ചിത്രകാരനും ശില്പിയും നാടന്‍ കലാകാരനുമായ ഷഡാനന്‍ ആനിക്കത്തിന്‍റെ നിര്യാണത്തില്‍ സാംസ്കാരിക-പിന്നാക്കക്ഷേമ വകുപ്പ് മന്ത്രി എ.കെ. ബാലന്‍ അനുശോചിച്ചു. കേരള സംഗീത നാടക അക്കാദമി, ലളിതകലാ അക്കാദമി, ഫോക്ലോര്‍ അക്കാദമി എന്നിവയുടെ ഭരണസമിതി അംഗമായി പ്രവര്‍ത്തിച്ചിട്ടുള്ള ഷഡാനനന്‍റെ ആകസ്മിക മരണം സാംസ്കാരിക മേഖലയ്ക്ക് വലിയ നഷ്ടമാണ്. 'ഖസാക്കിന്‍റെ ഇതിഹാസം' നോവലിലെ കഥാപാത്രങ്ങള്‍ക്ക് ശില്പങ്ങളിലൂടെ രൂപം പകര്‍ന്നത് ഏറെ ശ്രദ്ധയമായിരുന്നെന്നും അനുശോചന സന്ദേശത്തില്‍ മന്ത്രി പറഞ്ഞു.

    ഭരണഘടനാ ദിനാചരണത്തിന്‍റെ ഭാഗമായി ജില്ലയിലെ എല്ലാ സര്‍ക്കാര്‍ ഓഫീസുകളിലും രാവിലെ 11ന് പ്രതിജ്ഞയെടുത്തു. ഭരണഘടനാ ദിനമായ നവംബര്‍ 26 ഞായറാഴ്ചയായതിനാലാണ് 27ന് എല്ലാ ഓഫീസുകളിലും ഭരണഘടനാ ദിനം ആചരിച്ചത്. കലക്ടറേറ്റില്‍ ജില്ലാ കലക്ടര്‍ ഡോ: പി.സുരേഷ് ബാബു ഭരണഘടനയുടെ  പ്രിയാമ്പ്ള്‍(ആമുഖം) വായിച്ചു. എ.ഡി.എം.എസ്.വിജയന്‍, മറ്റ് ജീവനക്കാര്‍ പങ്കെടുത്തു. 

മൃഗസംരക്ഷണ വകുപ്പിന്റെ  ആഭിമുഖ്യത്തില്‍  മലമ്പുഴ ഐ.റ്റി.ഐക്ക് സമീപമുള്ള മൃഗസംരക്ഷണ   പരിശീലനകേന്ദ്രത്തില്‍ നവംബര്‍ 29  മുതല്‍ 30 വരെ മുയല്‍ വളര്‍ത്തലില്‍ രണ്ടുദിവസത്തെ സൗജന്യ പരിശീലനം സംഘടിപ്പിക്കുന്നു. പരിശീലനത്തില്‍ പങ്കെടുക്കുവാന്‍ താല്‍പര്യമുളളവര്‍ നേരിട്ടോ ഫോണ്‍ മുഖേനയോ മുന്‍കൂട്ടി പേര് രജിസ്റ്റര്‍ ചെയ്യണം. പേര് രജിസ്റ്റര്‍  ചെയ്തവര്‍ ആധാര്‍നമ്പറുമായി  29 ന്  രാവിലെ 10 മണിക്കു മുമ്പ് മലമ്പുഴ മൃഗസംരക്ഷണ പരിശീലന കേന്ദ്രത്തില്‍ എത്തിച്ചേരണം. 
ഫോണ്‍ 0491 - 2815454, 8281777080.
 

    2018 ജനുവരിയില്‍ നടക്കുന്ന ഒന്ന്, രണ്ട്, മൂന്ന്, നാല് സെമസ്റ്റര്‍ സപ്ലിമെന്‍ററി അഖിലേന്ത്യാ ട്രേഡ് ടെസ്റ്റിന് 2013, 2014, 2015,2016 ആഗസ്റ്റില്‍ അഡ്മിഷനായ ട്രെയിനികള്‍ക്ക് അപേക്ഷിക്കാം. അപേക്ഷാ ഫീസായ 150 രൂപ 0230-ലേബര്‍ ആന്‍ഡ് എംപ്ലോയ്മെന്‍റ്-00-800-അദര്‍ റസീപ്റ്റ്സ്-88-അദര്‍ ഐറ്റംസ് എന്ന ശീര്‍ഷകത്തില്‍ ഒടുക്കി ഡിസംബര്‍ നാലിനകം അപേക്ഷിക്കണം. 50 രൂപ ഫൈനോടു കൂടി ഡിസംബര്‍ എട്ട് വരെ അപേക്ഷ സമര്‍പ്പിക്കാം. കൂടുതല്‍ വിവരം ചെന്നീര്‍ക്കര ഗവണ്‍മെന്‍റ് ഐടിഐയില്‍ ലഭിക്കും. ഫോണ്‍: 0468 2258710.                                           (പിഎന്‍പി 3185/17)