ശില്‍പ പ്രതിഷ്ഠ പുതിയ കലാസാംസ്‌കാരിക മുന്നേറ്റത്തിന് ഊര്‍ജമാകും: മന്ത്രി എ.കെ.ബാലന്‍

   ഃ 608 പേര്‍ക്ക് സൗജന്യ ചികിത്സ ലഭിക്കും

  ഭരണഘടനാ ദിനത്തിന്റെ ഭാഗമായി കാസര്‍കോട് കളക്ടറേറ്റില്‍ ജീവനക്കാര്‍ ഭരണഘടനാ പ്രതിജ്ഞയെടുത്തു. എ.ഡി.എം എന്‍.ദേവിദാസിന്റെ അധ്യക്ഷതയില്‍ കളക്ടറേറ്റില്‍ ചേര്‍ന്ന പരിപാടിയില്‍ എല്‍.എ.ഡെപ്യൂട്ടി കളക്ടര്‍ കെ.ജയലക്ഷ്മി പ്രതിജ്ഞ ചൊല്ലിക്കൊടുത്തു. എല്‍.ആര്‍.ഡെപ്യൂട്ടി കളക്ടര്‍ രവികുമാര്‍.കെ, ജില്ലാ ഇന്‍ഫര്‍മേഷന്‍ ഓഫീസര്‍ സുഗതന്‍.ഇ.വി, വിവിധ വകുപ്പു പ്രതിനിധികള്‍, വില്ലേജ് ഓഫീസര്‍മാര്‍ തുടങ്ങിയവര്‍ സംബന്ധിച്ചു.

  കേരള സംസ്ഥാന പിന്നോക്ക വിഭാഗ വികസന കോര്‍പ്പറേഷന്‍ ഏര്‍പ്പെടുത്തിയ മൈക്രോ ക്രെഡിറ്റ് വായ്പാ വിതരണവും സ്‌കോളര്‍ഷിപ്പ് വിതരണവും തിമിരി സര്‍വീസ് സഹകരണ ബാങ്ക് ഓഡിറ്റോറിയത്തില്‍ നടന്ന ചടങ്ങില്‍ പിന്നാക്ക, പട്ടികജാതി പട്ടികവര്‍ഗ വികസന പാര്‍ലിമെന്ററികാര്യ നിയമവകുപ്പ് മന്ത്രി എ.കെ.ബാലന്‍ നിര്‍വഹിച്ചു.    നീലേശ്വരം നഗരസഭ പിലിക്കോട്, കയ്യൂര്‍-ചീമേനി, വലിയ പറമ്പ കുടുംബശ്രീ സിഡിഎസുകള്‍ക്ക് മൈക്രോ ക്രെഡിറ്റ് വായ്പ വിതരണം ചെയ്തു. 

കാക്കനാട്: വിവരസാങ്കേതികവിദ്യ ജനകീയമാക്കുക, സര്‍ക്കാര്‍ സംവിധാനങ്ങള്‍ ഓണ്‍ലൈനായി ജനങ്ങളിലെത്തിക്കുക എന്നീ ലക്ഷ്യങ്ങളോടെ നടപ്പാക്കിയ അക്ഷയ പദ്ധതിയുടെ 15-ാം വാര്‍ഷികാഘോഷത്തിന്റെ ഭാഗമായി നവജാത ശിശുക്കളുടെ ആധാര്‍ എന്റോള്‍മെന്റിന്റെ ജില്ലാതല ഉദ്ഘാടനം പറവൂര്‍ താലൂക്ക് ഹെഡ്ക്വാര്‍ട്ടര്‍ ആശുപത്രിയില്‍ പറവൂര്‍ നഗരസഭ ചെയര്‍മാന്‍ രമേശ് ഡി കുറുപ്പ് നിര്‍വഹിച്ചു. 

