സൂര്യാതപം തുടർന്ന് ജില്ലയിൽ ഇന്ന് (ഏപ്രിൽ 2) 8 പുരുഷന്മാരും 5 സ്ത്രീകളും  അടക്കം 13 പേർ ചികിത്സതേടി. വട്ടകിണർ, ഉണ്ണികുളം, ചോറോട്, ആയഞ്ചേരി, വേളം, വടകര, പയ്യോളി, തിക്കോടി, കൂത്താളി, കൂടരഞ്ഞി എന്നീ പ്രദേശങ്ങളിൽ നിന്നാണ് കേസുകൾ റിപ്പോർട്ട് ചെയ്തത്. ഇതോടെ ജില്ലയിൽ ആകെ ചികിത്സ തേടിയവരുടെ എണ്ണം 115 ആയെന്ന് ജില്ലാ മെഡിക്കൽ ഓഫീസർ അറിയിച്ചു

കെൽട്രോണിൽ തൊഴിലധിഷ്ഠിത കോഴ്‌സുകളായ കമ്പ്യൂട്ടർ ഹാർഡ്‌വെയർ ആന്റ് നെറ്റ്‌വർക്ക് മെയിന്റനൻസ് വിത്ത് ഇ-ഗാഡ്ജറ്റ് ടെക്‌നോളജീസ്, ഇലക്ട്രിക്കൽ വയർമാൻ ആന്റ് പ്ലംബർ, റഫ്രിജറേഷൻ ആന്റ് എയർ കണ്ടീഷനിങ്, സി.സി.എൻ.എ., പ്രൊഫഷണൽ ഡിപ്ലോമ ഇൻ വെബ്ഡിസൈൻ ആന്റ് ഡെവലപ്‌മെന്റ് എന്നീ കോഴ്‌സുകളിലേക്ക് അപേക്ഷ ക്ഷണിച്ചു. കൂടുതൽ വിവരങ്ങൾക്ക് തിരുവനന്തപുരത്തുള്ള സ്‌പെൻസർ ജംഗ്ഷനിലെ കെൽട്രോൺ നോളഡ്ജ് സെന്ററിൽ ബന്ധപ്പെടുക ഫോൺ:0471-2337450, 2320332.

പി.എൻ.എക്സ്. 1049/19

ശരണബാല്യം പദ്ധതിയുടെ ഭാഗമായുള്ള ജില്ലാതല സ്റ്റേക്ക് ഹോൾഡേഴ്‌സ് അംഗങ്ങളുടെ പരിശീലന പരിപാടി സംസ്ഥാന ബാലാവകാശ കമ്മീഷൻ അംഗം എം.പി.ആന്റണി ഉദ്ഘാടനം ചെയ്തു. വനിതാ ശിശു വികസന വകുപ്പ് ജില്ലാ ഓഫീസർ സബീന ബീഗം അദ്ധ്യക്ഷത വഹിച്ചു. തിരുവനന്തപുരം ജില്ലാ ശിശു സംരക്ഷണ ഓഫീസർ സലാഹുദ്ദീൻ, ചൈൽഡ് റെസ്‌ക്യൂ ഓഫീസർ ബിജുലാൽ.എ, ചൈൽഡ് ലൈൻ അംഗങ്ങൾ, പോലീസ്, ലേബർ, വിദ്യാഭ്യാസം എന്നീ വകുപ്പുകളിലെ ഉദ്യോഗസ്ഥർ തുടങ്ങിയവർ പങ്കെടുത്തു.

