പാലക്കാട് ഗവ. പോളിടെക്നിക് കോളേജില്‍ ഡാറ്റ എന്‍ട്രി, ഇലട്രിക്കല്‍ വയറിങ്, എ.സി  മെക്കാനിക്, ഇലക്ട്രോണിക്സ് ഹോബി കിറ്റ്സ്, ടൈലറിംഗ്, 2,4 വീലര്‍ ഡ്രൈവിംഗ് എന്നീ  അവധിക്കാല കോഴ്സുകളിലേക്ക് അപേക്ഷിക്കാം. താല്‍പര്യമുള്ളവര്‍ ഏപ്രില്‍ നാലിന് രാവിലെ 10 .30ന് കോളേജില്‍ എത്തണം. ഫോണ്‍: 0491-2571369, 9447834732.

ലോക്സഭാ തെരഞ്ഞെടുപ്പിലേക്ക് കണ്ണൂര്‍ മണ്ഡലം സ്ഥാനാര്‍ഥിയായി കെ കെ അബ്ദുള്‍ ജബ്ബാര്‍  ജില്ലാ തെരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ മീര്‍ മുഹമ്മദലി മുമ്പാകെ നാമനിര്‍ദ്ദേശ പത്രിക സമര്‍പ്പിച്ചു. എസ്ഡിപിഐ സ്ഥാനാര്‍ഥിയായാണ് അദ്ദേഹം പത്രിക സമര്‍പ്പിച്ചത്. 

വരള്‍ച്ചാ നിവാരണത്തിന്‍റെ ഭാഗമായി മലമ്പുഴ അണക്കെട്ടില്‍ നിന്നും ഇന്ന് (ഏപ്രില്‍ രണ്ട്) രാവിലെ മുതല്‍ ഭാരതപ്പുഴയിലേക്ക് വെള്ളം തുറന്നുവിടും. മലമ്പുഴ, മുക്കൈ, കല്‍പ്പാത്തി പുഴ, ഭാരതപ്പുഴ എന്നിവിടങ്ങളില്‍ ഇറങ്ങുന്നവര്‍ ജാഗ്രത പാലിക്കണമെന്ന് മലമ്പുഴ ജലസേചന വിഭാഗം എക്സിക്യൂട്ടീവ് എന്‍ജിനീയര്‍ അറിയിച്ചു.

ലോക്‌സഭാ തെരഞ്ഞെടുപ്പുമായി ബന്ധപ്പെട്ട് പ്രവര്‍ത്തിക്കുന്ന സ്റ്റാറ്റിക് സര്‍വൈലന്‍സ് സ്‌ക്വാഡ് ജില്ലയില്‍ ഇതുവരെ 48,97,620 രൂപ പിടികൂടി. കൊടുവള്ളി ഫ്‌ളയിങ് സ്‌ക്വാഡ് ഇന്ന് രേഖകളില്ലാത്ത നാലുലക്ഷം രൂപയും കോഴിക്കോട് സൗത്ത് സ്‌ക്വാഡ് 4,23,735 രൂപയും പിടികൂടി കലക്ടറേറ്റിലെ സീനിയര്‍ ഫിനാന്‍സ് ഓഫീസറുടെ നേതൃത്വത്തിലുള്ള അപ്പീല്‍ കമ്മിറ്റിക്ക് കൈമാറി.

സൂര്യാതപത്തെ തുടര്‍ന്ന് ഏഴ് പുരുഷ•ാരും 4 സ്ത്രീകളും അടക്കം 11 പേര്‍ ഇന്ന് (ഏപ്രില്‍ ഒന്നിന്) ചികിത്സതേടി. മണിയൂര്‍,തോടന്നൂര്‍, മേപ്പയൂര്‍, പെരുവയല്‍, ഒഞ്ചിയം, ബേപ്പൂര്‍ തിരുവള്ളൂര്‍, നടുവണ്ണൂര്‍, പനങ്ങാട്, തീക്കുനി  എന്നിവിടങ്ങളില്‍നിന്നാണ് കേസുകള്‍ റിപ്പോര്‍ട്ട് ചെയ്തത്. ഇതുവരെ ആകെ ചികിത്സ തേടിയവരുടെ എണ്ണം ജില്ലയില്‍ 102 ആണ്.

കോഴിക്കോട് ജില്ലയില്‍ ലോക്സഭാ തിരഞ്ഞെടുപ്പ് പോളിംഗ് ഡ്യൂട്ടി സംബന്ധിച്ച ഉദ്യോഗസ്ഥരുടെ പരാതികള്‍ ഇനി പരിഗണിക്കില്ലെന്ന് അഡീഷനല്‍ ജില്ലാ മജിസ്ട്രേറ്റ് അറിയിച്ചു. പോളിങ്ഡ്യൂട്ടിയില്‍ നിന്നും ഒഴിവാക്കണമെന്ന അപേക്ഷ തുടര്‍ന്നും ലഭിക്കുന്ന സാഹചര്യത്തിലാണ് ഈ അറിയിപ്പ് .