പക്ഷാഘാതം മൂലമുണ്ടാകുന്ന വൈകല്യങ്ങള്‍ ഏറിവരുന്ന സാഹചര്യത്തില്‍ എല്ലാ ജില്ലകളിലും പക്ഷാഘാത ചികിത്സാ ക്ലിനിക്കുകള്‍ ആരംഭിക്കുമെന്ന് ആരോഗ്യവകുപ്പ് മന്ത്രി കെ.കെ. ശൈലജ ടീച്ചര്‍ അറിയിച്ചു. രക്തം കട്ടപിടിക്കുന്ന സ്ട്രോക്ക് ചികിത്സിച്ചു ഭേദമാക്കാവുന്ന രോഗമാണ്. സംഭവിച്ച് 4 മണിക്കൂറിനകം രക്തക്കട്ട അലിയിച്ചു കളയാനുളള മരുന്നു നല്‍കുകയാണെങ്കില്‍ രോഗത്തിന്റെ പ്രഹരശേഷി കുറക്കുന്നതിനോ, പൂര്‍ണ്ണമായും ഇല്ലാതാക്കുന്നതിനോ സാധിക്കും.

കേരള നിയമസഭയുടെ ആരോഗ്യവും കുടുംബ ക്ഷേമവും സംബന്ധിച്ച സബ്‌ജെറ്റ് കമ്മിറ്റി XII,  നവംബര്‍ ആറിന് രാവിലെ 10.30ന്  കോഴിക്കോട് കളക്ടറേറ്റ് കോണ്‍ഫറന്‍സ് ഹാളിലും ഏഴിന് രാവിലെ 10.30ന്  എറണാകുളം കളക്ടറേറ്റ് കോണ്‍ഫറന്‍സ് ഹാളിലും യോഗം ചേരും. സമിതിയുടെ പരിഗണനയിലുളള  കേരള ക്ലിനിക്കല്‍ എസ്റ്റാബ്ലിഷ്‌മെന്റ് (രജിസ്‌ട്രേഷനും നിയന്ത്രണവും) ബില്‍,  2017 നെ സംബന്ധിച്ച് വ്യക്തികളില്‍ നിന്നും സംഘടനകളില്‍ നിന്നും ഹര്‍ജികളും നിവേദനങ്ങളും നേരിട്ട് സ്വീകരിക്കും. ഹര്‍ജികളും നിവേദനങ്ങളും നല്‍കാന്‍ ആഗ്രഹിക്കുന്ന വ്യക്തികളും സംഘടനകളും ഈ അവസരം വിനിയോഗിക്കണമെന്ന് ആരോഗ്യ വകുപ്പ് മന്ത്രിയുടെ ഓഫീസ് അറിയിച്ചു.

ശബരിമല പാതകളില്‍ എലവുങ്കല്‍, ചാലക്കയം, പമ്പ, നീലിമല, സന്നിധാനം, സ്വാമി അയ്യപ്പന്‍ റോഡ്, പാണ്ടിത്താവളം, ഉപ്പുപാറ, പുല്ലുമേട്, കോഴിക്കാനം, സത്രം എന്നീ സ്ഥലങ്ങളുമായി ബന്ധപ്പെട്ട പാതകളുടെ ഇരുവശത്തും ഒരു കിലോമീറ്റര്‍ ദൂരം പ്രത്യേക സുരക്ഷാ മേഖലയായി പ്രഖ്യാപിച്ചു. 2017 നവംബര്‍ 15 മുതല്‍ 2018 ജനുവരി 19 വരെ കാലയളവിലേക്കാണ് ഈ പ്രഖ്യാപനം.

