സംസ്ഥാന പിന്നാക്ക വിഭാഗ കമ്മീഷൻ സിറ്റിംഗ് 24ന് തിരുവനന്തപുരം വെളളയമ്പലം അയ്യൻകാളി ഭവനിലുളള കമ്മിഷന്റെ കോർട്ട് ഹാളിൽ നടക്കും. രാവിലെ 11ന് ആരംഭിക്കുന്ന സിറ്റിംഗിൽ ചെയർമാൻ ജസ്റ്റിസ് ജി. ശശിധരൻ, മെമ്പർ മുളളൂർക്കര മുഹമ്മദ് അലി സഖാഫി, മെമ്പർ സെക്രട്ടറി ബിശ്വനാഥ്‌സിൻഹ എന്നിവർ പങ്കെടുക്കും.

പി.എൻ.എക്സ്. 1143/19

സംസ്ഥാന വിദ്യാഭ്യാസ വകുപ്പും എസ്.സി.ഇ.ആർ.ടിയും സംയുക്തമായി നടത്തുന്ന ന്യൂമാറ്റ്‌സ് പദ്ധതിയിൽ അംഗങ്ങളായിട്ടുളള ആറ് മുതൽ 11 വരെ ക്ലാസ്സുകളിൽ പഠിക്കുന്ന കുട്ടികളുടെ ഈ വർഷത്തെ അവധിക്കാല സഹവാസ ക്യാമ്പ് ഏപ്രിൽ 25 മുതൽ മെയ് നാല് വരെ തിരുവനന്തപുരം അരുവിക്കര പഞ്ചായത്തിലെ മൈലം ജി.വി.രാജാ സ്‌പോർട്‌സ് സ്‌കൂളിൽ നടക്കും. എല്ലാ കുട്ടികളും ഏപ്രിൽ 25ന് രാവിലെ ഒൻപതിന് മൈലം ജി.വി.രാജാ സ്‌പോർട്‌സ് സ്‌കൂളിൽ എത്തണം.

പി.എൻ.എക്സ്. 1142/19

ലോക്‌സഭ തെരഞ്ഞെടുപ്പുമായി ബന്ധപ്പെട്ട് രാഷ്ട്രീയ പാര്‍ട്ടികളും സ്ഥാ നാര്‍ത്ഥികളും നടത്തുന്ന പ്രചാരണ പ്രവര്‍ത്തനങ്ങളില്‍ തെരഞ്ഞെടുപ്പ് പെരുമാറ്റച്ചട്ട ലംഘനം, പ്രചാരണ ചെലവ് എന്നിവ സംബന്ധിച്ച പരാതികള്‍ കലക്‌ട്രേറ്റില്‍ 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂമിലേക്ക് വിളിച്ച് അറിയിക്കാം. ടോള്‍ ഫ്രീ നമ്പര്‍ 1800 425 4053, 1800 425 4054. 

     ലോക്‌സഭ തെരഞ്ഞെടുപ്പ് ദിനമായ ഏപ്രില്‍ 23 സര്‍ക്കാര്‍ അവധിയായി പ്രഖ്യാപിച്ചതിനാല്‍ അന്നേ ദിവസം നടത്താനിരുന്ന റേഷന്‍ കാര്‍ഡുകളുടെ വിതരണം  ഏപ്രില്‍ 30 ന് നടത്തുമെന്ന് താലൂക്ക് സപ്ലൈ ഓഫീസര്‍ അറിയിച്ചു.
 

തൊടുപുഴ  നിയോജക മണ്ഡലത്തിനു കീഴിലെ പുറപ്പുഴ, കരിംങ്കുന്നം,കുമ്പന്‍കല്ല്, മുട്ടം,ഉണ്ടപ്ലാവ് മ്രാല, മടത്തികണ്ടം അരിക്കുഴ, ഇടവെട്ടി എന്നിവടങ്ങളില്‍ പൊതുനിരത്തില്‍ സ്ഥാപിച്ചിരുന്ന 169 പോസ്റ്ററുകള്‍ ഏഴ് ഫ്‌ളക്‌സ്‌ബോര്‍ഡുകള്‍, സ്വകാര്യ സ്ഥലത്ത്  സ്ഥാപിച്ചിരുന്ന ഫ്‌ളക്‌സ്‌ബോര്‍ഡും 49 കൊടിതൊരണങ്ങളും തിരഞ്ഞെടുപ്പ് സ്‌ക്വാഡ് നീക്കം ചെയ്തു.

ലോക്സഭാ ഇലക്ഷന്‍ 2019 മായി ബന്ധപ്പെട്ട് പ്രവര്‍ത്തിക്കുന്ന സ്വീപ്  വിഭാഗത്തിന്റെ ഇടുക്കി മണ്ഡലത്തിലെ പ്രവര്‍ത്തനങ്ങളുടെ സമാപന പരിപാടിയായി മെഗാഷോ ഏപ്രില്‍ 20ന് വൈകിട്ട് 4 മണിക്ക് തൊടുപുഴ മിനി സിവില്‍ സ്റ്റേഷന്‍ കോമ്പൗണ്ടില്‍ സംഘടിപ്പിക്കും. സുപ്രസിദ്ധ ചലച്ചിത്ര താരം അബു സലിം മെഗാഷോ ഉദ്ഘാടനം നിര്‍വഹിക്കും. 'എന്റെ വോട്ട് എന്റെ അവകാശം' എന്ന സന്ദേശം പൊതുജനങ്ങളില്‍ എത്തിക്കുക എന്ന ഉദ്ദേശത്തോടെ നടത്തുന്ന പരിപാടിയില്‍ ജില്ലയിലെ എല്ലാ വകുപ്പ് തലവന്‍മാരും ഓഫീസ് മേധാവികളും ജീവനക്കാരും പങ്കെടുക്കും.