വേനമഴ ഇടവിട്ടുപെയ്യുന്ന സാഹചര്യത്തില്‍ വെള്ളം കെട്ടിനിന്നു കൊതുകു പെരുകുവാന്‍ സാധ്യതയുള്ളതിനാല്‍ ഡെങ്കിപ്പനി, ചിക്കുന്‍ഗുനിയ, മലമ്പനി തുടങ്ങിയ കൊതുകുജന്യ രോഗങ്ങള്‍ക്കെതിരെ ജാഗ്രത പാലിക്കണമെന്ന് ജില്ലാ മെഡിക്കല്‍ ഓഫീസര്‍ അറിയിച്ചു. കൊതുക് മുട്ടയിടാന്‍ സാഹചര്യമുള്ളതിനാല്‍ വീടിനു പരിസരം, ടെറസ്, സണ്‍ഷെയ്ഡ്, പാത്രങ്ങള്‍, ട്രേകള്‍, ടയര്‍, വാട്ടര്‍ ടാങ്ക്, എന്നിവിടങ്ങളില്‍ വെള്ളം കെട്ടിനില്‍ക്കാന്‍ അനുവദിക്കരുത്. വാട്ടര്‍ ടാങ്കുകളും വെള്ളം ശേഖരിക്കുന്ന പാത്രങ്ങളും കൊതുകു കടക്കാത്തവിധം മൂടി സൂക്ഷിക്കണം.

ലോക്‌സഭാ തെരഞ്ഞെടുപ്പിനുള്ള വോട്ടെടുപ്പ് ഇന്ന് (ഏപ്രില്‍ 23) രാവിലെ ഏഴിന് ആരംഭിക്കും. ജില്ലയിലെ രണ്ടു ലോക്‌സഭാ മണ്ഡലങ്ങളിലായി 27.14 ലക്ഷത്തോളം വോട്ടര്‍മാരാണ് സമ്മതിദാനാവകാശം വിനിയോഗിക്കുന്നത്. രാവിലെ ഏഴിന് വോട്ടെടുപ്പ് ആരംഭിക്കും. വൈകിട്ട് ആറിന് അവസാനിക്കും. 2715 പോളിങ് ബൂത്തുകളിലായാണ് വോട്ടെടുപ്പ് നടക്കുന്നത്.

തൊടുപുഴ നിയോജകമണ്ഡലത്തിലെ കീരിക്കോട്, വെങ്ങല്ലൂര്‍, കലയന്താനി, വെള്ളിയാമറ്റം, ഉപ്പുകുന്ന്, ഇഞ്ചിക്കല്ല്, പൂമാല, കോഴിപ്പള്ളി, കുമ്പന്‍കല്ല്, ഇടവെട്ടി എന്നിവിടങ്ങളില്‍ പൊതുസ്ഥലത്ത് സ്ഥാപിച്ചിരുന്ന 292 പോസ്റ്ററുകള്‍, പൊതുസ്ഥലത്ത് സ്ഥാപിച്ചിരുന്ന 13 ഫ്‌ളക്‌സ് ബോര്‍ഡുകള്‍, സ്വകാര്യ സ്ഥലത്ത് സ്ഥാപിച്ചിരുന്ന ഒരു ഫ്‌ളക്‌സ് ബോര്‍ഡ് എന്നിവയും  22 കൊടി തോരണങ്ങളും ഒരു കട്ട്ഔട്ടും നീക്കം ചെയ്തു. 

ജില്ലയില്‍ അനധികൃതമായി സ്ഥാപിച്ചിട്ടുള്ള 40,286 പോസ്റ്ററുകളും 1419 ബാനറുകളും 102 ചുവരെഴുത്തുകളും 2590 കൊടിതോരണങ്ങളും  ജില്ലയിലെ ആന്റി ഡീഫേയ്‌സ്‌മെന്റ് സ്‌ക്വാഡുകള്‍ നീക്കം ചെയ്തു. 

ലോക്‌സഭാ തെരഞ്ഞെടുപ്പ് പോളിംഗ്  ഡ്യൂട്ടിയിലുള്ള ഉദ്യോഗസ്ഥര്‍ക്ക് ജില്ലയുടെ വിവിധ ഭാഗങ്ങളില്‍ നിന്നും വാഹന  സൗകര്യം ഏര്‍പ്പെടുത്തിയിട്ടുണ്ടെന്ന് ജില്ലാ ഇലക്ഷന്‍ ഓഫീസര്‍ കൂടിയായ ജില്ലാകലക്ടര്‍ അറിയിച്ചു.  ദേവികുളം  നിയോജക മണ്ഡലത്തിലുള്ളവര്‍ക്ക് (മൊബൈല്‍ 9497542397, 9496338557) മൂന്നാര്‍ ഗവ. ഹയര്‍സെക്കണ്ടറി സ്‌കൂളില്‍ നിന്നും തൊടുപുഴയിലേക്ക് രാവിലെ അഞ്ചിന് നാലും, പീരുമേട്ടിലേക്ക് രണ്ടും, നെടുങ്കണ്ടത്തേക്ക് രാവിലെ 5.30ന് രണ്ടും ഇടുക്കിയിലേക്ക് രാവിലെ ആറിന് നാലും ബസുകള്‍ പുറപ്പെടും. 

