2017-18 വര്‍ഷത്തെ ഒ.ബി.സി പ്രീമെട്രിക് സ്‌കോളര്‍ഷിപ്പിന് ഡാറ്റാ എന്‍ട്രി നടത്തുന്നതിനുള്ള തീയതി ഡിസംബര്‍ 15 വൈകിട്ട് അഞ്ചു മണിവരെ നീട്ടി. ഐ.റ്റി@സ്‌കൂളിന്റെ സ്‌കോളര്‍ഷിപ്പ് പോര്‍ട്ടലിലൂടെ സ്‌കൂള്‍ അധികൃതര്‍ക്ക് വിദ്യാര്‍ത്ഥികളുടെ വിവരങ്ങള്‍ നല്‍കാം.

പി.എന്‍.എക്‌സ്.5192/17

    ജനാധിപത്യ ഭരണ സംവിധാനത്തില്‍ ജനങ്ങള്‍ തെരഞ്ഞെടുക്കുന്ന സര്‍ക്കാരിന് ജനങ്ങളോടു മാത്രമാണ് ബാധ്യതയെന്ന് ഭരണ പരിഷ്‌കാര കമ്മീഷന്‍ ചെയര്‍മാന്‍ വി.എസ്. അച്യുതാനന്ദന്‍ പറഞ്ഞു. ഭരണപരിഷ്‌കാര കമ്മീഷന്‍ തിരുവനന്തപുരത്ത് സംഘടിപ്പിച്ച സ്ത്രീകളുടെയും കുട്ടികളുടെയും പ്രശ്‌നങ്ങള്‍ സംബന്ധിച്ച പബ്ലിക് ഹിയറിംഗ്  ഉദ്ഘാടനം ചെയ്യുകയായിരുന്നു അദ്ദേഹം. 

കോഴിക്കോട് ഗവ.എന്‍ജിനീയറിംഗ് കോളജിന്റെ കാന്റീന്‍ 2018 ജനുവരി 1 മുതല്‍ 2019 ഡിസംബര്‍ 31 വരെ നടത്താന്‍ താല്‍പര്യമുള്ളവരില്‍ നിന്നും മുദ്രവെച്ച ക്വട്ടേഷനുകള്‍ ക്ഷണിച്ചു. ക്വട്ടേഷനുകള്‍ ഡിസംബര്‍ 12ന് വൈകുന്നേരം 4ന് മുമ്പ് പ്രിന്‍സിപ്പാള്‍, ഗവ.എന്‍ജിനീയറിംഗ് കോളജ്, വെസ്റ്റ്ഹില്‍ പോസ്റ്റ്, കോഴിക്കോട് 673005 എന്ന വിലാസത്തില്‍ ലഭിക്കണം. കൂടുതല്‍ വിവരങ്ങള്‍ക്ക് 0495 2383210.
 

കേരള തീരത്ത് അടുത്ത 48 മണിക്കൂറില്‍ ഏകദേശം 65 കി.മി വേഗതയില്‍ തെക്ക് കിഴക്ക് ദിശയില്‍ ശക്തമായ കാറ്റിന് സാധ്യതയുണ്ടെന്ന് കാലാവസ്ഥ കേന്ദ്രത്തിന്റെ മുന്നറിയിപ്പ്  ലഭ്യമായതിനാല്‍   മത്സ്യത്തൊഴിലാളികള്‍ അതീവ ജാഗ്രത പാലിക്കേണ്ടതാണെന്നും മത്സ്യബന്ധനത്തിന് ഏര്‍പ്പെടരുതെന്നും  ബേപ്പൂര്‍ ഫിഷറീസ്   സ്റ്റേഷന്‍   സ്‌പെഷ്യല്‍ കണ്‍റോള്‍ റൂമില്‍ നിന്നും ഫിഷറീസ്  അസിസ്റ്റന്റ് ഡയറക്ടര്‍ അറിയിച്ചു.  കൂടുതല്‍ വിവരങ്ങള്‍ക്ക്  0495 - 2414074,  9496007038,   ഋാമശഹ ശറ  മറളയല്യുീൃല@ഴാമശഹ.രീാ.
 

    2017-18 അദ്ധ്യയന വര്‍ഷത്തില്‍ ഗവ. ഹോമിയോപ്പതിക് മെഡിക്കല്‍ കോളേജില്‍ പുതുതായി ആരംഭിക്കുന്ന സര്‍ട്ടിഫിക്കറ്റ് കോഴ്‌സ് ഇന്‍ ഫാര്‍മസി ക്ക് അഭിമുഖം   വഴി കരാര്‍ അടിസ്ഥാനത്തില്‍ അഞ്ച് പാര്‍ട്ട് ടൈം അധ്യാപകരെ നിയമിക്കുന്നു. അഭികാമ്യ യോഗ്യത : ബി.എച്ച്.എം.എസ്, മെഡിക്കല്‍ കൗണ്‍സില്‍ സ്ഥിരം രജിസ്‌ട്രേഷന്‍. അഭീലക്ഷണീയ യോഗ്യത : എം.ഡി ഹോമിയോ, അദ്ധ്യാപന പരിചയം. യോഗ്യരായ അപേക്ഷകര്‍ ബന്ധപ്പെട്ട അസ്സല്‍ സര്‍ട്ടിഫിക്കറ്റ് സഹിതം ഡിസംബര്‍ എട്ടിന് രാവിലെ 9.30 ന് കാരപ്പറമ്പിലുളള ഗവ. ഹോമിയോപ്പതിക് മെഡിക്കല്‍ കോളേജ് പ്രിന്‍സിപ്പാള്‍ മുമ്പാകെ ഹാജരാവണം
 

