ആലപ്പുഴ: സാഗര സഹകരണ ആശുപത്രിയില്‍ തീയറ്റര്‍, ഐ.സി.യു എന്നിവയില്‍ രണ്ടു വര്‍ഷം പരിചയമുള്ള സ്റ്റാഫ് നേഴ്‌സുമാരുടെ ഒഴിവുകളിലേക്ക് അപേക്ഷ ക്ഷണിച്ചു. നിയമനം കരാര്‍ അടിസ്ഥാനത്തില്‍. അവസാന തീയതി ജനുവരി നാല്. കൂടുതല്‍ വിവരങ്ങള്‍   ംംം.മെഴമൃമവീുെശമേഹ.ീൃഴ  എന്ന വെബ്‌സൈറ്റില്‍ അറിയാം.

(പി.എന്‍.എ.3115/17)

സ്‌പെഷ്യലിസ്റ്റ് ഡോക്ടര്‍മാരുള്‍പ്പടെ മൂന്നുപേരെക്കൂടി നിയമിച്ച് പനമരം സാമൂഹ്യ ആരോഗ്യകേന്ദ്രത്തെ കൂടുതല്‍  മികച്ച നിലയിലേക്ക് ഉയര്‍ത്തുമെന്ന് ആരോഗ്യ വകുപ്പുമന്ത്രി കെ.കെ.ഷൈലജ ടീച്ചര്‍ പറഞ്ഞു. പനമരം ബ്ലോക്ക് പഞ്ചായത്ത്  പനമരം സാമൂഹ്യ ആരോഗ്യകേന്ദ്രത്തില്‍ ആരംഭിച്ച ഡയാലിസിസ് സെന്റര്‍ ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി.

ആലപ്പുഴ: ആലപ്പുഴ ജില്ല എംപ്ലോയ്‌മെന്റ് എക്‌സ്‌ചേഞ്ചിനു കീഴിലുള്ള എംപ്ലോയബിലിറ്റി സെന്ററില്‍ വെള്ളിയാഴ്ച   രാവിലെ 10 മണിക്കു സ്വകാര്യ മേഖലയിലെ വിവിധ ഒഴിവുകളിലേക്ക് ജോലി അഭിമുഖം നടക്കുന്നു. ബി. എസ്. സി  (ഐ ടി )എം. എസ്‌സി  (ഐ ടി ) ബി.ഇ (ഐടി) ബി.ഇ (കമ്പ്യൂട്ടര്‍) ബി.സി.എ, എം.സിഎ, യോഗ്യതയുള്ളവര്‍ക്ക്  അപേക്ഷിക്കാം.  നിയമനം മുംബൈയില്‍. ഫോണ്‍:0477 -2230624, 8078828780, 9061560069
(പി.എന്‍.എ.3114/17)

ആലപ്പുഴ: എസ്.എല്‍.ഐ/ജി.ഐ.എസ് പദ്ധതികളുടെ പ്രതിമാസ പ്രീമിയം അടവ് വിവരങ്ങള്‍  വിശ്വാസ സോഫ്റ്റ് വെയറില്‍  രേഖപ്പെടുത്തുതിന് ഡി.ഡി.ഒ. മാര്‍ക്ക് നിര്‍ദ്ദേശം നല്‍കിയിരുന്നു. മാവേലിക്കര, ചെങ്ങന്നൂര്‍ വിദ്യാഭ്യാസ ഉപജില്ലകളില്‍പ്പെട്ടവര്‍ക്ക് ഡിസംബര്‍ 29 രാവിലെ 10 മുതല്‍ ഉച്ചയ്ക്ക് 12.30 വരെയും, ഹരിപ്പാട്, കായംകുളം, തലവടി ഉപജില്ലകളില്‍പ്പെട്ടവര്‍ക്ക്  അന്നേദിവസം ഉച്ചയക്ക് രണ്ടു മുതല്‍ 4.30 വരെ മാവേലിക്കര പീറ്റ് മെമ്മോറിയല്‍ ട്രയിനിങ്  കോളജ് ഓഡിറ്റോറിയത്തിലുമാണ് പരിശീലനം. വിശദവിവരത്തിന് ഫോ: 0477 2264436, 9496004863, 9496004864, 9496268213.
(പി.എന്‍.എ.3113/17)

