സ്റ്റാറ്റിക് സര്‍വൈലന്‍സ് സ്‌ക്വാഡ്‌കോഴിക്കോട് സൗത്ത് 37.17 ലക്ഷം രൂപ പിടികൂടി കളക്ടറേറ്റ് സീനിയര്‍ ഫിനാന്‍സ്ഓഫിസറുടെ നേതൃത്വത്തിലുള്ള അപ്പീല്‍ കമമിറ്റിക്ക് കൈമാറി. ഇതുവരെ 1.15 കോടി രൂപ പിടികൂടിയിട്ടുണ്ട്‌

ലോക്‌സഭ തെരഞ്ഞെടുപ്പിന്റെ ഭാഗമായി അവസാനഘട്ട ഒരുക്കങ്ങള്‍ പൂര്‍ത്തിയാക്കി ജില്ലാ ഭരണകൂടം.  ഇതിന്റെ ഭാഗമായി ഇന്നലെ (ഏപ്രില്‍ 22) ജില്ലാകലക്ടറുടെ ചേംബറില്‍ പ്രീ പോള്‍ മോണിറ്ററിംഗ് കണ്‍ട്രോള്‍ റൂം സജീവമായി പ്രവര്‍ത്തിച്ചു. ജില്ലാകലക്ടര്‍ സാംബശിവ റാവുവിന്റെ നിയന്ത്രണത്തിലാണ് നിരീക്ഷണ സംവിധാനം പുരോഗമിക്കുന്നത്. 

ജില്ലയിൽ ഇന്നലെ സൂര്യാതപമേറ്റ് ഒരു വിദ്യാർത്ഥി ഉൾപ്പെടെ മൂന്നു പേർ ചികിത്സതേടി. താമരശേരി, കല്ലായി, വടകര എന്നിവിടങ്ങളിലാണ് കേസുകൾ റിപ്പോർട്ട് ചെയ്യപ്പെട്ടത്. ഇതോടെ ജില്ലയിൽ സൂര്യാതപമേറ്റ് ചികിത്സ തേടിയവരുടെ എണ്ണം 233 ആയി.

കാട വളര്‍ത്തലില്‍ പരിശീലനം

മൃഗസംരക്ഷണ വകുപ്പിന്റെ  ആഭിമുഖ്യത്തില്‍  മലമ്പുഴ ഐ.റ്റി.ഐക്ക് സമീപമുള്ള മൃഗസംരക്ഷണ പരിശീലനകേന്ദ്രത്തില്‍ ഏപ്രില്‍  26 ന്   കാട വളര്‍ത്തലില്‍ ഒരു ദിവസത്തെ സൗജന്യ പരിശീലനം സംഘടിപ്പിക്കുന്നു. താല്‍പര്യമുളളവര്‍ നേരിട്ടോ ഫോണ്‍ മുഖേനയോ ഓഫീസ് സമയങ്ങളില്‍ മുന്‍കൂട്ടി പേര് രജിസ്റ്റര്‍ ചെയ്യണം.  പേര് രജിസ്റ്റര്‍ ചെയ്തവര്‍ ആധാര്‍ നമ്പറുമായി 26 ന്   തിയതി രാവിലെ 10 മണിക്കു മുന്‍പായി മലമ്പുഴ മൃഗസംരക്ഷണ  പരിശീലന കേന്ദ്രത്തില്‍ എത്തിച്ചേരേണ്ടതാണെന്ന് അസി. ഡയറക്ടര്‍ അറിയിച്ചു.  ഫോണ്‍ : 0491 2 815454,  8281777080. 

വോട്ടെടുപ്പ് തിയതി :23 .04 .2019 ചൊവ്വാഴ്ച

വോട്ടെടുപ്പ് സമയം :കാലത്ത്  7 മണി മുതൽ വൈകുന്നേരം 6  മണി വരെ.

നിങ്ങളുടെ പോളിംഗ്   ബൂത്ത് അറിയാമോ?

വോട്ടർമാർക്ക് electoralsearch.in എന്ന വെബ്‌സൈറ്റിൽ  നിന്നോ അല്ലെങ്കിൽ വോട്ടർ ഹെൽപ്പ്ലൈൻ ആപ്ലിക്കേഷൻ ഉപയോഗിച്ചോ  അവരുടെ പോളിംഗ് ബൂത്ത് കണ്ടെത്താവുന്നതാണ്

 അല്ലെങ്കിൽ 1950 എന്ന വോട്ടർ ഹെൽപ്പ്ലൈൻ ടോൾ ഫ്രീ  നമ്പറിലേക്ക് വിളിക്കാം(ഡയൽ ചെയ്യുന്നതിന് മുമ്പ് നിങ്ങളുടെ STD കോഡ് ചേർക്കുക)

ഇന്ത്യൻ മഹാസമുദ്രത്തിന്റെ ഭൂമധ്യരേഖാ പ്രദേശത്തും അതിനോട്  ചേർന്നുള്ള  തെക്കു  പടിഞ്ഞാറൻ  ബംഗാൾ  ഉൾക്കടലിലും ശ്രീലങ്കയുടെ തെക്കുകിഴക്കുമായി ഏപ്രിൽ 25 ഓടെ ന്യൂനമർദ്ദം രൂപംകൊള്ളുമെന്ന് കേന്ദ്ര കാലാവസ്ഥാനിരീക്ഷണ കേന്ദ്രം അറിയിച്ചു.

