വെള്ളിയാഴ്ച (സെപ്റ്റംബർ 01) തെക്ക് - കിഴക്കൻ  ബംഗാൾ ഉൾക്കടലിൽ മണിക്കൂറിൽ 40 മുതൽ 45 കിലോമീറ്റർ വരെയും ചില അവസരങ്ങളിൽ  55 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥക്കും സാധ്യതയുണ്ടെന്നു കേന്ദ്രകാലാവസ്ഥാ വകുപ്പ് അറിയിച്ചു.

ശനിയാഴ്ച (സെപ്റ്റംബർ 02) തെക്കൻ ശ്രീലങ്കൻ തീരത്തിന്റെ തെക്കു - പടിഞ്ഞാറൻ ബംഗാൾ ഉൾക്കടലിൽ മണിക്കൂറിൽ 45 മുതൽ 55 കിലോമീറ്റർ വരെയും ചില അവസരങ്ങളിൽ 65 കിലോമീറ്റർ വരെയും വേഗതയിൽ ശക്തമായ കാറ്റിന് സാധ്യതയുണ്ട്.

കോഴിക്കോടിന്റെ ഓണാഘോഷം ജനകീയ ഉത്സവമായി മാറിയതായി പൊതുമരാമത്ത് ടൂറിസം വകുപ്പ് മന്ത്രി പി.എ മുഹമ്മദ്‌ റിയാസ്. പൊന്നോണം 2023 ജില്ലാതല ഉദ്ഘാടനം നിർവഹിച്ചു സംസാരിക്കുകയായിരുന്നു മന്ത്രി. 2022ൽ സംസ്ഥാന സർക്കാരിന്റെ  സുപ്രധാന തീരുമാനങ്ങളിൽ ഒന്നായിരുന്നു തലസ്ഥാനത്തിനു പുറമെ കോഴിക്കോട് ജില്ലയിൽ കൂടി ഓണാഘോഷ പരിപാടി  നടത്തണമെന്നത്. വലിയ ആവേശത്തോടെയാണ് ഓണാഘോഷത്തെ ജനങ്ങൾ ഏറ്റെടുത്തതെന്നും മന്ത്രി പറഞ്ഞു.

ആലപ്പുഴ: സമഗ്ര ശിക്ഷ കേരളവും ബി.ആര്‍.സി. തുറവൂരും കൊച്ചിന്‍ ശാസ്ത്ര സാങ്കേതിക സര്‍വ്വകലാശാലയും സംയുക്തമായി നടത്തുന്ന സ്ട്രീം എക്കോസിസ്റ്റം - ശാസ്ത്ര വിജ്ഞാന സങ്കേതിക വിദ്യ ദ്വിദിന ക്യാമ്പ് ആരംഭിച്ചു. പട്ടണക്കാട് എസ്.സി.യു.ജി.വി.എച്ച്.എസ്.എസില്‍ കേരള കൗണ്‍സില്‍ ഫോര്‍ ഹിസ്റ്റോറിക്കല്‍ റിസര്‍ച്ച് ചെയര്‍മാന്‍ ഡോ.പി.കെ. മൈക്കിള്‍ തരകന്‍ ക്യാമ്പ് ഉദ്ഘാടനം ചെയ്തു. ജില്ല പഞ്ചായത്ത് വൈസ് പ്രസിഡന്റ് എന്‍.എസ്. ശിവപ്രസാദ്  അധ്യക്ഷത വഹിച്ചു.

ജില്ലയിൽ 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെയുള്ള ഒറ്റപ്പെട്ട ശക്തമായ മഴയ്ക്ക് സാധ്യതയുള്ളതിനാൽ ഇന്ന് (ആഗസ്റ്റ് 31) മഞ്ഞ അലർട്ട് ആയിരിക്കുമെന്ന് കേന്ദ്രകാലാവസ്ഥ വകുപ്പ് അറിയിച്ചു.

ഓണംവാരാഘോഷത്തിനെത്തുന്നവര്‍ക്ക് ഇത്തവണ സംസ്ഥാന സര്‍ക്കാര്‍ ഒരുക്കിയ സര്‍പ്രൈസാണ് കനകക്കുന്നിലെ ലേസര്‍ഷോയെന്നും അടുത്ത വര്‍ഷവും ഒരു സര്‍പ്രൈസുണ്ടായിരിക്കുമെന്നും വിനോദസഞ്ചാര വകുപ്പ് മന്ത്രി പി.എ മുഹമ്മദ് റിയാസ്. കനകക്കുന്നിലെ ഓണവിശേഷങ്ങള്‍ നേരിട്ടറിയാനെത്തിയ മന്ത്രി മാധ്യമപ്രവര്‍ത്തകരോട് സംസാരിക്കുകയായിരുന്നു. രണ്ടുവര്‍ഷം ഓണമാഘോഷിക്കാന്‍ കഴിയാത്തതിന്റെ പ്രതികാരമെന്ന നിലയിലാണ് 2022ല്‍ ജനങ്ങള്‍ ഓണം വാരാഘോഷത്തെ ഏറ്റെടുത്തത്.

