ജില്ലാ ഹോമിയോ ആശുപത്രിയിലെ സദ്ഗമയ പ്രോജക്റ്റിലേക്ക് സ്‌പെഷ്യല്‍ എഡ്യുക്കേഷന്‍ ടീച്ചര്‍ തസ്തികയിലേക്ക് 2018 മാര്‍ച്ച് 31 വരെ താല്‍ക്കാലിക നിയമനത്തിന് അപേക്ഷ ക്ഷണിച്ചു.  ശമ്പളം പ്രതിമാസം 24,650 രൂപ.  താല്‍പര്യമുള്ളവര്‍ ഡിസംബര്‍ 27ന് രാവിലെ 11ന് യോഗ്യത, ജനന തിയ്യതി എന്നിവ തെളിയിക്കുന്ന അസ്സല്‍ രേഖകളും പകര്‍പ്പും സഹിതം മലപ്പുറം സിവില്‍ സ്റ്റേഷനിലെ ജില്ലാ ഹോമിയോ മെഡിക്കല്‍ ഓഫീസര്‍ എത്തണം.

    2018 ഫെബ്രുവരി 28നകം ജില്ലയിലെ മുഴുവന്‍ ഗ്രാമ പഞ്ചായത്തുകളിലേയും വസ്തു നികുതി കുടിശ്ശിക പിരിച്ചെടുക്കാന്‍ ഗ്രാമ പഞ്ചായത്ത് സെക്രട്ടറിമാരെ ചുമതലപ്പെടുത്തി.  കുടിശ്ശിക വരുത്തുന്ന കെട്ടിട ഉടമകള്‍ക്കെതിരെ ജപ്തി, പ്രോസിക്യൂഷന്‍ നടപടികള്‍ സ്വീകരിക്കുമെന്നും പഞ്ചായത്ത് ഡെപ്യൂട്ടി ഡയറക്ടര്‍ അറിയിച്ചു.   

    ലോണ്‍ കുടിശ്ശിക ഈടാക്കുന്നതിനായി ഏറനാട് താലൂക്ക് എടവണ്ണ വില്ലേജിലെ ബ്ലോക്ക് 73ല്‍ റീ.സര്‍വെ 205/22ല്‍പ്പെട്ട 0.0020 ഹെക്ടര്‍ ഭൂമിയും ബ്ലോക്ക് 73ല്‍ റീ.സര്‍വെ 205/23ല്‍പ്പെട്ട 0.0140 ഹെക്ടര്‍ ഭൂമിയും 2018 ജനുവരി നാലിന് രാവിലെ 11ന് എടവണ്ണ വില്ലേജ് ഓഫീസ് പരിസരത്ത് ലേലം ചെയ്യും.

    അഴിമതി നിവാരണത്തിന്റെ ഭാഗമായി കലക്‌ട്രേറ്റില്‍ സ്ഥാപിച്ചിട്ടുള്ള പരാതിപ്പെട്ടി ജില്ലാതല അഴിമതി നിവാരണ സമിതി അംഗങ്ങളുടെ സാന്നിധ്യത്തില്‍ ജനുവരി ഒന്നിന് രാവിലെ 11ന് തുറക്കും.

    സപ്ലൈകോ നെല്ല് സംഭരണം 2017-18 വര്‍ഷം രണ്ടാം വിള രജിസ്‌ട്രേഷന്‍ ആരംഭിച്ചു.  കര്‍ഷകര്‍ക്ക് ഇന്റര്‍നെറ്റ് വഴി നേരിട്ട് ംംം.ൗെുുഹ്യരീുമററ്യ.ശി വെബ്‌സൈറ്റ് മുഖേന രജിസ്റ്റര്‍ ചെയ്യാം.  കൂടുതല്‍ വിവരങ്ങള്‍ക്ക് പാഡിമാര്‍ക്കറ്റിങ് ഓഫീസുമായി ബന്ധപ്പെടാം.  ഫോണ്‍ 9446089784, 9446538495

