ആലപ്പുഴ: കേരള വനിത കമ്മീഷന്റെ ആലപ്പുഴ ജില്ലയിലെ മെഗാ അദാലത്ത് ജനുവരി 11ന് രാവിലെ 10 ന് കളക്ടറേറ്റ് കോഫറന്‍സ് ഹാളില്‍ നടക്കും.

 (പി.എന്‍.എ.3108/17)

ഓഖി ദുരന്തത്തില്‍പ്പെട്ട് ജീവഹാനി സംഭവിച്ചവര്‍ക്ക് സംസ്ഥാന സര്‍ക്കാര്‍ നല്‍കുന്ന 20 ലക്ഷം രൂപയുടെ സഹായത്തിനൊപ്പം പ്രധാനമന്ത്രിയുടെ സഹായ പദ്ധതിയില്‍

 നിന്നുളള രണ്ടു ലക്ഷം രൂപ കൂടി ചേര്‍ത്തുനല്‍കുമെന്ന് ജില്ലാ കളക്ടര്‍  ഡോ. കെ. വാസുകി പറഞ്ഞു.  കേന്ദ്ര നിരീക്ഷകര്‍ക്കൊപ്പം വിവിധ സ്ഥലങ്ങള്‍ സന്ദര്‍ശിക്കവേ ദുരിതബാധിതരോട് സംസാരിക്കുകയായിരുന്നു കളക്ടര്‍.

ഓഖിയെ തുടര്‍ന്ന് ജില്ലയിലുണ്ടായ നാശനഷ്ടങ്ങളെക്കുറിച്ച് ജില്ലാ കളക്ടര്‍ ഡോ. കെ . വാസുകി കേന്ദ്ര നിരീക്ഷക സംഘാംഗങ്ങള്‍ക്ക് വിശദമായ റിപ്പോര്‍ട്ട് നല്‍കി.  253.87 കോടി രൂപയുടെ നാശനഷ്ടമാണ് ജില്ലയ്ക്ക് മൊത്തത്തിലുണ്ടായത്.

കാര്‍ഷിക മേഖലയില്‍ 7.19 കോടി രൂപയുടെ നഷ്ടമുണ്ടായപ്പോള്‍ മത്സ്യമേഖലയില്‍ 6.37 കോടി രൂപയുടെ നഷ്ടമുണ്ടായി.  വിവിധ മേഖലകളിലുണ്ടായ നാശനഷ്ടങ്ങള്‍ ചിത്രങ്ങളുടെയും കണക്കുകളുടെയും സഹായത്താലാണ് കളക്ടര്‍ സംഘാംഗങ്ങള്‍ക്ക് മുന്നില്‍ വിശദീകരിച്ചത്.

ജില്ലയിലെ ഓഖി ദുരിതബാധിത പ്രദേശങ്ങള്‍ സന്ദര്‍ശിക്കാനെത്തിയ കേന്ദ്ര സംഘം ഇന്ന് വിവിധ സ്ഥലങ്ങള്‍ സന്ദര്‍ശിച്ചു.  കേന്ദ്ര സര്‍ക്കാര്‍ അഡീഷണല്‍ സെക്രട്ടറി (ഡി.എം) ബിപിന്‍ മാലിക് രാവിലെ ജനറല്‍ ആശുപത്രിയില്‍ ചികിത്സയില്‍ കഴിയുന്ന മത്സ്യത്തൊഴിലാളികളെ സന്ദര്‍ശിച്ചു.  മന്ത്രി കടകംപളളി സുരേന്ദ്രന്‍ ഒപ്പമുണ്ടായിരുന്നു.  രക്ഷാ പ്രവര്‍ത്തനങ്ങളിലും ആശുപത്രിയില്‍ തങ്ങള്‍ക്ക് ലഭിച്ച പരിചരണത്തിലും പൂര്‍ണ തൃപ്തിയുണ്ടെന്ന് ചികിത്സയില്‍ കഴിയുന്ന സൈമണ്‍, രാജു എന്നിവര്‍ സംഘത്തോട് പറഞ്ഞു.  വേണ്ട തുടര്‍ ചികിത്സയും മറ്റുസൗകര്യങ്ങളും സര്‍ക്കാര്‍ ഉറപ്പാക്കുമെന്ന് മന്ത്രി കടകംപളളി സുരേന്ദ്രന്‍ തൊഴിലാളികളെ അറിയിച്ചു.

കോഴിക്കോട് ഗവണ്‍മെന്റ് ഹോമിയോ മെഡിക്കല്‍ കോളേജില്‍ 2017-2018 വര്‍ഷത്തെ സര്‍ട്ടിഫിക്കറ്റ് കോഴ്‌സ് ഇന്‍ ഫാര്‍മസിയില്‍ (ഹോമിയോപ്പതി) ഒഴിവുള്ള  സീറ്റിലേക്ക്  പ്രവേശനത്തിനുള്ള സ്‌പോട്ട് അലോട്ട്‌മെന്റ് എല്‍.ബി.എസ് സെന്റര്‍ ജില്ലാ ഫെസിലിറ്റേഷന്‍ സെന്ററുകളില്‍ ഡിസംബര്‍ 30 ന് നടത്തും. അപേക്ഷകര്‍ അസല്‍ സര്‍ട്ടിഫിക്കറ്റുകള്‍ സഹിതം  രാവിലെ 10 മണിക്ക് ഹാജരാകണം. അലോട്ട്‌മെന്റ് ലഭിക്കുന്നവര്‍ അന്നു തന്നെ ഫീസ് അടച്ച്  2018 ജനുവരി ഒന്നിനകം കോളേജില്‍ പ്രവേശനം നേടണം. ഫോണ്‍: 0471-2560362, 63, 64, 65        

