കണ്ണൂര്‍ ഗവ.എഞ്ചിനീയറിംഗ് കോളേജിലെ ടി ബി ഐ സെന്ററിന്റെ അകവും പുറവും പെയിന്റ് ചെയ്യുന്നതിന് ക്വട്ടേഷന്‍ ക്ഷണിച്ചു.  ക്വട്ടേഷന്‍ ഡിസംബര്‍ 4 ന് ഉച്ചയ്ക്ക് 2 മണി വരെ സ്വീകരിക്കും.  ഫോണ്‍: 0497 2780226.
പി എന്‍ സി/4316/2017

 ജില്ലാ വികസന സമിതി യോഗം 25 ന് രാവിലെ 11 മണിക്ക് കലക്ടറേറ്റ് കോണ്‍ഫറന്‍സ് ഹാളില്‍ ചേരും.
പി എന്‍ സി/4314/2017
 

 ടൂറിസം വകുപ്പ് ജില്ലാ ടൂറിസം പ്രമോഷന്‍ കൗണ്‍സിലിന്റെ സഹകരണത്തോടെ ഹൈസ്‌കൂള്‍-ഹയര്‍സെക്കണ്ടറി-കോളേജ് വിദ്യാര്‍ത്ഥികള്‍ക്കായി പെയിന്റിംഗ്, ഉപന്യാസ മത്സരങ്ങള്‍ സംഘടിപ്പിക്കുന്നു.  18 ന് രാവിലെ 10 മണിക്ക് തലശ്ശേരിയിലാണ് മത്സരം.  ഒന്നും രണ്ടും മൂന്നും സ്ഥാനക്കാര്‍ക്ക് യഥാക്രമം 10,000, 5,000, 3,000 രൂപ വീതം ക്യാഷ് അവാര്‍ഡും സര്‍ട്ടിഫിക്കറ്റും നല്‍കും.   പങ്കെടുക്കാന്‍ ആഗ്രഹിക്കുന്ന വിദ്യാര്‍ത്ഥികള്‍ 0497 2706336 എന്ന നമ്പറില്‍ പേര് രജിസ്റ്റര്‍ ചെയ്യണം.  കൂടുതല്‍ വിവരങ്ങള്‍ 9447550861, 9645454500 എന്നീ നമ്പറുകളില്‍ ലഭിക്കും.
പി എന്‍ സി/4313/2017
 

റവന്യൂ റിക്കവറി നടപടികളിലുള്‍പ്പെട്ട കേരള മോട്ടോര്‍ തൊഴിലാളി ക്ഷേമനിധിയില്‍ ഒടുക്കുവാന്‍ ബാക്കിയുളള കുടുശ്ശിക തുക പലിശയും പിഴപ്പലിശയും ഒഴിവാക്കി ഒറ്റത്തവണ തീര്‍പ്പാക്കല്‍ പദ്ധതി പ്രകാരം തീര്‍പ്പാക്കുന്നതിനായി നവംബര്‍ 16 രാവിലെ 10 മണിക്ക് തലശ്ശേരി താലൂക്ക് ഓഫീസ് കോണ്‍ഫറന്‍സ് ഹാളില്‍ അദാലത്ത് നടത്തുന്നു.   അദാലത്തില്‍ പങ്കെടുത്ത് തുക ഒടുക്കി റവന്യൂ റിക്കവറി നടപടികളില്‍ നിന്ന് ഒഴിവാകണമെന്ന് തലശ്ശേരി റവന്യൂ റിക്കവറി തഹസില്‍ദാര്‍ അറിയിച്ചു. 
പി എന്‍ സി/4312/2017
 

നെഹ്‌റു യുവ കേന്ദ്രയുടെ സ്ഥാപകദിനമായ നവംബര്‍ 14 ന്  കൂട്ടയോട്ടം,  നെഹ്‌റു  അനുസ്മരണ സെമിനാര്‍,   ക്വിസ് പ്രോഗ്രാമുകള്‍ എന്നിവ സംഘടിപ്പിച്ചു. കളക്ടറേറ്റ് ക്യാമ്പസ്സില്‍ നിന്നാരംഭിച്ച കൂട്ടയോട്ടം ജില്ലാ കളക്ടര്‍  മിര്‍  മുഹമ്മദലി ഫ്‌ളാഗ് ഓഫ് ചെയ്തു. തുടര്‍ന്ന്   നെഹ്‌റു യുവകേന്ദ്ര ഹാളിലെ  നെഹ്‌റു പ്രതിമയില്‍ പുഷ്പാര്‍ച്ചന നടത്തി.    സെമിനാറും ക്വിസ് പ്രോഗ്രാമിനും പ്രഭാകരന്‍ മാസ്റ്റര്‍  നേതൃത്വം  നല്‍കി.   ടി.എം. അന്നമ്മ, ജംഷീര്‍, ജില്ലയിലെ വിവിധ  യൂത്ത് ക്ലബ് പ്രതിനിധികള്‍ തുങ്ങിയവര്‍ പങ്കെടുത്തു.
പി എന്‍ സി/4311/2017
 