പി.എന്‍.എക്‌സ്.4712/17

ജില്ലയിൽ ഇതുവരെ എം.ആർ കുത്തിവെപ്പ് എടുക്കുവാൻ സാധിക്കാത്ത 9 മാസത്തിനും 15 വയസ്സിനുമിടയിലുള്ള എല്ലാ കുട്ടികൾക്കും പ്രതിരോധ കുത്തിവെപ്പ് നൽകുവാൻ വേണ്ടി ഇന്നും നാളെയും ജില്ലയിൽ ഊർജ്ജിത എം.ആർ കാമ്പയിൻ നടത്തുന്നു. സ്കൂളുകളിൽ കാമ്പയിൻ നടത്തിയപ്പോൾ പലവിധ കാരണങ്ങളാൽ കുത്തിവെപ്പെടുക്കാത്ത കുട്ടികളെ അടുത്തുള്ള സർക്കാർ ആശുപത്രിയിലോ, ഈ സൗകര്യം നൽകുന്ന ഏതെങ്കിലും സ്വകാര്യ ആശുപത്രിയിലോ എത്തിച്ച് പ്രതിരോധ കുത്തിവെപ്പ് നൽകേണ്ടതാണ്. പ്രതിരോധ കുത്തിവെപ്പിനെ കുറിച്ച് കൂടുതൽ അറിയുന്നതിന് ആരോഗ്യപ്രവർത്തകരുമായും, ഡോക്ടർമാരുമായും സംശയനിവാരണം നടത്തുന്നതിനും അവസരമുണ്ട്.

കൊച്ചി: വനം സംബന്ധമായ പ്രവൃത്തികള്‍ ചെയ്യുന്നതിന് വനം വകുപ്പില്‍ നിലനിന്നിരുന്ന കണ്‍വീനര്‍ സമ്പ്രദായത്തിന് പകരം കോണ്‍ട്രാക്ട് സംവിധാനം ഏര്‍പ്പെടുത്തികൊണ്ട്  സര്‍ക്കാര്‍ ഉത്തരവായിട്ടുണ്ട്. 

സര്‍ക്കാര്‍ അംഗീകരിച്ച മാര്‍ഗ്ഗനിര്‍ദ്ദേശങ്ങള്‍ക്ക് അനുസൃതമായി, കോണ്‍ട്രാക്ട് സിസ്റ്റത്തില്‍ ഫോറസ്ട്രി ജോലികള്‍ ചെയ്യുന്നതിന് യോഗ്യരായ കോണ്‍ട്രാക്ടര്‍മാര്‍ക്ക് രജിസ്റ്റര്‍ ചെയ്യാവുന്നതാണ്. താല്‍പര്യമുള്ളവര്‍ വനം വകുപ്പിന്റെ വെബ്‌സൈറ്റ് സന്ദര്‍ശിക്കുകയോ അതത് വനം ഡിവിഷനുകളുമായി ബന്ധപ്പെടുകയോ ചെയ്ത്  പേരുകള്‍ രജിസ്റ്റര്‍ ചെയ്യേണ്ടതാണ്.

കൊച്ചി: എറണാകുളം ജില്ലാ എംപ്ലോയ്‌മെന്റ്് എക്‌സ്‌ചേഞ്ചിലെ എംപ്ലോയബിലിറ്റി സെന്ററിന്റെ ആഭിമുഖ്യത്തില്‍ 'ലക്ഷ്യ2017' എന്ന പേരില്‍ തൊഴില്‍ മേള ആലുവ സെന്റ് സേവ്യേഴ്‌സ് കോളേജില്‍ നവംബര്‍ 4ന് നടത്തുന്നു. മേളയുടെ ഉദ്ഘാടനം രാവിലെ ഒമ്പതിന്  അന്‍വര്‍ സാദത്ത് എം.എല്‍.എ നിര്‍ഹിക്കും.  തൊഴില്‍ മേളയില്‍ സ്വകാര്യ മേഖലയിലെ 48 പ്രമുഖ കമ്പനികള്‍ പങ്കെടുക്കും.