    കോഴിക്കോട് നിര്‍ഭയ ഷെല്‍ട്ടര്‍ ഹോമില്‍ സോഷ്യല്‍ വര്‍ക്കര്‍/കൗണ്‍സിലര്‍, കുക്ക് തസ്തികയിലേക്ക്  ഒരു വര്‍ഷത്തെ കരാര്‍ അടിസ്ഥാനത്തില്‍ നിയമനത്തിനായി അപേക്ഷ ക്ഷണിച്ചു. പ്രസിഡണ്ട്, അന്വേരഷി വിമന്‍സ്  കൗണ്‍സിലിംഗ് സെന്റര്‍, കുതിരവട്ടം പി.    ഒ, കോഴിക്കോട് എന്ന വിലാസത്തില്‍ അപേക്ഷ അയക്കാം. അപേക്ഷ ഡിസംബര്‍ 15 നു മുമ്പായി സര്‍പ്പിക്കണം. ഫോണ്‍ : 9496386933. ഇ.മെയില്‍ : anweshicalicut@gmail.com.

    കേരള ലോകായുക്ത  ഡിസംബര്‍ 14 ന് കലക്ടറേറ്റ് കോണ്‍ഫറന്‍സ് ഹാളില്‍ ക്യാമ്പ് അദാലത്ത് നടക്കും. ലോകായുക്ത ജസ്റ്റീസ് പയസ് സി. കുര്യാക്കോസ് ആന്റ് ഉപ ലോകായുക്ത ജസ്റ്റീസ് എ.കെ. ബഷീര്‍ (ഡിലിഷന്‍ബെഞ്ച്), ഉപ ലോകായുക്ത ജസ്റ്റീസ് എ.കെ. ബഷീര്‍ (സിംഗിള്‍ ബഷീര്‍) എന്നിവര്‍ അദാലത്തിന് നേതൃത്വം നല്‍കും.
 

ഇന്‍സാറ്റ് കോരങ്ങാടിന്റെ ആഭിമുഖ്യത്തില്‍ നെഹ്‌റു യുവകേന്ദ്ര ഇന്റര്‍ ക്ലബ് ക്ലസ്റ്റര്‍ തല ഫുട്‌ബോള്‍ മത്സരം താമരശ്ശേരി ഗവ. ഹയര്‍ സെക്കണ്ടറി ഗ്രൗണ്ടില്‍ നടന്നു. ബ്ലോക്ക് പ്രസിഡണ്ട് ഏലിയമ്മ ജോര്‍ജ്ജ് ഉദ്ഘാടനം ചെയ്തു. അഷറഫ് കോരങ്ങാട്, അമീര്‍ ഇന്‍സാറ്റ്, സഹില്‍ പാവണ്ടൂര്‍, ഐശ്വര്യ, സാബിത്ത് മായനാട് തുടങ്ങിയവര്‍ സംസാരിച്ചു. ജില്ലാ പഞ്ചായത്ത് മെമ്പര്‍ നജീബ് കാന്തപുരം ട്രോഫികള്‍ വിതരണം ചെയ്തു.  ബ്രദേഴ്‌സ് പുളിക്കടവ് വിന്നേഴ്‌സും ദിശ തേക്കും തോട്ടം റണ്ണേഴ്‌സപ്പുമായി.
 

ബാലുശ്ശേരി ബസ്സ്റ്റാന്റിന് സമീപം ബാങ്ക് ബസാറില്‍ പ്രവര്‍ത്തിച്ചുവരുന്ന ഖാദി ബോര്‍ഡിന്റെ കീഴിലുളള ഖാദി വില്പന കേന്ദ്രം താമരശ്ശേരി റോഡില്‍ അറപ്പീടികയ്ക്ക് സമീപമുളള തേന്‍ സംസ്‌കരണ കേന്ദ്രത്തോട് ചേര്‍ന്നുളള സ്വന്തം കെട്ടിടത്തിലേക്ക് മാറ്റിയതായി പ്രോജക്ട് ഓഫീസര്‍ അറിയിച്ചു. ഖാദി തുണിത്തരങ്ങള്‍ക്ക് 20 ശതമാനം റിബേറ്റ് അനുവദിക്കും.