കൊച്ചി: ഡിസംബര്‍ 2015-ലെ വിജ്ഞാനപ്രകാരം അക്ഷയ ആരംഭിക്കുന്നതിനായി ഓണ്‍ലൈനായി അപേക്ഷ സമര്‍പ്പിച്ച ഉദ്യോഗാര്‍ഥികളില്‍ യോഗ്യരായവര്‍ക്കുളള ഓണ്‍ലൈന്‍ പരീക്ഷ ഡിസംബര്‍ 30-ന് കതൃക്കടവിലുളള കെല്‍ട്രോണ്‍ നോളഡ്ജ് സെന്ററില്‍ നടക്കും. ഉദ്യോഗാര്‍ഥികള്‍ക്ക് ഹാള്‍ ടിക്കറ്റുകള്‍ ഇ-മെയിലായി അയച്ചിട്ടുണ്ട്. കൂടുതല്‍ വിവരങ്ങള്‍ക്ക് അക്ഷയ ജില്ലാ ഓഫീസുമായി ബന്ധപ്പെടാം.
 

കൊച്ചി: സംസ്ഥാന കൈത്തറി വികസന കോര്‍പറേഷന്റെ എറണാകുളം കെ.പി.സി.സി ജംഗ്ഷനിലുളള ഹാന്‍വീവ് ഷോറൂമില്‍ ക്രിസ്തുമസ്- പുതുവത്സര ആഘോഷം പ്രമാണിച്ച് എല്ലാ തുണിത്തരങ്ങള്‍ക്കും 20 ശതമാനം റിബേറ്റ് നല്‍കി വില്‍പ്പന ആരംഭിച്ചു. ഈ കാലയളവില്‍ സര്‍ക്കാര്‍, അര്‍ദ്ധ സര്‍ക്കാര്‍, കമ്പനികള്‍, ബാങ്കുകള്‍ തുടങ്ങിയ സ്ഥാപനങ്ങളിലെ ജീവനക്കാര്‍ക്ക് തവണ വ്യവസ്ഥയില്‍ തുണിത്തരങ്ങള്‍ വാങ്ങുന്നതിനുളള സൗകര്യവും ഉണ്ടായിരിക്കും.
 

കൊച്ചി: ഭൂമി സര്‍വെ ചെയ്യുന്നതിനും അതിര്‍ത്തി തര്‍ക്കങ്ങള്‍ മില്ലീ മീറ്റര്‍ വ്യത്യാസം പോലും വരാതെ പരിഹരിക്കുന്നതിനും സാറ്റലൈറ്റ് സാങ്കേതിക വിദ്യയുടെ സഹായത്തോടെ പ്രവര്‍ത്തിക്കുന്ന ആധുനിക സര്‍വ്വേ ഉപകരണങ്ങളില്‍ സര്‍വ്വെ ജീവനക്കാര്‍ക്കുളള പരിശീലനത്തിന് കളക്ടറേറ്റില്‍ തുടക്കമായി.
ജില്ലയിലെ വിവിധ സര്‍വ്വെ ഓഫീസുകളില്‍ ജോലി ചെയ്തുവരുന്ന ഹെഡ് ഡ്രാഫ്റ്റ്മാന്‍, ഹെഡ് സര്‍വ്വെയര്‍, സര്‍വ്വെയര്‍, ഡ്രാഫ്റ്റ്മാന്‍ എന്നീ വിഭാഗങ്ങളില്‍പ്പെടുന്ന സര്‍വ്വെ ജീവനക്കാര്‍ക്കാണ് പരിശീലനം നല്‍കുന്നത്.

കൊച്ചി: കേരള ലേബര്‍ വെല്‍ഫെയര്‍ഫണ്ട് നിയമത്തിന്റെ പരിധിയില്‍ വരുന്ന ഫാക്ടറികള്‍, കോ-ഓപ്പറേറ്റീവ് സൊസൈറ്റികള്‍, ബാങ്കുകള്‍ തുടങ്ങി എല്ലാ സ്ഥാപനങ്ങളും ജനുവരി ഒന്നു മുതല്‍ 15 വരെയുളള ദിവസങ്ങളില്‍ എറണാകുളം ജില്ലാ ലേബര്‍ വെല്‍ഫെയര്‍ ഫണ്ട് ഓഫീസില്‍, അവരുടെ അംശദായം കൃത്യമായി ഒടുക്കേണ്ടതാണെന്ന് ലേബര്‍ വെല്‍ഫെയര്‍ ഫണ്ട് ഇന്‍സ്‌പെക്ടര്‍ അറിയിച്ചു.
 