കാക്കനാട്: സായുധ സേനയില്‍ നിന്നു വിരമിച്ച ഓഫീസര്‍മാര്‍ അംഗങ്ങളായുള്ള സംസ്ഥാന അമാല്‍ഗമേറ്റഡ് ഫണ്ട് സ്റ്റേറ്റ് മാനേജിംഗ് കമ്മിറ്റിയുടെ കാലാവധി 2017 ഡിസംബര്‍ 31 ന് അവസാനിക്കുന്നതിനാല്‍ കമ്മിറ്റി പുനസംഘടിപ്പിക്കുന്നതിലേക്ക് ഭാരതീയ നാവികസേനയിലെ കമ്മഡോര്‍ റാങ്കിലോ അതിനേക്കാള്‍ ഉയര്‍ന്ന റാങ്കിലോ വിരമിച്ചവരില്‍ നിന്ന് അപേക്ഷ ക്ഷണിച്ചു. വിശദവിവരങ്ങള്‍ക്ക് ജില്ല സൈനിക ക്ഷേമ ഓഫീസുമായി ബന്ധപ്പെടുക. ഫോണ്‍- 0484 2422239.

കാക്കനാട്:  2018 ഹജ്ജിനായുള്ള ഓണ്‍ലൈന്‍ അപേക്ഷകള്‍ അക്ഷയകേന്ദ്രങ്ങള്‍ വഴി സമര്‍പ്പിക്കാം. രേഖകള്‍ സഹിതം ഡിസംബര്‍ ഏഴ് വരെ അപേക്ഷിക്കാം.

കാക്കനാട്: എടത്തല യുവധാര സാംസ്‌കാരികവേദിയുടെയും യുവധാര വായനശാലയുടെയും ആഭിമുഖ്യത്തില്‍ എടത്തല ഗ്രാമപഞ്ചായത്തിന്റെയും എക്‌സൈസ് വകുപ്പിന്റെയും സഹകരണത്തോടെ ലഹരിയും കൗമാരവും എന്ന വിഷയത്തെ ആസ്പദമാക്കി സംഘടിപ്പിച്ച ബോധവത്കരണ ക്ലാസ് എടത്തല ഗ്രാമപഞ്ചായത്ത് പ്രസിഡന്റ് സാജിത അബ്ബാസ് ഉദ്ഘാടനം ചെയ്തു. പ്രിവന്റീവ് ഓഫീസര്‍ എസ്.എ സനല്‍കുമാര്‍ ക്ലാസിന് നേതൃത്വം നല്‍കി. വൈസ് പ്രസിഡന്റ് വി.എം. അബൂബക്കര്‍, പി. മോഹനന്‍, എം.കെ. സുഭദ്ര ടീച്ചര്‍, കെ.എം. സുകുമാരന്‍, അഡ്വ. പി. വിജയശങ്കര്‍, അഫ്‌സല്‍ എന്നിവര്‍ പങ്കെടുത്തു. 

കാക്കനാട്: നോര്‍ത്ത് പറവൂര്‍ പൊക്കാളി നിലവികസന ഏജന്‍സി ഓഫീസില്‍ ക്ലര്‍ക്ക് കം ഡേറ്റ ഓപ്പറേറ്റര്‍ തസ്തികയില്‍ ഒരു ഒഴിവുണ്ട്. കരാറടിസ്ഥാനത്തിലുള്ള നിയമനത്തിന് നോര്‍ത്ത് പറവൂര്‍ ബ്ലോക്ക് അതിര്‍ത്തിയില്‍ സ്ഥിരതാമസക്കാരായ ഉദ്യോഗാര്‍ഥികള്‍ക്കായി ഡിസംബര്‍ അഞ്ച് പകല്‍ 11 ന് കാക്കനാട് സിവില്‍ സ്റ്റേഷനില്‍ പ്രവര്‍ത്തിക്കുന്ന പ്രിന്‍സിപ്പല്‍ കൃഷി ഓഫീസറുടെ ഓഫീസില്‍ വാക്ക് ഇന്‍ ഇന്റര്‍വ്യൂ നടത്തും. ഏതെങ്കിലും വിഷയത്തില്‍ ഡിഗ്രിയും പിജിസിഡിഎ/കംപ്യൂട്ടര്‍ എന്‍ജിനീയറിംഗ് ഡിഗ്രിയുമാണ് യോഗ്യത. താത്പര്യമുള്ളവര്‍ ബയോഡേറ്റ സഹിതം ഹാജരാകണം.