ഇന്ത്യൻ മഹാസമുദ്രത്തിന്റെ ഭൂമധ്യരേഖാ പ്രദേശത്തും അതിനോട്  ചേർന്നുള്ള  തെക്കു  പടിഞ്ഞാറൻ  ബംഗാൾ  ഉൾക്കടലിലും  കാറ്റിന്റെ വേഗത മണിക്കൂറിൽ 35  മുതൽ 45  കിലോമീറ്റർ വരെയാവാനും 26ന് വേഗത മണിക്കൂറിൽ 40   മുതൽ 55  കിലോമീറ്റർ വരെയാവാനും സാധ്യതയുണ്ടെന്ന് കേന്ദ്ര കാലാവസ്ഥാനിരീക്ഷണ കേന്ദ്രം അറിയിച്ചു.

നിയമസഭാ ദിനാചരണത്തിന്റെ ഭാഗമായി ഏപ്രിൽ 25 മുതൽ 30 വരെയുള്ള ദിവസങ്ങളിൽ വൈകുന്നേരം നാല് മുതൽ രാത്രി 9.30 വരെ പൊതുജനങ്ങൾക്ക് നിയമസഭാ ഹാളിലും നിയമസഭാ മ്യൂസിയത്തിലും സന്ദർശനം അനുവദിക്കുമെന്ന് നിയമസഭാ സെക്രട്ടറി അറിയിച്ചു. നിയമസഭാ മന്ദിരവും പരിസരവും ഈ ദിവസങ്ങളിൽ വൈകുന്നേരം ആറ് മുതൽ രാത്രി 9.30 വരെ ദീപാലംകൃതമായിരിക്കും.

ഏപ്രിൽ 27-ന് നിയമസഭാ ദിനാചരണത്തിന്റെ ഭാഗമായി രാവിലെ പത്തിന് നിയമസഭാ ഡെപ്യൂട്ടി സ്പീക്കർ നിയമസഭാ സമുച്ചയത്തിൽ സ്ഥാപിച്ചിട്ടുള്ള ദേശീയ നേതാക്കളുടെ പ്രതിമകളിൽ ഹാരാർപ്പണവും പുഷ്പാർച്ചനയും നടത്തും.

പി.എൻ.എക്സ്. 1153/19

സംസ്ഥാനത്തിന്റെ വികസന പ്രവർത്തനങ്ങളുടെ ധനശേഖരണാർത്ഥം 1000 കോടി രൂപയുടെ കടപ്പത്രം പുറപ്പെടുവിക്കുന്നു. ഇതിനായുള്ള ലേലം ഏപ്രിൽ 23ന് റിസർവ് ബാങ്കിന്റെ മുംബൈ ഫോർട്ട് ഓഫീസിൽ ഇ-കുബേർ സംവിധാനം വഴി നടക്കും. ലേലം സംബന്ധിച്ച വിജ്ഞാപനത്തിനും (നമ്പർ: എസ്.എസ്.1/158/2019 ഫിൻ. തിയതി 22.04.2019) വിശദാംശങ്ങൾക്കും ധനവകുപ്പിന്റെ വെബ്‌സൈറ്റ്   (www.finance.kerala.gov.in) സന്ദർശിക്കുക.

പി.എൻ.എക്സ്. 1152/19

കേരളത്തില്‍  ഒറ്റപെട്ട സ്ഥലങ്ങളില്‍ ഇന്ന് ഇടിയോടും  മിന്നലോടും  കൂടിയ  മഴയ്ക്കും  കാറ്റിനും സാധ്യതയുള്ളതായി സംസ്ഥാന ദുരന്തനിവാരണ അതോറിറ്റി അറിയിച്ചു.

സംസ്ഥാനത്ത് ഇപ്പോള്‍ ലഭിക്കുന്ന വേനല്‍ മഴയോടനുബന്ധിച്ച് ഉച്ചക്ക് രണ്ട്  മുതല്‍ വൈകിട്ട് എട്ട് വരെയുള്ള സമയത്ത് ശക്തമായ ഇടിമിന്നലിനുള്ള സാധ്യത ഉണ്ട്. ഇത്തരം ഇടിമിന്നല്‍ അപകടകാരികള്‍ ആണ്. അവ മനുഷ്യ ജീവനും വൈദ്യുത ചാലകങ്ങളുമായി ബന്ധിപ്പിച്ചിട്ടുള്ള വീട്ടുപകരണങ്ങള്‍ക്കും വലിയ നാശനഷ്ടം സൃഷ്ടിക്കുന്നുണ്ട്. സംസ്ഥാന ദുരന്ത നിവാരണ അതോറിറ്റി ഇടിമിന്നലിനെ ഒരു സംസ്ഥാന സവിശേഷ ദുരന്തമായി പ്രഖ്യാപിച്ചിട്ടുണ്ട്.