തിരൂരങ്ങാടി എ.കെ.എന്‍.എം. ഗവണ്‍മെന്റ് പോളിടെക്‌നിക് കോളേജില്‍ ഇലക്‌ട്രോണിക്‌സ്  എഞ്ചിനീയറിംഗ്, കമ്പ്യൂട്ടര്‍ എഞ്ചിനീയറിംഗ്  വിഷയങ്ങളില്‍ ദിവസ വേതനാടിസ്ഥാനത്തില്‍ ഗസ്റ്റ് ലക്ചറര്‍മാരെ നിയമിക്കുന്നു. അതതു വിഷയങ്ങളില്‍ 60 ശതമാനം മാര്‍ക്കോടെ ബി.ഇ/ബി.ടെക് ബിരുദമാണ് യോഗ്യത. പോളിടെക്‌നിക്ക് കോളേജിലെ അധ്യാപന പരിചയം അഭിലഷണീയ യോഗ്യതയായി കണക്കാക്കും.  യോഗ്യതയുള്ളവര്‍ ഡിസംബര്‍ 26ന് രാവിലെ 10 ന് അസ്സല്‍ സര്‍ട്ടിഫിക്കറ്റുകള്‍ സഹിതം എഴുത്തു പരീക്ഷയ്ക്കും കൂടിക്കാഴ്ചയ്ക്കും കോളേജില്‍ എത്തണം.

    ജില്ലാ ഹോമിയോ ആശുപത്രിയിലെ സദ്ഗമയ പ്രോജക്റ്റിലേക്ക് സ്‌പെഷ്യല്‍ എഡ്യുക്കേഷന്‍ ടീച്ചര്‍ തസ്തികയിലേക്ക് 2018 മാര്‍ച്ച് 31 വരെ താല്‍ക്കാലിക നിയമനത്തിന് അപേക്ഷ ക്ഷണിച്ചു.  ശമ്പളം പ്രതിമാസം 24,650 രൂപ.  താല്‍പര്യമുള്ളവര്‍ ഡിസംബര്‍ 27ന് രാവിലെ 11ന് യോഗ്യത, ജനന തിയ്യതി എന്നിവ തെളിയിക്കുന്ന അസ്സല്‍ രേഖകളും പകര്‍പ്പും സഹിതം മലപ്പുറം സിവില്‍ സ്റ്റേഷനിലെ ജില്ലാ ഹോമിയോ മെഡിക്കല്‍ ഓഫീസര്‍ എത്തണം.

    2018 ഫെബ്രുവരി 28നകം ജില്ലയിലെ മുഴുവന്‍ ഗ്രാമ പഞ്ചായത്തുകളിലേയും വസ്തു നികുതി കുടിശ്ശിക പിരിച്ചെടുക്കാന്‍ ഗ്രാമ പഞ്ചായത്ത് സെക്രട്ടറിമാരെ ചുമതലപ്പെടുത്തി.  കുടിശ്ശിക വരുത്തുന്ന കെട്ടിട ഉടമകള്‍ക്കെതിരെ ജപ്തി, പ്രോസിക്യൂഷന്‍ നടപടികള്‍ സ്വീകരിക്കുമെന്നും പഞ്ചായത്ത് ഡെപ്യൂട്ടി ഡയറക്ടര്‍ അറിയിച്ചു.   

    ലോണ്‍ കുടിശ്ശിക ഈടാക്കുന്നതിനായി ഏറനാട് താലൂക്ക് എടവണ്ണ വില്ലേജിലെ ബ്ലോക്ക് 73ല്‍ റീ.സര്‍വെ 205/22ല്‍പ്പെട്ട 0.0020 ഹെക്ടര്‍ ഭൂമിയും ബ്ലോക്ക് 73ല്‍ റീ.സര്‍വെ 205/23ല്‍പ്പെട്ട 0.0140 ഹെക്ടര്‍ ഭൂമിയും 2018 ജനുവരി നാലിന് രാവിലെ 11ന് എടവണ്ണ വില്ലേജ് ഓഫീസ് പരിസരത്ത് ലേലം ചെയ്യും.