 തദ്ദേശ സ്വയംഭരണ വകുപ്പ് മന്ത്രിയുടെ നിര്‍ദ്ദേശാനുസരണം ചീഫ് ടൗണ്‍ പ്ലാനറുടെ നേതൃത്വത്തില്‍ ജില്ലാ നഗരാസൂത്രണ കാര്യാലയത്തില്‍ കെട്ടിട നിര്‍മ്മാണ അപേക്ഷകളിലേക്കുളള ഫയല്‍ അദാലത്ത് 23 ന് രാവിലെ 10 മണി മുതല്‍ 4 മണി വരെ നടത്തും.   ജില്ലാ നഗരാസൂത്രണ കാര്യാലയം, ഡി പി സി സെക്രട്ടറിയേറ്റ്, രണ്ടാം നില, സിവില്‍ സ്റ്റേഷന്‍, കണ്ണൂര്‍-2 എന്ന വിലാസത്തില്‍ പരാതികള്‍ 20 വരെ സ്വീകരിക്കും.  ഫോണ്‍: 0497 27077472.
പി എന്‍ സി/4310/2017
 

ഐ സി ഡി എസ് പദ്ധതി പ്രകാരമുളള സേവനങ്ങള്‍ മുഴുവന്‍ ഗുണഭോക്താക്കള്‍ക്കും ലഭ്യമാക്കുന്നതിനായി ഇതുവരെ ആധാര്‍ എടുത്തിട്ടില്ലാത്ത എല്ലാ ഗുണഭോക്താക്കളും ആധാര്‍ എടുത്ത് അടുത്തുളള അങ്കണവാടിയില്‍ 25 നകം ഹാജരാക്കണമെന്ന് ഐ സി ഡി എസ് ജില്ലാതല പ്രോഗ്രാം ഓഫീസര്‍ അറിയിച്ചു.
പി എന്‍ സി/4309/2017
 

ക്ഷീരവികസന വകുപ്പ് ജില്ലയിലെ ക്ഷീരകര്‍ഷകര്‍ക്കായി ഭക്ഷ്യസുരക്ഷാ നിയമത്തെക്കുറിച്ച്  ഏകദിന പരിശീലന പരിപാടി സംഘടിപ്പിക്കുന്നു.  17 ന് രാവിലെ 9.30 ന് ജില്ലാ പൊലീസ് എംപ്ലോയീസ് കോ ഓപ്പ് സൊസൈറ്റി കോണ്‍ഫറന്‍സ് ഹാളില്‍ ജില്ലാ പഞ്ചായത്ത് പ്രസിഡണ്ട് കെ വി സുമേഷ് പരിപാടി ഉദ്ഘാടനം ചെയ്യും.  ജില്ലാ പഞ്ചായത്ത് വികസനകാര്യ സ്റ്റാന്റിംഗ് കമ്മിറ്റി ചെയര്‍മാന്‍ വി കെ സുരേഷ് ബാബു അധ്യക്ഷത വഹിക്കും.  

 ജില്ലയില്‍ വിവിധ വകുപ്പുകളില്‍ ഉണ്ടാകുന്ന ഫുള്‍ടൈം സ്വീപ്പര്‍മാരുടെ ഒഴിവുകളിലേക്ക് പരിഗണിക്കപ്പെടുന്നതിന് സമ്മതമാണെന്ന് അറിയിച്ച പാര്‍ട്ട് ടൈം ജീവനക്കാരെ ഉള്‍പ്പെടുത്തി തയ്യാറാക്കിയ ജില്ലാതല പൊതു സീനിയോറിറ്റി ലിസ്റ്റിന്റെ അന്തിമ പട്ടിക പ്രസിദ്ധീകരിച്ചു.  കലക്ടറേറ്റ് നോട്ടീസ് ബോര്‍ഡ്, ജില്ലാ കലക്ടറുടെ വെബ്‌സൈറ്റ്, ജില്ലാ ഇന്‍ഫര്‍മേഷന്‍ ഓഫീസ്, കലക്ടറേറ്റിലെ എ സെക്ഷന്‍ എന്നിവിടങ്ങളില്‍ പട്ടിക പരിശോധനക്ക് ലഭിക്കും.
പി എന്‍ സി/4306/2017
 

ജില്ലാ വിദ്യാഭ്യാസ വകുപ്പിന്റെയും ജില്ലാ ശിശുക്ഷേമ സമിതിയുടെയും ആഭിമുഖ്യത്തില്‍ ശിശുദിന റാലി സംഘടിപ്പിച്ചു. കണ്ണൂര്‍ പൊലീസ് മൈതാനിയില്‍ നിന്ന് ആരംഭിച്ച റാലി ജില്ലാ പഞ്ചായത്ത് വൈസ് പ്രസിഡണ്ട് പി പി ദിവ്യ ഫ്‌ളാഗ് ഓഫ് ചെയ്തു. വിദ്യാഭ്യാസ ഉപ ഡയറക്ടര്‍ യു കരുണാകരന്‍ അധ്യക്ഷത വഹിച്ചു. ജില്ലാ ശിശുക്ഷേമ സമിതി സെക്രട്ടറി എം ശ്രീധരന്‍ സ്വാഗതം ആശംസിച്ചു.