ആലപ്പുഴ:പുതുവത്സരത്തോടനുബന്ധിച്ച് ജില്ലയിലെ പ്രധാനപ്പെട്ട ടൂറിസം കേന്ദ്രങ്ങളില്‍ പരിശോധന നടത്തുന്നതിന് ഭക്ഷ്യ സുരക്ഷ വകുപ്പ് സ്‌പെഷ്യല്‍ സ്‌ക്വാഡിനെ നിയോഗിച്ചു.  ഡോ.ഗോപിക.എസ്.ലാല്‍ (9072627302), ഡോ. ചിത്ര മേരി തോമസ്(7593873336) ഡോ.ആദര്‍ശ് വിജയ്(7593873344) ജി.ശ്രീകുമാര്‍ ( 8943346538) രാഹുല്‍ രാജ് (7593873332) സുബിമോള്‍ (8943346584)  എന്നിവരുടെ നേതൃത്വത്തിലുള്ള  സ്വകാഡ് ജനുവരി മൂന്നു വരെ ത്വരിത പരിശോധന നടത്തും. പരാതികള്‍ ഫോണ്‍ മുഖേന അറിയിക്കാം.ഫോണ്‍: 0477-2253123.

(പി.എന്‍.എ.3112/17)

ആലപ്പുഴ: വണ്ടാനം ഗവമെന്റ് മെഡിക്കല്‍ കോളജ് ആശുപത്രിയിലേക്ക് ഒക്‌സിജന്‍ ഫ്‌ളോ മീറ്റര്‍- (50 എണ്ണം) വിതരണം ചെയ്യുതിനുള്ള ക്വട്ടേഷന്‍ ജനുവരി നാലിന് വൈകിട്ട് മൂന്നിനകം സൂപ്രണ്ട്, ഗവമെന്റ് റ്റി.ഡി. മെഡിക്കല്‍ കോളജ് ആശുപത്രി, വണ്ടാനം, ആലപ്പുഴ-5 എന്ന വിലാസത്തില്‍ നല്‍കണം.

(പി.എന്‍.എ.3111/17)

ആലപ്പുഴ: ഓഖി  ദുരിതാശ്വാസ നിധി സമാഹരണവുമായി ബന്ധപ്പെട്ട് 29ന്  ക്ഷീരവികസന വകുപ്പിന്റെ  ആഭിമുഖ്യത്തില്‍ വാടയ്ക്കല്‍ ക്ഷീരസംഘത്തില്‍ യോഗം ചേരും. രാവിലെ 10ന് ചേരു യോഗത്തില്‍ ജില്ലയിലെ ക്ഷീര സഹകരണ സംഘം പ്രസിഡന്റുമാര്‍, സെക്രട്ടറിമാര്‍, മേഖല യൂണിയന്‍ ഭരണസമിതി അംഗങ്ങള്‍, ഉദ്യോഗസ്ഥര്‍ എന്നിവര്‍ പങ്കെടുക്കും..

(പി.എന്‍.എ.3110/17)

ആലപ്പുഴ: ഓഖി ചുഴലിക്കൊടുങ്കാറ്റ് ജില്ലയിലുണ്ടാക്കിയ നാശനഷ്ടങ്ങള്‍ വിലയിരുത്തുന്നതിന് ഇന്റര്‍ മിനിസ്റ്റീരിയല്‍   കേന്ദ്രസംഘം ഇന്ന്  (ഡിസംബര്‍ 28)  ജില്ലയില്‍ പര്യടനം. നടത്തും.ജില്ല ഭരണകൂടത്തിന്റെ  നേതൃത്വത്തില്‍  രാവിലെ ഒമ്പതിന് അരൂരില്‍ കേന്ദ്ര  സംഘത്തെ സ്വീകരിക്കും.