തിരുവനന്തപുരം ജില്ലയില്‍ കരിങ്കല്‍ ഉത്പന്നങ്ങള്‍ സ്റ്റോക്ക് ചെയ്ത് വിപണനം നടത്തുന്നതിന്, ജില്ലാ മൈനിംഗ് & ജിയോളജി വകുപ്പ് അനുവദിക്കുന്ന ഡീലേഴ്‌സ് ലൈസന്‍സ് കരസ്ഥമാക്കിയില്ലെങ്കില്‍ കേരള മിനറല്‍സ് (പ്രിവന്‍ഷന്‍ ഓഫ് ഇല്ലീഗല്‍ മൈനിംഗ്, സ്റ്റോറേജ് & ട്രാന്‍സ്‌പോര്‍ട്ടേഷന്‍) റൂള്‍സ് 2015 പ്രകാരമുളള നിയമനടപടികള്‍ കൈക്കൊളളുമെന്നും ജില്ലാ ജിയോളജിസ്റ്റ് അറിയിച്ചു.  സംശയനിവാരണത്തിനായി കേശവദാസപുരത്തു പ്രവര്‍ത്തിക്കുന്ന ജില്ലാ മൈനിംഗ് & ജിയോളജി ആഫീസുമായി ബന്ധപ്പെടണം. (ഫോണ്‍ : 0471-2442055).
                                         പി.എന്‍.എക്‌സ്.3029/18

    മോഡല്‍ ഫിനിഷിംഗ് സ്‌കൂളില്‍ പുതുതായി തുടങ്ങുന്ന ഫോറിന്‍ ലാംഗ്വജ് കോഴ്‌സുകളിലേയ്ക്ക് അപേക്ഷ ക്ഷണിച്ചു.  ഫ്രഞ്ച്, ജര്‍മ്മന്‍, റഷ്യന്‍ ഭാഷകളാണ് പഠിപ്പിക്കുന്നത്.  20 പേര്‍ അടങ്ങുന്ന പ്രഭാത, സായാഹ്ന അവധിദിന ബാച്ചുകളിലായാണ് ക്ലാസുകള്‍.  60 മണിക്കൂര്‍ ദൈര്‍ഘ്യമുള്ള ഒരു കോഴ്‌സിന് 4,500 രൂപയും ജി.എസ്.ടിയും ആണ് ഫീസ്.  താത്പര്യമുള്ളവര്‍ തിരുവനന്തപുരം മോഡല്‍ ഫിനിഷിംഗ് സ്‌കൂളില്‍ (സയന്‍സ് ആന്റ് ടെക്‌നോളജി മ്യൂസിയം, പി.എം.ജി. ജംഗ്ഷന്‍, തിരുവനന്തപുരം-33) നേരിട്ടെത്തി രജിസ്റ്റര്‍ ചെയ്യണം.  കൂടുതല്‍ വിവരങ്ങള്‍ക്ക് 0471 2307733, 7510869582.
പി.എന്‍.എക്‌സ്.3026/18
 

    സി-ഡാക്കും കേരള സ്ഥാപനമായ മോഡല്‍ ഫിനിഷിംഗ് സ്‌കൂളും സംയുക്തമായി നടത്തുന്ന വിവിധ കോഴ്‌സുകളിലും ഇന്റേണ്‍ഷിപ്പിനും ചേരുന്നതിന് അപേക്ഷ ക്ഷണിച്ചു.  അഡ്മിഷന്  ആഗ്രഹിക്കുന്ന എന്‍ജിനീയറിംഗ് വിദ്യാര്‍ത്ഥികള്‍ തിരുവനന്തപുരം മോഡല്‍ ഫിനിഷിംഗ് സ്‌കൂളില്‍ രജിസ്‌ട്രേഷന്‍ ചെയ്യണം.  അഡ്വാന്‍സ്ഡ് സൈബര്‍ ഫോറന്‍സിക്‌സ് ട്രെയിനിംഗ്, എത്തിക്കല്‍ ഹാക്കിംഗ്, ആര്‍ട്ടിഫിഷ്യല്‍ ഇന്റലിജന്‍സ്, വിര്‍ച്ച്വല്‍ റിയാലിറ്റി, അഡ്വാന്‍സ്ഡ് ജാവ, ആന്‍ഡ്രോയിഡ് പ്രോഗ്രാമിംഗ്, സോഫ്റ്റ്‌വെയര്‍ ടെസ്റ്റിംഗ്, ഐ.ഒ.റ്റി. യൂസിംഗ് ആര്‍ഡിനോ, ഐ.ഒ.റ്റി. യൂസിംഗ് റാസ്‌ബെറി പൈ എന്നീ കോഴ്‌സുകളാണുള്ളത്. 
പി.എന്‍.എക്‌സ്.3025/18

    കേരള സര്‍ക്കാര്‍ സ്ഥാപനമായ കെല്‍ട്രോണിന്റെ വഴുതക്കാടുള്ള നോളജ് സെന്ററില്‍ തൊഴിലധിഷ്ഠിത അനിമേഷന്‍ കോഴ്‌സുകളിലേക്കുള്ള അപേക്ഷകള്‍ ക്ഷണിച്ചു. അഡ്വാന്‍സ്ഡ്  ഡിപ്ലോമ  ഇന്‍ മീഡിയാ ഡിസൈനിങ് ആന്റ് ഡിജിറ്റല്‍ ഫിലിം  മേക്കിംഗ്
(12 മാസം), ഡിപ്ലോമ ഇന്‍ ഡിജിറ്റല്‍ ഫിലിംമേക്കിംഗ്(6 മാസം), സര്‍ട്ടിഫിക്കറ്റ് കോഴ്‌സ് ഇന്‍ അഡ്വാന്‍സ്ഡ് വെബ്ഡിസൈനിംഗ്, സര്‍ട്ടിഫിക്കറ്റ് കോഴ്‌സ് ഇന്‍ അഡ്വാന്‍സ്ഡ് ഗ്രാഫിക് ഡിസൈനിംഗ്, സര്‍ട്ടിഫിക്കറ്റ് കോഴ്‌സ് ഇന്‍ ഗ്രാഫിക്‌സ് ആന്റ്  വിഷ്വല്‍ ഇഫക്ട്‌സ് (3 മാസം) എന്നിവയാണ് കോഴ്‌സുകള്‍.വിദ്യാഭ്യാസയോഗ്യത: SSLC പ്ലസ്ടു/ ഡിപ്ലോമ/ ഡിഗ്രി