പി.എന്‍.എക്‌സ്.5540/17

സാധാരണക്കാര്‍ക്കും ആഭ്യന്തര വിമാന യാത്ര സാധ്യമാക്കുക എന്ന ലക്ഷ്യത്തോടെ കേന്ദ്ര സര്‍ക്കാര്‍ ആരംഭിച്ച ഉഡാന്‍ (ഉഡേ ദേശ് കാ ആം നാഗരിക്) വിമാനയാത്രാ പദ്ധതിയില്‍ കേരളവും. കണ്ണൂര്‍ വിമാനത്താവളത്തില്‍നിന്ന് ഉഡാന്‍ പദ്ധതിക്കു കീഴില്‍ ആഭ്യന്തര സര്‍വീസ് തുടങ്ങുന്നതിന് കേരളവും കേന്ദ്ര വ്യോമയാന മന്ത്രാലയവും എയര്‍പോര്‍ട്ട് അതോറിറ്റി ഓഫ് ഇന്ത്യയും  ത്രികക്ഷി ധാരണാപത്രം ഒപ്പുവച്ചു.

സൈനികര്‍ക്കായി പ്രതിരോധ വകുപ്പ് കേരളത്തില്‍നിന്നു കശുവണ്ടി വാങ്ങും. കേന്ദ്ര പ്രതിരോധ മന്ത്രി നിര്‍മല സീതാരാമന്‍ സംസ്ഥാന കശുവണ്ടി വ്യവസായ വകുപ്പ് മന്ത്രി ജെ. മേഴ്‌സിക്കുട്ടിയമ്മയുമായുള്ള കൂടിക്കാഴ്ചയിലാണ് ഉറപ്പു നല്‍കിയത്. കശുവണ്ടി മേഖലയുടെ വികസനത്തിനായി പൊതുമേഖലാ സ്ഥാപനങ്ങളില്‍നിന്നു കശുവണ്ടി വാങ്ങണമെന്നാവശ്യപ്പെട്ടു മന്ത്രി മേഴ്‌സിക്കുട്ടിയമ്മ പ്രതിരോധ മന്ത്രിക്കു നിവേദനം നല്‍കിയിരുന്നു.

മുഖ്യമന്ത്രിയുടെ ഓഖി ദുരിതാശ്വാസ നിധിയിലേക്കുളള സംഭാവനകള്‍ സര്‍ക്കാര്‍ ട്രഷറികളിലും താലൂക്ക്, വില്ലേജ് ഓഫീസുകളിലും പരിധിയില്ലാതെ പണമായി സ്വീകരിക്കും.

പി.എന്‍.എക്‌സ്.5537/17

തിരൂര്‍ തുഞ്ചത്തെഴുത്തച്ഛന്‍ മലയാളം സര്‍വകലാശാലയില്‍ വൈസ്ചാന്‍സലര്‍ നിയമനത്തിന് അപേക്ഷ ക്ഷണിച്ചു.  യു.ജി.സി നിഷ്‌കര്‍ഷിച്ചിട്ടുളള യോഗ്യതയുളളവര്‍ ജനുവരി 25ന് വൈകിട്ട് അഞ്ചിനകം ബയോഡേറ്റ, പ്രവൃത്തി പരിചയവും യോഗ്യതയും തെളിയിക്കുന്ന രേഖകള്‍ സഹിതം സെക്രട്ടറി, ഉന്നത വിദ്യാഭ്യാസ വകുപ്പ്, ഗവ. സെക്രട്ടേറിയറ്റ് (അനക്‌സ് II), തിരുവനന്തപുരം -695001 എന്ന വിലാസത്തില്‍ അപേക്ഷിക്കണം.

പി.എന്‍.എക്‌സ്.5536/17

കേരള സ്റ്റേറ്റ് വെറ്ററിനറി കൗണ്‍സില്‍ തെരഞ്ഞെടുപ്പുമായി ബന്ധപ്പെട്ടു പ്രസിദ്ധീകരിക്കേണ്ട ഇലക്റ്ററല്‍ റോള്‍ കരട് കേരളാ സ്റ്റേറ്റ് വെറ്ററിനറി കൗണ്‍സില്‍ ഓഫീസില്‍ പരിശോധിക്കാം.  പരാതികളോ നിര്‍ദേശങ്ങളോ ഉണ്ടെങ്കില്‍ ജനുവരി 15ന് വൈകിട്ട് അഞ്ചിനകം കേരള സ്റ്റേറ്റ് വെറ്ററിനറി കൗണ്‍സില്‍ രജിസ്ട്രാര്‍ക്ക് നല്‍കണം.

പി.എന്‍.എക്‌സ്.5535/17