വിനോദപ്രദമായ കളികളിലൂടെ കുട്ടികളുടെ കായികവും മാനസീകവുമായ വളര്‍ച്ചയെ ഉദ്ദീപിക്കാന്‍ പ്ലേ ഫോര്‍ ഹെല്‍ത്ത് എന്ന പദ്ധതിയുമായി സര്‍ക്കാര്‍ രംഗത്ത്. സംസ്ഥാന കായിക യുവജനകാര്യവകുപ്പാണ് നടപ്പാക്കുന്നത്. ആദ്യഘട്ടത്തില്‍ സംസ്ഥാനത്തെ 25 ഗവ.പ്രൈമറി സ്‌കൂളികളിലാണ് പദ്ധതി നടപ്പാക്കുന്നത്. ഈ സ്‌കൂളുകളില്‍ രണ്ട് ഘട്ടങ്ങളിലായാണ്  പദ്ധതി  1.25 കോടിയാണ് ഇതിനായി ചെലവഴിക്കുന്നത്. ഓരോ സ്‌കൂളിലും പദ്ധതി നിരീക്ഷിക്കാനും കുട്ടികള്‍ക്ക് പരിശീലനം നല്‍കാനും 2 അധ്യപകര്‍ക്ക് പരിശീലനം നല്‍കും. ജില്ല/ സംസ്ഥാന തലത്തില്‍ മികവ് കാട്ടുന്ന വിദ്യാര്‍ത്ഥികളെ പ്രത്യേകം പരിശീലനവും ആവിഷ്‌ക്കരിച്ചിട്ടുണ്ട്.

പെട്രോകെമിക്കല്‍സ് പാര്‍ക്ക് സ്ഥാപിക്കുന്നതിന്റെ മുന്നോടിയായി സ്ഥലം ഏറ്റെടുക്കുന്നതു സംബന്ധിച്ച് ധാരണാപത്രം മുഖ്യമന്ത്രി പിണറായി വിജയന്റെയും വ്യവസായ വകുപ്പ് മന്ത്രി എ.സി. മൊയ്തീന്റെയും സാന്നിധ്യത്തില്‍ വ്യവസായ വകുപ്പ് അഡീഷണല്‍ ചീഫ് സെട്ട്രറി  പോള്‍ ആന്റണിയും ഫാക്ട് ചെയര്‍മാനും മാനേജിംഗ് ഡയറക്ടറുമായ എസ്.കെ. ലോഹാനിയും കൈമാറി.

കേരളത്തിലെ വിവിധ തദ്ദേശ സ്വയംഭരണ സ്ഥാപനങ്ങളിലേക്ക് 2015 നവംബറില്‍ നടന്ന പൊതു തെരഞ്ഞെടുപ്പില്‍ മത്സരിച്ച 8750 പേരെ സംസ്ഥാന തെരഞ്ഞെടുപ്പ് കമ്മീഷണര്‍ വി.ഭാസ്‌കരന്‍ അയോഗ്യരാക്കി. തെരഞ്ഞെടുപ്പ് ചെലവ് കണക്ക് സമര്‍പ്പിക്കുന്നതില്‍ വീഴ്ച വരുത്തിയതായും തെരഞ്ഞെടുപ്പിന് പരിധിയില്‍ കൂടുതല്‍ തുക ചെലവഴിച്ചതായും കമ്മീഷന്‍ കണ്ടെത്തിയവരെയുമാണ്  അയോഗ്യരാക്കിയത്. കേരള പഞ്ചായത്ത് രാജ് ആക്ട്-വകുപ്പ് 33, കേരള മുനിസിപ്പാലിറ്റി ആക്ട്-  വകുപ്പ് 89 എന്നിവ പ്രകാരം ഇന്നു മുതല്‍ (2017 ഡിസംബര്‍ 20) അഞ്ചു വര്‍ഷത്തേക്കാണ്  അയോഗ്യത.

ദുരന്ത നിവാരണ പ്രവര്‍ത്തനങ്ങളില്‍ സര്‍ക്കാരിനെ സഹായിക്കാന്‍ തയ്യാറുള്ള സന്നദ്ധ സ്ഥാപനങ്ങള്‍ സംഘടനകള്‍ എന്നിവയില്‍ നിന്ന് സര്‍ക്കാര്‍ അപേക്ഷ ക്ഷണിച്ചു. മുന്‍ പരിചയമുള്ളവര്‍ക്ക് മുന്‍ഗണന. തെരെഞ്ഞെടുക്കുന്നവരെ ഉള്‍പ്പെടുത്തി സംസ്ഥാന ദുരന്ത നിവാരണ അതോറിറ്റി പാനല്‍ തയ്യാറാക്കും. ഓണ്‍ലൈനായി അപേക്ഷിക്കണം.www.sdma.gov.in  എന്ന വെബ്‌സൈറ്റില്‍ വിശദാംശമുണ്ട്. അവസാന തീയതി ഡിസംബര്‍31.