    സംസ്ഥാന ഭാഗ്യക്കുറി ക്ഷേമനിധിയില്‍ മാര്‍ച്ച് 31 ന് മുന്‍പ് അംഗങ്ങളായ ലോട്ടറി തൊഴിലാളികള്‍ക്ക് 2018 ലെ ഓണം ഉത്സവബത്ത ലഭിക്കുന്നതിന് ഭാഗ്യക്കുറി ക്ഷേമനിധി ബോര്‍ഡിന്റെ ജില്ലാ ഓഫീസില്‍ ആഗസ്റ്റ് 10  ന് മുന്‍പ് ബാങ്ക് പാസ്സ്ബുക്ക്, അക്കൗണ്ട് ബുക്ക് എന്നിവയുമായി  ഹാജരായി  രജിസ്റ്ററിലെ രേഖപ്പെടുത്തലുകള്‍ സാക്ഷ്യപ്പെടുത്തണം. ബാങ്ക് അക്കൗണ്ടില്‍ മാറ്റം വന്നിട്ടുള്ളവര്‍ പുതിയ അക്കൗണ്ട് നമ്പറിന്റെ  രേഖകള്‍ സഹിതം ഹാജരാകണം. ആഗസ്റ്റ് 10 നകം നേരില്‍ ഹാജരായി ഒപ്പിടുന്നവര്‍ക്ക് മാത്രമേ ഒന്നാംഘട്ടത്തില്‍ ഉത്സവബത്ത ലഭിക്കുകയുള്ളു.

സ്റ്റേഷനറി വകുപ്പിന്റെ ടേംസ് സോഫ്റ്റ്‌വെയറില്‍ രജിസ്റ്റര്‍ ചെയ്ത  ഓഫീസുകള്‍ നടപ്പ് സാമ്പത്തികവര്‍ഷം ആവശ്യമായ സ്റ്റേഷനറി സാധനങ്ങളുടെയും ഓഫീസ് സാമഗ്രികളുടേയും അളവ് ടേംസ് സോഫ്റ്റ്‌വെയറിലെ ഡിമാന്റ് ഫോര്‍കാസ്റ്റ് എന്ന ഫീച്ചര്‍ വഴി എത്രയും വേഗം സമര്‍പ്പിക്കണമെന്ന് സ്റ്റേഷനറി കണ്‍ട്രോളര്‍ അറിയിച്ചു. സോഫ്റ്റ്‌വെയറില്‍ ഓണ്‍ലൈന്‍ മുഖേന സ്റ്റേഷനറി സാധനങ്ങള്‍ ആവശ്യപ്പെടാനുളള സൗകര്യം  ആഗസ്റ്റ് മുതല്‍ നിലവില്‍ വരും.

പി. കരുണാകരന്‍ എം.പിയുടെ പ്രാദേശിക വികസനനിധിയില്‍നിന്ന് 14 ലക്ഷം രൂപയും പി.ടി.എ വിഹിതമായി നാലര ലക്ഷം രൂപയും ചെലവഴിച്ച് മാട്ടൂല്‍ എം.യു.പി സ്‌കൂളിന് ബസ് വാങ്ങുന്നതിനും പ്രാദേശിക വികസനനിധിയില്‍നിന്ന് 12 ലക്ഷം രൂപ ചെലവഴിച്ച് പയ്യന്നൂര്‍ കുഞ്ഞിരാമന്‍ അടിയോടി സ്മാരക ജി.വി.എച്ച്.എസ്.എസിന് ക്ലാസ് റൂം നിര്‍മ്മിക്കുന്നതിനും ജില്ലാ കലക്ടര്‍ ഭരണാനുമതി നല്‍കി.

കയ്യൂര്‍ ഇ.കെ നായനാര്‍ മെമ്മോറിയല്‍ ഗവ. ഐ.ടി.ഐയിലെ 2018 വര്‍ഷത്തെ പ്രവേശനത്തിന്റെ രണ്ടാം ഘട്ട കൗണ്‍സിലിംഗ് എന്‍.സി.വി.ടി മെട്രിക്ക് ട്രേഡുകളിലേക്ക് ജുലൈ 20 ന് രാവിലെ 9 മണിക്ക് നടത്തും. അര്‍ഹരായവര്‍ക്ക് എസ്.എം.എസ്  സന്ദേശം അയച്ചിട്ടുണ്ട്. കൗണ്‍സിലിംഗിന് പങ്കെടുക്കേണ്ടുന്നവരുടെ ഇന്‍ഡക്‌സ് മാര്‍ക്ക്ചുവടെചേര്‍ക്കുന്നു.
എന്‍.സി.വി.ടി മെട്രിക്ക്: ജനറല്‍/ ഒ.ബി.എച്ച്/ഈഴവ-190, എസ്.ടി-175, മുസ്ലിം-135, എസ്,സി-135, ഒ.ബി.എക്‌സ്-മുഴുവന്‍ അപേക്ഷകരും.