കേരള, കര്‍ണാടക ലക്ഷദ്വീപ് തീരത്ത് പടിഞ്ഞാറന്‍ ദിശയില്‍ 35-60 കിലോമീറ്റര്‍ വേഗതയില്‍  കാറ്റ് വീശാന്‍ സാധ്യതയുള്ളതിനാല്‍ മത്സ്യത്തൊഴിലാളികള്‍ അടുത്ത 24 മണിക്കൂര്‍ നേരത്തേക്ക് കടലില്‍ പോകരുതെന്ന് കണ്ണൂര്‍ ഫിഷറീസ് കണ്‍ട്രോള്‍ റൂമില്‍ നിന്നും അറിയി്ഭ്ു.

തദ്ദേശ സ്വയംഭരണ വകുപ്പ് മന്ത്രിയുടെ അധ്യക്ഷതയില്‍ ജൂലൈ 23ന് നടത്താന്‍ നിശ്ചയിച്ചിരുന്ന പദ്ധതി പുരോഗതി അവലോകന യോഗം മാറ്റിവെച്ചു. യോഗം ആഗസ്റ്റ് 20ന് രാവിലെ 10ന് പയ്യന്നൂരില്‍ നടക്കും. വേദി പിന്നീട് അറിയിക്കും.

ജൂലൈ 20, 21 തീയതികളില്‍ സംസ്ഥാനത്ത്  ചിലയിടങ്ങളില്‍ അതിശക്തമായ മഴയ്ക്കും 22, 23 തീയതികളില്‍ കനത്ത മഴയ്ക്കും സാധ്യതയുള്ളതായി കാലാവസ്ഥാ നിരീക്ഷണ കേന്ദ്രം അറിയിച്ചു.

വയനാട് ജില്ലയിലെ നാല് മോഡല്‍ റസിഡന്‍ഷ്യല്‍ സ്‌കൂളുകളില്‍ 2018-19 അധ്യയന വര്‍ഷം കരാര്‍ അടിസ്ഥാനത്തില്‍ ലൈബ്രേറിയന്‍ നിയമനത്തിനുള്ള കൂടിക്കാഴ്ച  ജൂലൈ 28 ന് ഉച്ചയ്ക്ക് 2ന് കല്‍പ്പറ്റ കളക്ടറേറ്റ് കോണ്‍ഫറന്‍സ് ഹാളില്‍ നടത്തും. ഉദ്യോഗാര്‍ഥികള്‍ അസ്സല്‍ സര്‍ട്ടിഫിക്കറ്റുകളും, സര്‍ട്ടിഫിക്കറ്റുകളുടെ പകര്‍പ്പും സഹിതം ഉച്ചയ്ക്ക് 1.30 ന് കല്‍പ്പറ്റ സിവില്‍ സ്റ്റേഷനിലെ ഐ.റ്റി.ഡി.പി ഓഫീസില്‍ ഹാജരാകണം.  ഒഴിവുകളുടെ എണ്ണം നാല്. യോഗ്യത: ലൈബ്രറി സയന്‍സില്‍ ബിരുദം, കമ്പ്യൂട്ടറൈസ്ഡ് ലൈബ്രറികളില്‍ കുറഞ്ഞത് മൂന്ന് വര്‍ഷത്തെ പ്രവൃത്തി പരിചയം. ഫോണ്‍ 04936-202232. 

തോട്ടട സര്‍ക്കാര്‍ ഐടിഐയില്‍ ഐഎംസി നടത്തുന്ന ഹ്രസ്വകാല തൊഴിലധിഷ്ഠിത
കോഴ്‌സുകള്‍ക്ക് അപേക്ഷിക്കാം. ഡിപ്ലോമ ഇന്‍ മൊബൈല്‍ ഫോണ്‍ ടെക്‌നോളജി ആന്റ് ടാബ്‌ലറ്റ് എഞ്ചിനീയറിംഗ്(മൂന്ന് മാസം), സി എന്‍ സി മെഷിനിസ്റ്റ്(രണ്ട് മാസം), സര്‍ട്ടിഫിക്കറ്റ് കോഴ്‌സ് ഇന്‍ സി സി ടി വി (ഒരു മാസം), അഡ്വാന്‍സ്ഡ് റോബോട്ടിക്‌സ് (മൂന്ന് മാസം) എന്നീ കോഴ്‌സുകളിലാണ് പ്രവേശനം. ഫോണ്‍: 9745479354

