അരീക്കോട് സുല്ലമുസ്സലാം ഓറിയന്റല്‍ ഹയര്‍ സെക്കന്ററി സ്‌കൂള്‍ എന്‍.എസ്.എസ് യൂണിറ്റിന്റെ സപ്തദിന ക്യാമ്പിനോടനുബന്ധിച്ച കിഴുപറമ്പ് പഞ്ചായത്തിലെ കുനിയില്‍ പ്രദേശത്ത് ജനകീയ മനുഷ്യച്ചങ്ങല തീര്‍ത്തു.

    വിദേശത്ത് തൊഴില്‍ തേടുന്നവര്‍ക്കായി നോര്‍ക്ക റൂട്ട്‌സ് നടത്തുന്ന തൊഴില്‍    വൈദഗ്ധ്യ പരിശീലനത്തിന് അപേക്ഷ ക്ഷണിക്കുന്നു.

ഓഖി ദുരന്തവുമായി ബന്ധപ്പെട്ട് ജില്ലയിലുണ്ടായ നാശ നഷ്ടങ്ങള്‍ പരിശോധിക്കാനും വിലയിരുത്താനും കേന്ദ്ര നിയോഗിച്ച് സംഘം 28 ന് ജില്ലയിലെത്തും. മൂന്ന് സംഘമായി സംസ്ഥാനത്തെ തീരപ്രദേശങ്ങള്‍ സന്ദര്‍ശിക്കുന്ന സംഘത്തിലെ രണ്ടാമത്തെ ടീമാണ് ജില്ലയിലെ തീരദേശ മേഖലകള്‍ സന്ദര്‍ശിക്കുന്നത്. കേന്ദ്ര ഊര്‍ജ്ജ മന്ത്രാലയത്തിന്റെ ഡയരക്ടര്‍ എം.എം.ദാക്‌ടെയുടെ നേത്യത്വത്തിലുള്ളതാണ് ജില്ലയിലെത്തുന്ന സംഘം. ക്യഷി മന്ത്രാലയത്തിന്റെ ഡയരക്ടര്‍ ആര്‍.പി.സിംഗ്, ഷിപ്പിംഗ് മന്ത്രാലയത്തിന്റ ഡയരക്ടര്‍ ചന്ദ്രമണി റാവത്ത് തുടങ്ങിയവരാണ് സംഘത്തിലുള്ള മറ്റ് രണ്ട് പേര്‍ .

ഏറനാട് താലൂക്ക് എടവണ്ണ വില്ലേജ് ബ്ലോക്ക് 73 റീ സര്‍വ്വെ 205/22ല്‍ 0.0020 ഹെക്ടര്‍, ബ്ലോക്ക് 73 റീസര്‍വ്വെ 205/23ല്‍ 0.0140 ഹെക്ടര്‍ സ്ഥലം ജനുവരി നാലിന് രാവിലെ 11ന് എടവണ്ണ വില്ലേജ് ഓഫീസ് പരിസരത്ത് ലേലം ചെയ്യും.

വനിതാ ശിശു വികസന വകുപ്പ്-സംയോജിത ബാല സംരക്ഷണ പദ്ധതി   ഏര്‍പ്പെടുത്തി നടത്തുന്ന ഉജ്ജ്വല ബാല്യം അവാര്‍ഡിന് അപേക്ഷ ക്ഷണിച്ചു. കല, കായികം, സാഹിത്യം, ശാസ്ത്രം, സാമുഹികം എന്നീ മേഖലകളില്‍ അസാധാരണ കഴിവ് പ്രകടിപ്പിക്കുന്ന അഞ്ചിനും 18നും ഇടയില്‍ പ്രായമുളള  കുട്ടികളില്‍ (ഭിന്നശേഷിക്കാരായ കുട്ടികള്‍ ഉള്‍പ്പെടെ) നിന്നും  അപേക്ഷ ക്ഷണിക്കുന്നു.