അറിയപ്പെട്ടിട്ടുള്ള 2800 ഓളം തൊഴിലവസരങ്ങളിലേക്ക് ഫിനാന്‍ഷ്യ ല്‍, ഐ.ടി, ഓട്ടോമൊബൈല്‍, ബി.പി.ഒ തുടങ്ങിയ വിഭാഗങ്ങളില്‍ പ്ലസ് ടു, ബിരുദം, ബിരുദാനന്തര ബിരുദം യോഗ്യതയുള്ള ഉദ്യോഗാര്‍ത്ഥികളെ പരിഗണിക്കും.

കൊച്ചി: കേരള നിയമസഭയുടെ ജില്ലാതലത്തിലുള്ള വജ്രജൂബിലി ആഘോഷം തിങ്കള്‍, ചൊവ്വ ദിവസങ്ങളില്‍ മഹാരാജാസ് കോളേജില്‍ നടക്കും. ഉദ്ഘാടനം, സെമിനാര്‍, ഡിബേറ്റ് മത്സരം, കലാപരിപാടികള്‍, നിയമസഭാ മ്യൂസിയം പ്രദര്‍ശനം തുടങ്ങിയവയാണ് രണ്ടു ദിവസങ്ങളിലായി നടക്കുക. നിയമസഭയും ജില്ലാ ഭരണകൂടവുമാണ് സംഘാടകര്‍.

കൊച്ചി: നിയമസഭയുടെ ആരോഗ്യവും കുടുംബക്ഷേമവും സംബന്ധിച്ച് സബ്ജക്ട് കമ്മിറ്റി നവംബര്‍ ഏഴിന് രാവിലെ 10.30-ന് എറണാകുളം കളക്ടറേറ്റ് കോണ്‍ഫറന്‍സ് ഹാളില്‍ യോഗം ചേരും. ക്ലീനിക്കല്‍ എസ്റ്റാബ്ലിഷ്‌മെന്റ് (രജിസ്‌ട്രേഷനും നിയന്ത്രണവും) ബില്‍ 2017 നെ സംബന്ധിച്ച് വ്യക്തികളില്‍ നിന്നും സംഘടനകളില്‍ നിന്നും നേരിട്ട് ഹര്‍ജികള്‍ സ്വീകരിക്കും. യോഗത്തില്‍ സമിതി ചെയര്‍പേഴ്‌സണായ വകുപ്പു മന്ത്രിയും അംഗങ്ങളായ 10 എം.എല്‍.എ മാരും പങ്കെടുക്കും.

ശബരിമല തീര്‍ഥാടന കാലത്ത് ജില്ലാ ഭരണകൂടത്തിന്റെയും ആരോഗ്യവകുപ്പിന്റെയും നേതൃത്വത്തില്‍ പമ്പ മുതല്‍ സന്നിധാനം വരെയുള്ള സ്ഥലങ്ങളില്‍ തുടങ്ങുന്ന അടിയന്തര വൈദ്യ സഹായ കേന്ദ്രങ്ങളിലേക്ക് അഞ്ച് പുരുഷ നഴ്‌സുമാരെ ആവശ്യമുണ്ട്. ഈമാസം 15 മുതല്‍ 2018 ജനുവരി 20 വരെയാണ് സേവനകാലാവധി.

തൊഴില്‍ സാധ്യതയുള്ള ഓട്ടോകാഡ് 2 ഡി-3 ഡി, പ്ലംബിംഗ്-സാനിറ്റേഷന്‍, ഓട്ടോമൊബൈല്‍ ടെക്‌നീഷ്യന്‍, ഇന്‍ഡസ്ട്രിയല്‍ ഇലക്ട്രീഷ്യന്‍, വെല്‍ഡര്‍(ടിഗ്-മിഗ്) കോഴ്‌സുകളില്‍ പ്രവേശനത്തിന് അപേക്ഷിക്കാം. പ്രായപരിധി 18നും 45നും മധ്യേ. അപേക്ഷ സ്വീകരിക്കുന്ന അവസാന തീയതി ഈമാസം 10. കൂടുതല്‍ വിവരങ്ങള്‍ക്ക് ഐടിഐയുമായി ബന്ധപ്പെടണം.

ഫോണ്‍: 0468-2258710.