ജില്ലയിലെ 27 തദ്ദേശഭരണ സ്ഥാപനങ്ങളുടെ 2018-19 വാര്‍ഷിക പദ്ധതിക്ക് ജില്ലാ ആസൂത്രണ സമിതി അംഗീകാരം നല്‍കി. ആകെ 333,77,25,103 രൂപ അടങ്കല്‍ തുകയുള്ള 3645 പദ്ധതികള്‍ക്കാണ് അംഗീകാരം നല്‍കിയത്. ജില്ലാ പഞ്ചായത്ത് പ്രസിഡന്റ് കൊച്ചുത്രേസ്യ പൗലോസ്, ഡി.പി.സി സര്‍ക്കാര്‍ നോമിനി എം. ഹരിദാസ്, ജില്ലാ ആസൂത്രണ സമിതി അംഗങ്ങളായ നോബിള്‍ ജോസ്, മനോജ് കുമാര്‍. എന്‍, നിര്‍മ്മല നന്ദകുമാര്‍, കുഞ്ഞുമോള്‍ ചാക്കോ, വിജയകുമാരി ഉദയസൂര്യന്‍, മോളി മൈക്കിള്‍, ഇന്‍ഫന്റ് തോമസ്, എസ്. വിജയകുമാര്‍, സിറിയക് തോമസ്, മനോജ് മുരളി, സുനിത സി.വി, ജില്ലാ പ്ലാനിംഗ് ഓഫീസര്‍ ലിറ്റി മാത്യു  തുടങ്ങിയവര്‍ യോഗത്തില്‍ പങ്കെടുത്തു.

തൊടുപുഴ മു'ം ജില്ലാ ഹോമിയോ ആശുപത്രിയോടനുബന്ധിച്ച് പണികഴിപ്പിച്ച കെ'ിടസമുച്ചയത്തിന്റെ ഉദ്ഘാടനം ജോയ്‌സ് ജോര്‍ജ്ജ് എം.പി നിര്‍വഹിച്ചു.  ജില്ലാ ആശുപത്രി സമുച്ചയത്തില്‍ പുതുതായി അനുവദിച്ച ജില്ലാ ഹോമിയോ മെഡിക്കല്‍ സ്റ്റോറിന്റെ കെ'ിടനിര്‍മ്മാണോദ്ഘാടനം പി.ജെ. ജോസഫ് എം.എല്‍.എ നിര്‍വഹിച്ചു.

* കേരള ഡവലപ്മെന്റ് ആന്റ് ഇന്നവേഷന്‍ സ്ട്രാറ്റജിക് കൗണ്‍സിലിന്റെ (കെ-ഡിസ്‌ക്) ഉദ്ഘാടനം നിര്‍വഹിച്ചു
    കേരളത്തിലെ വികസനവെല്ലുവിളികള്‍ നേരിടാനുള്ള പരിഹാരങ്ങള്‍ കാണുന്നതില്‍ കെ-ഡിസ്‌കിന് പങ്കുവഹിക്കാനാകുമെന്ന് മുഖ്യമന്ത്രി പിണറായി വിജയന്‍ അഭിപ്രായപ്പെട്ടു. കേരള ഡവലപ്മെന്റ് ആന്റ് ഇന്നവേഷന്‍ സ്ട്രാറ്റജിക് കൗണ്‍സിലിന്റെ (കെ-ഡിസ്‌ക്) ഉദ്ഘാടനം കനകക്കുന്നില്‍ നിര്‍വഹിച്ചുസംസാരിക്കുകയായിരുന്നു അദ്ദേഹം.

    പരീക്ഷാഭവന്‍ 2017 ജൂണ്‍മാസം നടത്തിയ ഡി.എല്‍.ഇ.ഡി (അറബിക്/ഉറുദു) പരീക്ഷയുടെ പുനര്‍മൂല്യനിര്‍ണ്ണയഫലം പരീക്ഷാഭവന്റെ ഔദ്യോഗിക വെബ്‌സൈറ്റില്‍ (www.keralapareekshabhavan.in) ലഭ്യമാണ്.
പി.എന്‍.എക്‌സ്.1129/18

    സംസ്ഥാന ന്യൂനപക്ഷ ക്ഷേമ പ്രവര്‍ത്തനങ്ങളുമായി ബന്ധപ്പെട്ട് ഏപ്രില്‍ ആദ്യവാരം തിരുവനന്തപുരത്ത് ന്യൂനപക്ഷ വകുപ്പ് മന്ത്രി ഡോ: കെ.ടി. ജലീല്‍ മത ന്യൂനപക്ഷ വിഭാഗങ്ങളായ ബുദ്ധ, ജൈന, പാഴ്‌സി, സിഖ്, വിഭാഗങ്ങളുടെ നേതാക്കളുമായി കൂടിക്കാഴ്ച നടത്തും.  ഈ വിഭാഗങ്ങളുമായി ബന്ധപ്പെട്ട വിവിധ സംഘടനകള്‍ക്ക് കൂടിക്കാഴ്ചയില്‍ പങ്കെടുക്കുവാന്‍ താല്‍പര്യമുണ്ടെങ്കില്‍ വിവരം ന്യൂനപക്ഷ ഡയറക്ടറേറ്റിനെ മാര്‍ച്ച് 28 ന് മുമ്പ് അറിയിക്കണം. വിലാസം : ഡയറക്ടര്‍, ന്യൂനപക്ഷ ക്ഷേമ വകുപ്പ്, നാലാം നില, വികാസ് ഭവന്‍, തിരുവനന്തപുരം - 695 033.  ഫോണ്‍ : 9447530013.
പി.എന്‍.എക്‌സ്.1128/18

