ ക്ഷോഭവും  കടലില്‍ ശക്തമായ കറ്റും നിലനില്‍ക്കുന്നതിനാലും അടുത്ത 48 മണിക്കൂര്‍  മത്സ്യത്തൊഴിലാളികള്‍  കടലില്‍ പോകരുത് എന്ന് പൊന്നാനി ഫിഷറീസ് ഡെപ്യൂട്ടി ഡയറക്ടര്‍ അറിയിച്ചു.

അന്താരാഷ്ട്ര ഭിന്നശേഷി ദിനാചരണത്തിന്റെ ഭാഗമായി ഡിസംബര്‍ 2,3 തിയ്യതികളില്‍ മലയാള സര്‍വ്വകലാശാലയില്‍ നടക്കും.
കഴിഞ്ഞ നാലുവര്‍ഷമായി ജില്ലാ ആശുപത്രിയിലെ ഡോക്ടര്‍മാരുടെ നേതൃത്വത്തില്‍ വിവിധ സംഘടനകളുമായി സഹകരിച്ച് ഭിന്നശേഷിക്കാര്‍ക്കായി നടത്തിവരുന്ന പരിപാടിയാണ്‌വരം.

സ്റ്റേറ്റ് ഐ.ടി. ഫെസ്റ്റ് വിജയികള്‍ക്കുള്ള സമ്മാനദാനം ജില്ലാ പഞ്ചായത്ത് വൈസ് പ്രസിഡന്റ് സക്കീന പൂല്‍പ്പാടന്‍ നിര്‍വ്വഹിച്ചു.  ചടങ്ങില്‍ ഐ.ടി അറ്റ് സ്‌കൂള്‍ ജില്ലാ കോഡിനേറ്റര്‍ ടി.കെ. അബ്ദുല്‍ റഷീദ് അധ്യക്ഷത വഹിച്ചു.  മാസ്റ്റര്‍ ട്രൈനര്‍മാരായ കൃഷ്ണന്‍. എം.പി, ഹബീബുറഹ്മാന്‍ പുല്‍പ്പാടന്‍ എന്നിവര്‍ സംസാരിച്ചു. 

ജില്ലാതല സായുധ സേനാ പതാക ദിനാചരണം ഡിസംബര്‍ ഏഴിന് രാവിലെ 10.30ന് കലക്‌ട്രേറ്റ് സമ്മേളന ഹാളില്‍ നടക്കും.  നഗരസഭാ ചെയര്‍പേഴ്‌സണ്‍ സി.എച്ച് ജമീല, ജില്ലാ കലക്ടര്‍ അമിത് മീണ തുടങ്ങിയവര്‍ പങ്കെടുക്കും.

ജില്ലാ പഞ്ചായത്ത് സുരക്ഷാ പദ്ധതിയുടെ ആഭിമുഖ്യത്തില്‍ ലോക എയ്ഡ്‌സ് ദിനത്തോടനുബന്ധിച്ച് 'എന്റെ ആരോഗ്യം എന്റെ അവകാശം' പ്രമേയം ആസ്പദമാക്കി  ബോധവല്‍ക്കരണ റാലി നടത്തി.  പി. ഉബൈദുള്ള എം.എല്‍.എ ഫ്‌ളാഗ് ഓഫ് ചെയ്തു.  ജില്ലാ പഞ്ചായത്ത് പ്രസിഡന്റ് എ.പി. ഉണ്ണികൃഷ്ണന്‍  അധ്യക്ഷത വഹിച്ചു.
ജില്ലയിലെ വിവിധ സ്ഥാപനങ്ങള്‍ റാലിയില്‍ പങ്കെടുത്തു. റാലിയില്‍ ജെന്റ് ജമാസ് ഹയര്‍ ഹയര്‍ സെക്കന്‍ഡറി സ്‌കൂള്‍ മലപ്പുറം ഒന്നാം സ്ഥാനവും മലപ്പുറം കേന്ദ്രീയ വിദ്യാലയത്തിലെ സ്‌കൗട്ട്‌സ് ആന്‍ഡ് ഗെയ്ഡ്‌സ് രണ്ടാം സ്ഥാനവും  മലപ്പുറം എഡ്യുകെയര്‍ ഡെന്റല്‍ കോളേജും മഞ്ചേരി നേഴ്‌സിങ് സ്‌കൂളും മൂന്നാം സ്ഥാനവും നേടി.