ലോക്‌സഭാ തെരഞ്ഞെടുപ്പ് ഇടുക്കി നിയോജകമണ്ഡലത്തില്‍ വോട്ടെടുപ്പ് ദിവസമായ ഏപ്രില്‍ 23ന് പോളിംഗ് ഉദ്യോഗസ്ഥര്‍ക്കും പൊതുജനങ്ങള്‍ക്കും വോട്ടെടുപ്പുമായി ബന്ധപ്പെട്ട പരാതികള്‍ അറിയിക്കുന്നതിനും പരിഹാരം തേടുന്നതിനുമായി അന്നേദിവസം രാവിലെ ആറ് മുതല്‍ വോട്ടെടുപ്പ്  അവസാനിക്കുന്നതുവരെ ഇടുക്കി കലക്ടറേറ്റില്‍ കണ്‍ട്രോള്‍ റൂം പ്രവര്‍ത്തിക്കും. നിയമസഭാമണ്ഡലത്തിന്റെ അടിസ്ഥാനത്തില്‍ ക്രമീകരിച്ചിട്ടുള്ള കണ്‍ട്രോള്‍ റൂം ഫോണ്‍ നമ്പറുകള്‍ -

ലോക്‌സഭാ തെരഞ്ഞെടുപ്പുമായി ബന്ധപ്പെട്ട് കളക്ടറേറ്റില്‍ പ്രവര്‍ത്തിക്കുന്ന കണ്ട്രോള്‍ റൂമിലേക്ക് പൊതുജനങ്ങള്‍ക്കും വിളിക്കാം. ആറ്റിങ്ങല്‍ ലോക്‌സഭാ മണ്ഡലത്തിലുള്ളവര്‍ക്ക് 0471-2731122 എന്ന നമ്പരിലും തിരുവനന്തപുരം മണ്ഡലത്തിലുള്ളവര്‍ക്ക് 0471-2731022 എന്ന നമ്പരിലും ബന്ധപ്പെടാവുന്നതാണ്.
(പി.ആര്‍.പി. 511/2019)

ലോക്‌സഭാ തെരഞ്ഞെടുപ്പുമായി ബന്ധപ്പെട്ട ആവശ്യങ്ങള്‍ക്ക് കളക്ടറേറ്റില്‍ പ്രവര്‍ത്തിക്കുന്ന മീഡിയാ കണ്ട്രോള്‍ റൂമിലേക്ക് 0471-2732922, 2732422,2731300, 9496003215 എന്നീ നമ്പരുകളില്‍  മാധ്യമ സുഹൃത്തുക്കള്‍ക്ക് വിളിക്കാവുന്നതാണ്.
(പി.ആര്‍.പി. 510/2019)

ലോക്‌സഭാ തെരഞ്ഞെടുപ്പിന് ജില്ലയില്‍ ഒറ്റ ബൂത്തില്‍പ്പോലും ഇരട്ടവോട്ട് നടക്കില്ലെന്ന് ഉറപ്പുവരുത്തിയിട്ടുള്ളതായി ജില്ലാ കളക്ടര്‍ ഡോ. കെ. വാസുകി അറിയിച്ചു.

ആറ്റിങ്ങല്‍ ലോക്‌സഭാ മണ്ഡലത്തിലെ വോട്ടര്‍ പട്ടികയില്‍ പേരുകള്‍ ഇരട്ടിച്ചിട്ടുണ്ടെന്ന പരാതി ജില്ലാ കളക്ടറുടെ നേതൃത്വത്തില്‍ വിശദമായി പരിശോധിച്ചു. പരാതിയില്‍ പറയുന്ന ഇരട്ട വോട്ടുകളില്‍ ഏശദേശം എല്ലാം ഒരേ പേരുള്ള വ്യത്യസ്ത വ്യക്തികളുടേതാണെന്ന് കണ്ടെത്തിയിട്ടുണ്ട്. ഒരേ പേരുകാരാണെങ്കിലും ജനന തീയതി, വോട്ടേഴ്‌സ് ഐ.ഡി. കാര്‍ഡ് നമ്പര്‍ തുടങ്ങിയവ വ്യത്യസ്തമാണ്.