പതിഞ്ഞ താളത്തില്‍ തുടങ്ങി നിശാഗന്ധിയിലെ കാണികളെ ആസ്വാദനത്തിന്റെ കൊടുമുടിയിലെത്തിച്ച് പത്മശ്രീ മട്ടന്നൂര്‍ ശങ്കരന്‍ കുട്ടി മാരാര്‍, പ്രകാശ് ഉള്ളിയേരി ടീമിന്റെ ഫ്യൂഷന്‍ സംഗീതം. ഓണം വാരാഘോഷത്തിന്റെ നാലാം ദിവസമായ ഇന്നലെ ( ആഗസ്റ്റ് 30) മട്ടന്നൂരിന്റെ ഫ്യൂഷന്‍ പരിപാടി കാണാന്‍ നേരത്തെ തന്നെ വിദേശ വിനോദ സഞ്ചാരികളടക്കമുള്ള മേള ആസ്വാദകര്‍ നിശാഗന്ധിയിലെത്തിയിരുന്നു. ചെണ്ടയുടെ വന്യമായ താളത്തിനൊപ്പം തബല, വയലിന്‍, ഡ്രംസ്, ഗിറ്റാര്‍, കീ ബോര്‍ഡ് എന്നിവ കൂടി ചേര്‍ന്നതോടെ നിശാഗന്ധി അക്ഷരാര്‍ത്ഥത്തില്‍ ഇളകി മറിഞ്ഞു. നേരത്തെ കൃഷ്്ണ സുരേഷിന്റെ കുച്ചുപ്പുടയും നിശാഗന്ധിയില്‍ നടന്നു.

ചതയദിനത്തില്‍ കനകക്കുന്ന് ഉള്‍പ്പെടെ വിവിധ വേദികളിലായി നിരവധി കലാപരിപാടികള്‍ അരങ്ങേറും.

ഓണം വാരാഘോഷത്തിന്റെ ഭാഗമായി കനകക്കുന്നിലൊരുക്കിയ ട്രേഡ് ഫെയറില്‍ ശ്രദ്ധ നേടുകയാണ് കേരള പൊലീസിന്റെയും ബോംബ് സ്‌ക്വാഡിന്റെയും  ആയുധ പ്രദര്‍ശന സ്റ്റാളുകള്‍.

കേരള പൊലീസ് നിലവില്‍ ഉപയോഗിക്കുന്ന വിവിധ കൈത്തോക്കുകള്‍, വെടിയുണ്ടകള്‍, സെല്‍ഫ് ലോഡിങ് റൈഫിളുകള്‍, കണ്ണീര്‍ വാതക തോക്കുകള്‍, കണ്ണീര്‍ വാതക ഷെല്‍, സ്റ്റണ്‍ ഗ്രനേഡ്  തുടങ്ങിയവയാണ് കേരള പൊലീസിന്റെ സ്റ്റാളില്‍ പ്രദര്‍ശനത്തിന് ഉള്ളത്.

ആലപ്പുഴ: എഴുപുന്ന ഗ്രാമപഞ്ചായത്തില്‍ പുനര്‍നിര്‍മിച്ച കൊച്ചുവെളി കവല- എന്‍.എച്ച്. റോഡിന്റെ ഉദ്ഘാടനം ദലീമ ജോജോ എം.എല്‍.എ. നിര്‍വഹിച്ചു.

എം.എല്‍.എയുടെ ആസ്തി വികസന ഫണ്ടില്‍ നിന്നും 5.85 ലക്ഷം രൂപ ചെലവഴിച്ച് ഇന്റര്‍ലോക്ക് ടൈല്‍ പാകിയാണ് റോഡ് പുനര്‍നിര്‍മിച്ചത്. ഇതോടെ ശ്രീനാരായണപുരം പ്രദേശത്തെ ജനങ്ങള്‍ക്ക് എളുപ്പത്തില്‍ ദേശീയപാതയിലേക്ക് എത്താം.

ചടങ്ങില്‍ എഴുപുന്ന ഗ്രാമപഞ്ചായത്ത് പ്രസിഡന്റ് ആര്‍. പ്രദീപ്, പഞ്ചായത്ത് അംഗങ്ങളായ ടി.എസ്. ശ്രീജിത്ത്, കെ.പി. സ്മിനീഷ്, രാഷ്ട്രീയ പാര്‍ട്ടി പ്രതിനിധികള്‍, ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.

പയ്യോളിയിലെ മാലിന്യ സംസ്കരണം ഇനി കൂടുതൽ സ്മാർട്ടാകും. ഒരു കോടിയോളം രൂപ ചെലവഴിച്ച് നിർമ്മിച്ച നഗരസഭയിലെ പുതിയ മെറ്റീരിയൽ റിസോഴ്സ് ഫെസിലിറ്റി സെന്റർ (എം.ആർ. എഫ്) കേന്ദ്രം നാടിന്  സമർപ്പിച്ചു. നഗരസഭയിൽ അജൈവ പാഴ് വസ്തുക്കൾ പരിപാലനം നടത്തിവരുന്ന ഹരിത കർമ്മസേനയുടെ പ്രവർത്തനം മെച്ചപ്പെടുത്താനും വരുമാന വർദ്ധനവിനും എം.ആർ.എഫ്. ഏറെ ഗുണം ചെയ്യുമെന്ന് നഗരസഭാ ചെയർമാൻ വടക്കയില്‍ ഷെഫീക്ക് പറഞ്ഞു.