* അസിസ്റ്റന്റ് പ്രിസണ്‍ ഓഫീസര്‍മാരുടെ പാസിംഗ് ഔട്ട് പരേഡില്‍ അഭിവാദ്യം സ്വീകരിച്ചു

കൈത്തറി നെയ്തു തൊഴിലാളികള്‍ക്കുള്ള ഉല്പാദന ഇന്‍സെന്റീവിന്റെ സംസ്ഥാനതല വിതരണോത്ഘാടനം തിരുവനന്തപുരത്ത് വ്യവസായ വകുപ്പ് മന്ത്രി  എ.സി. മൊയ്തീന്‍ നിര്‍വഹിച്ചു. സ്‌കൂള്‍ യൂണിഫോം തയ്യാറാക്കിയ വകയില്‍ വേതനമായി നല്‍കാനുള്ള 15 കോടി രൂപ ഉടന്‍ നല്‍കും. നിശ്ചിത അളവിനേക്കാള്‍ കൂടുതല്‍  ഉല്പാദനം നടത്തുന്ന തൊഴിലാളികള്‍ക്ക് അതിന്റെ അടിസ്ഥാനത്തില്‍  മാസം പരമാവധി 4000/ രൂപ വരെ ഇരട്ടിത്തുക കൂലിയായി നല്‍കും. 10000 ല്‍ അധികം വരുന്ന നെയ്ത്ത് തൊഴിലാളികള്‍ക്ക് ഈ പദ്ധതിയിലൂടെ ആനുകുല്യം ലഭ്യമാകുമെന്നും മന്ത്രി പറഞ്ഞു.

രാജ്യസഭയിലേക്ക് നടന്ന ഉപതെരഞ്ഞെടുപ്പില്‍ കേരളത്തില്‍നിന്ന് സ്വതന്ത്രനായി മത്‌സരിച്ച എം.പി. വീരേന്ദ്രകുമാറിന് ജയം. എം.പി. വീരേന്ദ്രകുമാറിന് 89 വോട്ടും എതിര്‍സ്ഥാനാര്‍ഥി ബാബുപ്രസാദിന് 40 വോട്ടുകളും ലഭിച്ചു. ഒരു വോട്ട് അസാധുവായി.
പി.എന്‍.എക്‌സ്.1125/18

കഴക്കൂട്ടം ഗവ. ഐ.ടി.ഐ (വനിത)യില്‍ സ്റ്റെനോഗ്രാഫി ആന്റ് സെക്രട്ടേറിയല്‍ അസിസ്റ്റന്റ് (ഇംഗ്ലീഷ്) ട്രേഡിലും സെക്രട്ടേറിയല്‍ പ്രാക്ടീസ് (ഇംഗ്ലീഷ്) ട്രേഡിലും ഗസ്റ്റ് ഇന്‍സ്ട്രക്ടര്‍മാരുടെ ഒഴിവുണ്ട്.
    ബന്ധപ്പെട്ട ട്രേഡിലെ എന്‍.ടി.സി/എന്‍.എ.സിയും മൂന്ന് വര്‍ഷത്തെ പ്രവര്‍ത്തി പരിചയം അല്ലങ്കില്‍ ഡിപ്ലോമാ/ഡിഗ്രി ഇന്‍ കൊമേഴ്‌സ്യല്‍ പ്രാക്ടീസും ആണ് യോഗ്യത. 
    ഉദേ്യാഗാര്‍ത്ഥികള്‍ അസല്‍ സര്‍ട്ടിഫിക്കറ്റുകള്‍ സഹിതം മാര്‍ച്ച് 26 ന് രാവിലെ 10.30 ന് പ്രിന്‍സിപ്പാള്‍ മുന്‍പാകെ അഭിമുഖത്തിനായി ഹാജരാകണം.  ഫോണ്‍ : 0471-2418317.
പി.എന്‍.എക്‌സ്.1124/18

ലോക ക്ഷയരോഗ ദിനാചരണത്തിന്റെ  സംസ്ഥാനതല ഉദ്ഘാടനം കണ്ണൂര്‍ ചേംബര്‍ ഓഫ് കൊമേഴ്‌സ് ഹാളില്‍ ഇന്ന് (മാര്‍ച്ച് 24) രാവിലെ 10ന് ആരോഗ്യ സാമൂഹ്യനീതി വകുപ്പ് മന്ത്രി കെ.കെ. ശൈലജ ടീച്ചര്‍ ഉദ്ഘാടനം ചെയ്യും. തുറമുഖ, പുരാവസ്തു, മ്യൂസിയം വകുപ്പ് മന്ത്രി രാമചന്ദ്രന്‍ കടന്നപ്പള്ളി അധ്യക്ഷത വഹിക്കും. പി.കെ. ശ്രീമതി ടീച്ചര്‍ എം.പി. മൊബൈല്‍ ടി.ബി. ലാബിന്റെ ഉദ്ഘാടനം നിര്‍വഹിക്കും.