ഐ എച്ച് ആര്‍. ഡി യുടെ പട്ടുവം കയ്യതടത്തില്‍ പ്രവര്‍ത്തിക്കുന്ന കോളേജ് ഓഫ് അപ്ലൈഡ് സയന്‍സില്‍ ബി എസ് സി കമ്പ്യൂട്ടര്‍ സയന്‍സ്, ബിഎസ് സി ഇലക്ട്രോണിക്‌സ് എന്നീ ഡിഗ്രി കോഴ്‌സുകളില്‍  സീറ്റുകള്‍ ഒഴിവുണ്ട്. എസ് സി/എസ് ടി, ഒ ഇ സി ക്കാര്‍ക്ക് ഫീസ് ആനൂകൂല്യം ലഭിക്കും.  താല്‍പര്യമുള്ളവര്‍ അസ്സല്‍ സര്‍ഫിക്കറ്റുകളുമായി കോളേജ് ഓഫീസില്‍ ബന്ധപ്പെടുണം. ഫോണ്‍ 0460 2206050, 8547005048.

തിരുവനന്തപുരം നാഷണല്‍ ഇന്‍സ്റ്റിറ്റ്യൂട്ട് ഓഫ് സ്പീച്ച് ആന്റ് ഹിയറിംഗ് 'സ്‌പൈനല്‍ ഡിസ്രാഫിസം' എന്ന വിഷയത്തില്‍ ഓണ്‍ലൈന്‍ ബോധവത്ക്കരണ സെമിനാര്‍ സംഘടിപ്പിക്കുന്നു. വനിതാ ശിശു വികസന വകുപ്പിന്റെ സഹകരണത്തോടെ ജൂലൈ 21 ന് രാവിലെ 11.30 മുതല്‍ 12.55 വരെ തലശ്ശേരി ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റ് ഓഫീസിലാണ് സെമിനാര്‍. പങ്കെടുക്കുന്നവര്‍ക്ക് ഓണ്‍ലൈനായി വിദഗ്ധരുമായി സംശയ നിവാരണത്തിനുള്ള അവസരമുണ്ട്.  താല്‍പര്യമുള്ളവര്‍  ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റുമായി ജൂലൈ 21 ന് മുമ്പ് ബന്ധപ്പെടണം.  ഫോണ്‍: 0490 2326199.

ഫിഷറീസ് വകുപ്പ് ജില്ലയില്‍ മത്സ്യത്തൊഴിലാളികള്‍ക്കായി  മത്സ്യത്തൊഴിലാളികളുടെ മാനവശേഷി വികസനം 2018-19 ല്‍ ഉള്‍പ്പെടുത്തി സോഷ്യല്‍ മൊബിലൈസേഷന്‍ പദ്ധതിക്കായി ഫീല്‍ഡ് തലത്തില്‍ കമ്മ്യൂണിറ്റി മോട്ടിവേറ്റര്‍മാരെ നിയമിക്കുന്നു. ഒരുവര്‍ഷത്തേക്ക് കരാര്‍ അടിസ്ഥാനത്തിലായിരിക്കും നിയമനം. പ്രതിമാസം 6,000 രൂപ ഓണറേറിയം ലഭിക്കും. അംഗീകൃത സര്‍വകലാശാലയില്‍ നിന്നും ഏതെങ്കിലും വിഷയത്തിലുളള ബിരുദധാരിയും മത്സ്യത്തൊഴിലാളി ആശ്രിതരുമായിരിക്കണം.

 
    ജില്ലാ ആസൂത്രണ സമിതി യോഗം ജൂലൈ 23 വൈകീ'് 4 ന് ജില്ലാ ആസൂത്രണഭവന്‍ കോഫറന്‍സ് ഹാളില്‍ ചേരും.