പി.എന്‍.എക്‌സ്.5419/17

ദുരന്ത നിവാരണ മേഖലയില്‍ പ്രവര്‍ത്തിക്കുന്ന സര്‍ക്കാരിതര സ്ഥാപനങ്ങളെ സംസ്ഥാന ദുരന്ത നിവാരണ അതോറിറ്റി എം പാനല്‍ ചെയ്യുന്നതിന് അപേക്ഷ ക്ഷണിച്ചു.  ഓണ്‍ലൈനായി അപേക്ഷിക്കുന്നതിനുളള അവസാന തീയതി ഡിസംബര്‍ 31.  വെബ്‌സൈറ്റ് ംംം.സറൊമ.ഴീ്.ശി

പി.എന്‍.എക്‌സ്.5418/17

ബ്രയില്‍ ലിപിയുടെ ഉപജ്ഞാതാവ് ലൂയിബ്രയിലിന്റെ 208 ാമത് ജന്മദിനത്തോടനുബന്ധിച്ച് 'വൈജ്ഞാനിക പ്രദര്‍ശനം 2018' പൊതുജനങ്ങള്‍ക്കും വിദ്യര്‍ത്ഥികള്‍ക്കുമായി പ്രദര്‍ശനം ജനുവരി നാലിന് തൈക്കാട് കാഴ്ചപരിമിതിയുള്ളവര്‍ക്ക് വേണ്ടിയുള്ള സര്‍ക്കാര്‍ സ്‌കൂള്‍ അങ്കണത്തില്‍ നടക്കും.

* കെ.ഇ. ഇസ്മായില്‍ രക്ഷാധികാരി 

മുഖ്യമന്ത്രിയുടെ ദുരിതാശ്വാസ നിധിയിലേക്ക് സംസ്ഥാനത്തെ പൊതുമേഖലാ സ്ഥാപനങ്ങളുടെ വിഹിതമായി 11 കോടി 89 ലക്ഷത്തി എണ്‍പത്തയ്യായിരം രൂപ മുഖ്യമന്ത്രിക്ക് കൈമാറി.  

    കെമിക്കല്‍, ഇലക്ട്രിക്കല്‍, എഞ്ചിനീയറിംഗ്, ഇലക്ട്രോണിക്, ടെക്സ്റ്റൈല്‍, സിറാമിക്, പരമ്പരാഗത, വികസന വിഭാഗങ്ങളിലെ 53 സ്ഥാപനങ്ങളുടെ വിഹിതമാണ് മുഖ്യമന്ത്രിക്ക് കൈമാറിയത്.  വ്യവസായ, വാണിജ്യ വകുപ്പ് മന്ത്രി എ.സി മൊയ്തീന്‍, അഡീഷണല്‍ ചീഫ് സെക്രട്ടറി പോള്‍ ആന്റണി, ഡയറക്ടര്‍ കെ. എന്‍. സതീഷ്, കെഎസ്ഐഡിസി മാനേജിംഗ് ഡയറക്ടര്‍ എം ബീന തുടങ്ങിയവര്‍ സംബന്ധിച്ചു.തുടങ്ങിയവര്‍ സംബന്ധിച്ചു.

പി.എന്‍.എക്‌സ്.5415/17

മുഖ്യമന്ത്രിയുടെ ദുരിതാശ്വാസ നിധിയിലേക്ക് കെ.എസ്.എഫ്.ഇ യുടെ ആദ്യ ഗഡുവായി രണ്ടു കോടി രൂപ ധനമന്ത്രി ഡോ. ടി.എം. തോമസ് ഐസക്കിന്റെ സാന്നിധ്യത്തില്‍ ചെയര്‍മാന്‍ ഫിലിപ്പോസ് തോമസ് കൈമാറി.  കെ.എസ്.എഫ്.ഇ. എംഡി എ.പുരുഷോത്തമന്‍ , ജനറല്‍ മാനേജര്‍മാരായ എസ്. ശരത്ചന്ദ്രന്‍ ,പി .സുബ്രമണ്യം, ഡി ജി എം എസ്.കെ. സനില്‍, സംഘടനാ ഭാരവാഹികളായ തോമസ് പണിക്കര്‍ , മുരളീകൃഷ്ണപിള്ള, ചന്ദ്രബോസ് തുടങ്ങിയവര്‍ സംബന്ധിച്ചു.

പി.എന്‍.എക്‌സ്.5414/17

മുഖ്യമന്ത്രിയുടെ ദുരിതാശ്വാസനിധിയിലേക്കു കേരള നഴ്‌സിംഗ് കൗണ്‍സില്‍ അരക്കോടി രൂപയുടെ ചെക്ക് മുഖ്യമന്ത്രി പിണറായി വിജയനു കൈമാറി. ആരോഗ്യമന്ത്രി കെ.കെ. ഷൈലജ ടീച്ചര്‍, സഹകരണ, ദേവസ്വം മന്ത്രി കടകംപള്ളി സുരേന്ദ്രന്‍ എന്നിവരുടെ സാന്നിദ്ധ്യത്തില്‍ നഴ്‌സിംഗ് കൗണ്‍സില്‍ പ്രസിഡന്റ് ഉഷാദേവി എസ്., കൗണ്‍സില്‍ അംഗം പി.കെ. തമ്പി, കൗണ്‍സില്‍ രജിസ്ട്രാര്‍ വത്സ കെ. പണിക്കര്‍ എന്നിവര്‍ സംബന്ധിച്ചു. 

പി.എന്‍.എക്‌സ്.5413/17