കേരളസംസ്ഥാന യുവജനക്ഷേമബോര്‍ഡ് സംഘടിപ്പിക്കുന്ന സംസ്ഥാന കേരളോത്സവത്തില്‍് ജില്ലയില്‍ നിന്നുള്ള വിജയികള്‍ മത്സരങ്ങള്‍ക്ക് മുമ്പായി പാലക്കാട് വിക്‌ടോറിയ കോളേജിലുള്ള രജിസ്‌ട്രേഷന്‍ കൗണ്ടറില്‍ റിപ്പോര്‍ട്ട് ചെയ്യേണ്ടതാണെന്ന്  ജില്ലാ യൂത്ത് പ്രോഗ്രാം ഓഫീസര്‍ അറിയിച്ചു.വിശദ വിവരങ്ങള്‍ക്ക്  04936-204700 എന്ന ഫോണ്‍ നമ്പറില്‍ ബന്ധപ്പെടാം.

ജില്ലയിലെ മാലിന്യ നിര്‍മാര്‍ജനത്തിനായി ആവിഷ്‌ക്കരിച്ച സീറോ വേസ്റ്റ് പദ്ധതിയുടെ അവലോകന യോഗം ചേര്‍ന്നു. വിവിധ ബ്ലോക്കുകളിലായി നിയോഗിച്ച റിസോഴ്‌സ് പേഴ്‌സണുകളില്‍ നിന്നും വിവിധ പഞ്ചായത്തുകളിലെ സീറോ വേസ്റ്റ് പ്രവര്‍ത്തനങ്ങളുടെ വിവരങ്ങള്‍ അന്വേഷിച്ച നിലവിലെ സ്ഥിതിഗതികള്‍ വിലയിരുത്തി.  
ജില്ലാ കലക്ടര്‍ യു.വി. ജോസിന്റെ അധ്യക്ഷതയില്‍ ചേമ്പറില്‍ ചേര്‍ന്ന യോഗത്തില്‍ അസിസ്റ്റന്റ് കലക്ടര്‍ സ്‌നേഹില്‍ കുമാര്‍ സിംഗ്, ശുചിത്വമിഷന്‍ കോര്‍ഡിനേറ്റര്‍ സി. കബനി തുടങ്ങിയവര്‍ പങ്കെടുത്തു. 

കുമാരസ്വാമി രാജ-നരിക്കുനി റോഡില്‍ ഗേറ്റ് ബസാര്‍ മുതല്‍ നരിക്കുനി അങ്ങാടി വരെ ടാറിംഗ് പ്രവൃത്തികള്‍ നടക്കുന്നതിനാല്‍ ഡിസംബര്‍ 22 മുതല്‍ പ്രവൃത്തി തീരുന്നതുവരെ വാഹന ഗതാഗതം ഭാഗികമായി നിരോധിച്ചു. കുമാരസ്വാമിയില്‍ നിന്നും നരിക്കുനി ഭാഗത്തേക്ക് പോകേണ്ട വാഹനങ്ങള്‍ പാലത്ത് എരവന്നൂര്‍-പാലോളിത്താഴം/ചെമ്പക്കുന്ന്-നാലുപുരക്കല്‍ വഴിയും തിരിച്ചും പോകേണ്ടതാണ്.
 

കണ്ണഞ്ചേരിയില്‍ ഗോഡൗണില്‍ സൂക്ഷിച്ചിരുന്ന 20 ലോഡ്,958 ചാക്ക് മണല്‍ പിടികൂടി. നടത്തിപ്പുകാരനായ മണി എന്ന ആള്‍ക്കെതിരെ ജിയോളജി വകുപ്പുകള്‍ പ്രകാരം കേസ് രജിസ്റ്റര്‍ ചെയ്തു. ഡെപ്യൂട്ടി കലക്ടര്‍ പി.പി കൃഷ്ണന്‍കുട്ടി, ഭൂരേഖാ തഹസില്‍ദാര്‍ ഇ.അനിതാകുമാരി എന്നിവരടങ്ങിയ സംഘമാണ് മണല്‍ പിടിച്ചെടുത്തത്.

                ജില്ലാ സൈനിക ക്ഷേമ ഓഫീസില്‍ നിന്നും സാമ്പത്തിക സഹായം കൈപ്പറ്റുന്ന രണ്ടാം ലോകമഹായുദ്ധത്തില്‍ പങ്കെടുത്തവരും അവരുടെ വിധവകളും ലൈഫ് സര്‍ട്ടിഫിക്കറ്റ് ഡിസംബര്‍ 31 നകം നല്‍കണം.

    തപാല്‍ വകുപ്പ് സ്കൂള്‍ കുട്ടികള്‍ക്കായി നടത്തി വരുന്ന യു.പി.യു ഇന്‍റര്‍നാഷണല്‍ ലെറ്റര്‍ റൈറ്റിങ്ങ് മല്‍സരം  ജനുവരി ഏഴിന് നടത്തുവാന്‍ നിശ്ചയിച്ചിരിക്കുന്നു.  15 വയസ്സ് വരെ പ്രായമുളള വിദ്യാര്‍ത്ഥികള്‍ക്ക് പ്രസ്തുത മല്‍സരത്തില്‍ പങ്കെടുക്കാവുന്നതാണ്.    അപേക്ഷകള്‍ ലഭിക്കേണ്ട അവസാന തിയ്യതി ഡിസംബര്‍ 21 ആണ്.  താല്‍പ്പര്യമുളള വിദ്യാലയങ്ങള്‍ക്ക് അവരവരുടെ വിദ്യാലയത്തില്‍വെച്ച് മല്‍സരം നടത്തുവാനുളള സൗകര്യം ഒരുക്കുന്നതാണ്.  കൂടുതല്‍ വിവരങ്ങള്‍ക്കായി സീനിയര്‍ സൂപ്രണ്ട്, പാലക്കാട് പോസ്റ്റല്‍ ഡിവിഷനുമായി ബന്ധപ്പെടുക. ഫോണ്‍ - 04912544740, 2545850, 2548400.

    കുമരംപുത്തൂര്‍ ഗ്രാമപഞ്ചായത്തില്‍ നിന്ന് വിധവ പെന്‍ഷന്‍, വാര്‍ദ്ധക്യ കാല പെന്‍ഷന്‍ വാങ്ങുന്നവര്‍ ഡിസംബര്‍ 31 നകം വരുമാന സര്‍ട്ടിഫിക്കറ്റുകള്‍ നല്‍കണം.  വിധവ പെന്‍ഷന്‍ വാങ്ങുന്നവര്‍ പുനര്‍ വിവാഹം കഴിച്ചിട്ടില്ലെന്ന സ്വയം സാക്ഷ്യപത്രവും നല്‍കേണ്ടതുണ്ട്. കുമരംപുത്തൂര്‍ കൃഷിഭവന്‍ മുഖാന്തിരം കര്‍ഷക പെന്‍ഷന്‍ ലഭിക്കുന്നവര്‍ ഡിസംബര്‍  28നകം വരുമാന സര്‍ട്ടിഫിക്കറ്റ് നിര്‍ബന്ധമായും കൃഷിഭവനില്‍ ഹാജരാക്കണമെന്ന് കൃഷി ഓഫീസര്‍ അറിയിച്ചു.