മലമ്പുഴ മൃഗസംരക്ഷണ പരിശീലന കേന്ദ്രത്തില്‍ ഡിസംബര്‍ 27 മുതല്‍ 29 വരെ പശു വളര്‍ത്തലില്‍ സൗജന്യ പരിശീലനം സംഘടിപ്പിക്കുന്നു. താല്‍പര്യമുളളവര്‍ നേരിട്ടോ ഫോണ്‍ മുഖേന പേര് രജിസ്റ്റര്‍ ചെയ്യേണ്ടതാണ്. പേര് രജിസ്റ്റര്‍  ചെയ്തവര്‍ ആധാര്‍ നമ്പറുമായി  27ന്  രാവിലെ 10 ന്പരിശീലന കേന്ദ്രത്തിലെത്തണം. ഫോണ്‍:   0491 - 2815454, 8281777080

    തിരൂര്‍ സീതി സാഹിബ് മെമ്മോറിയല്‍ പോളിടെക്‌നിക് കോളേജില്‍ സിവില്‍, മെക്കാനിക്കല്‍, ഇലക്ട്രിക്കല്‍ ആന്‍ഡ് ഇലക്‌ട്രോണിക്‌സ്, ഇലക്‌ട്രോണിക്‌സ് എന്നീ വിഭാഗങ്ങളില്‍ ഗസ്റ്റ് ലെക്ചറര്‍ നിയമനത്തിന് അപേക്ഷ ക്ഷണിച്ചു.  താത്പര്യമുള്ളവര്‍ ഡിസംബര്‍ 28ന് രാവിലെ 10 ന് അസ്സല്‍ സര്‍ട്ടിഫിക്കറ്റുകളും സാക്ഷ്യപ്പെടുത്തിയ പകര്‍പ്പും സ്വ അപേക്ഷയും സഹിതം കോളേജില്‍ എത്തണം.

സംസ്ഥാന ജൈവവൈവിധ്യ ബോര്‍ഡും വിദ്യാഭ്യാസവകുപ്പും സംയുക്തമായി ജില്ലാതലത്തില്‍  സ്‌കൂള്‍ വിദ്യാര്‍ത്ഥികള്‍ക്കായി പ്രോജക്ട് അവതരണം, വാട്ടര്‍ കളര്‍ പെയ്ന്റിംഗ്, ക്വിസ്സ് എന്നിവയില്‍  മത്സരങ്ങള്‍ നടത്തും. ജനുവരി ഏഴിന് മലപ്പുറം ജി.ജി.എച്ച്.എസ്.എ സിലായിരിക്കും മത്സരങ്ങള്‍ നടക്കുക.

ഓഖി ചുഴലിക്കാറ്റില്‍ ദുരിതമനുഭവിക്കുന്നവര്‍ക്കായി മുഖ്യമന്ത്രിയുടെ ദുരിതാശ്വാസ  നിധിയിലേക്ക് ജില്ലാ സഹകരണ ബാങ്കിന്റെ പൊതുനന്മ ഫണ്ടില്‍ നിന്ന് രണ്ട് ലക്ഷം രൂപ നല്‍കിയതായി ബാങ്ക് അഡ്മിനിസ്‌ട്രേറ്റര്‍ വി.മുഹമ്മദ് നൗഷാദ്, ജനറല്‍ മാനേജര്‍ പി.ഗോപകുമാര്‍ എന്നിവര്‍ അറിയിച്ചു.

സംസ്ഥാന ജൈവവൈവിധ്യ ബോര്‍ഡും വിദ്യാഭ്യാസവകുപ്പും സംയുക്തമായി ജില്ലാതലത്തില്‍  സ്‌കൂള്‍ വിദ്യാര്‍ത്ഥികള്‍ക്കായി പ്രോജക്ട് അവതരണം, വാട്ടര്‍ കളര്‍ പെയ്ന്റിംഗ്, ക്വിസ്സ് എന്നിവയില്‍  മത്സരങ്ങള്‍ നടത്തും. ജനുവരി ഏഴിന് മലപ്പുറം ജി.ജി.എച്ച്.എസ്.എ സിലായിരിക്കും മത്സരങ്ങള്‍ നടക്കുക.