പി.എൻ.എക്സ്. 1048/19

ലോകസഭാ തെരഞ്ഞെടുപ്പ് 2019 ഹരിതചട്ടം പാലിച്ചു നടപ്പിലാക്കാന്‍ ജില്ലാ ഭരണകൂടം തീരുമാനിച്ചതിന്റെ ഭാഗമായി ജില്ലാ ശുചിത്വ മിഷന്റെ ആഭിമുഖ്യത്തില്‍ മഞ്ചേശ്വരം മണ്ഡലത്തില്‍ കൈകമ്പ മുതല്‍ ഉപ്പള ടൗണ്‍ വരെ ഹരിത സന്ദേശറാലി സംഘടിപ്പിച്ചു. തെരഞ്ഞെടുപ്പില്‍ ഹരിതചട്ടം  പാലിക്കുന്നതിനു വേണ്ടിയുള്ള സന്ദേശങ്ങള്‍ അടങ്ങിയ പ്ലകാര്‍ഡുകളേന്തി ഹരിത സന്ദേശ റാലിയില്‍ ഹരിതകര്‍മ്മസേനാംഗങ്ങള്‍, കുടുംബശ്രീ പ്രവര്‍ത്തകര്‍ പങ്കെടുത്തു.

പൊതുജനങ്ങള്‍ക്ക് വോട്ട് ചെയ്യുന്നത് എളുപ്പമാക്കാന്‍ കളക്ടറേറ്റില്‍ പ്രവര്‍ത്തിക്കുന്ന ഡെമോ ഹട്ടിന് മികച്ച ജനപിന്തുണ. ഇതുവരെയായി ഡെമോ ഹട്ടില്‍ എത്തിയവരുടെ എണ്ണം ആയിരം കവിഞ്ഞു. തെരഞ്ഞെടുപ്പ് കമ്മീഷന്‍് പുതുതായി  ആവിഷ്‌കരിച്ച വിവിപാറ്റും ഇലട്രോണിക് വോട്ടീംഗ് മെഷീനും പൊതുജനങ്ങള്‍ക്ക്   പരിചയപ്പെടുത്തുന്നതിനും  തെരഞ്ഞെടുപ്പ് സുഗമമാക്കുന്നതിനുമാണ് വോട്ടിംഗ് പരിശീലന കേന്ദ്രം ആരംഭിച്ചത്. ദിവസവും നൂറുകണിക്കിനുപേരാണ് വോട്ടിംഗ്  പരിശീലനത്തിമായി  ഇവിടെ എത്തുന്നത്. 

ലോക്‌സഭാ തെരഞ്ഞെടുപ്പിന്റെ ഭാഗമായി രൂപീകരിച്ച ജില്ലാതല മീഡിയ സര്‍ട്ടിഫിക്കേഷന്‍ ആന്റ് മോണിറ്ററിങ്ങ് കമ്മിറ്റി(എംസിഎംസി)യുടെ ആഭിമുഖ്യത്തില്‍ ജില്ലയിലെ അച്ചടി, ദൃശ്യ, ശ്രവ്യ, ഓണ്‍ലൈന്‍,  പ്രാദേശിക ചാനല്‍ മാധ്യമ പ്രവര്‍ത്തകര്‍ക്കായി പെയ്ഡ് ന്യൂസ് ബോധവല്‍ക്കരണ പരിപാടി ഇന്ന്(ഏപ്രില്‍ 3) നടക്കും. രാവിലെ 11ന് കളക്ടറേറ്റ് മിനി കോണ്‍ഫറന്‍സ് ഹാളിലാണ് പരിപാടി. ജില്ലാ കളക്ടര്‍ ഡോ.ഡി.സജിത് ബാബു ഉദ്ഘാടനം ചെയ്യും. ഇലക്ഷന്‍ ഡെപ്യൂട്ടി കളക്ടര്‍ വി.പി അബ്ദുറഹ്മാന്‍ അധ്യക്ഷത വഹിക്കും. എംസിഎംസി മെമ്പര്‍മാര്‍ സംസാരിക്കും.

കേരള മീഡിയ അക്കാദമിയില്‍ 2019 ബാച്ചിലെ സര്‍ട്ടിഫിക്കറ്റ് കോഴ്‌സ് ഇന്‍ വീഡിയോ എഡിറ്റിംഗ് ക്ലാസുകള്‍ ഏപ്രില്‍ എട്ടിന് ആരംഭിക്കും.  വിദ്യാര്‍ത്ഥികള്‍  രാവിലെ 10ന് കാക്കനാട്ടുള്ള മീഡിയ അക്കാദമി കാമ്പസില്‍ എത്തിച്ചേരണമെന്ന്് സെക്രട്ടറി അറിയിച്ചു.