കൊല്ലങ്കോട് ആറാട്ട് മഹോത്സവത്തിനോടും ദേശവിളക്കിനോടും അനുബന്ധിച്ച്  ജനുവരി രണ്ട്, മൂന്ന് തീയതികളില്‍ കൊല്ലങ്കോട് ഒന്ന്, രണ്ട് വില്ലേജ് പരിധിയില്‍ ജില്ലാ കലക്റ്റര്‍ മദ്യനിരോധനം ഏര്‍പ്പെടുത്തി. ഉത്സവം കുറ്റമറ്റ രീതിയില്‍ നടത്താനായി വില്ലേജ് പരിധികളില്‍ മദ്യമോ മറ്റ് ലഹരി വസ്തുക്കളോ ഉപയോഗിക്കാനോ വില്‍ക്കാനോ പാടില്ലെന് ജില്ലാ കലക്റ്റര്‍ ഡോ: പി.സുരേഷ് ബാബു അറിയിച്ചു. 

മലമ്പുഴയില്‍ ഡാമില്‍ നിന്ന് കിന്‍ഫ്രയ്ക്ക് ജലം : 

    മണ്ണാര്‍ക്കാട് താലൂക്കിലെ അട്ടപ്പാടി, ചെമ്മണ്ണൂര്‍ വില്ലേജ് ശ്രീ മല്ലീശ്വരന്‍ ക്ഷേത്രത്തില്‍ ട്രസ്റ്റിമാരെ ആവശ്യമുണ്ട്. അട്ടപ്പാടിയിലെ (1) ഒസത്തിയൂര്‍ (ഇരുളര്‍) (2) കൊല്ലംകടവ് (ഇരുളര്‍) (3) പൊട്ടിക്കല്ല് (മുഡുഗര്‍) (4) അബ്ബന്നൂര്‍ (മുഡുഗര്‍) എന്നീ ഊരുകളിലെ ഗോത്ര വര്‍ഗ്ഗ വിഭാഗങ്ങളില്‍ നിന്നുളളവരെ പരിഗണിക്കും. താത്പ്പര്യമുളളവര്‍ ഡിസംബര്‍ 30 ന് വൈകിട്ട് അഞ്ചിന് മുമ്പ് മലബാര്‍ ദേവസ്വം ബോര്‍ഡ് പാലക്കാട് അസിസ്റ്റന്‍റ് കമ്മീഷണര്‍ക്ക് നിശ്ചിത ഫോറത്തില്‍ അപേക്ഷ സമര്‍പ്പിക്കണം.  അപേക്ഷ ഫോറം പാലക്കാട് അസിസ്റ്റന്‍റ് കമ്മീഷണര്‍ ഓഫീസിലും പെരിന്തല്‍മണ്ണ ഇന്‍സ്പെക്ടര്‍ ഓഫീസിലും ലഭിക്കും.

    മൃഗസംരക്ഷണ വകുപ്പിന്‍റെ ആഭിമുഖ്യത്തില്‍ മൃഗസംരക്ഷണ പരിശീലന കേന്ദ്രത്തില്‍ ഡിസംബര്‍ 27 മുതല്‍ 29 തിയതി വരെ പശു വളര്‍ത്തലില്‍ ത്രിദിന സൗജന്യ പരിശീലനം നടത്തുന്നു. താല്‍പ്പര്യമുളളവര്‍ നേരിട്ടോ 0491-2815454, 8281777080 നമ്പറുകളിലോ രജിസ്റ്റര്‍ ചെയ്യണം. രജിസ്റ്റര്‍ ചെയ്തവര്‍ ആധാര്‍ നമ്പറുമായി 27 ന് രാവിലെ 10 ന് മുമ്പ് മലമ്പുഴ മൃഗസംരക്ഷണ പരിശീലന കേന്ദ്രത്തില്‍ എത്തണം.

മഹാകവി മൊയിന്‍കുട്ടി വൈദ്യരുടെ ചരമ വാര്‍ഷികത്തില്‍ സംഘടിപ്പിക്കുന്ന വൈദ്യര്‍ മഹോത്സവത്തിന് തിരുവനന്തപുരം മാനവീയം വീഥിയില്‍ തുടക്കമായി. മുന്‍ സാംസ്‌ക്കാരിക വകുപ്പു മന്ത്രി എം.എ. ബേബി ഉദ്ഘാടനം നിര്‍വ്വഹിച്ചു. മാനവീയം ഇശലിമ്പം എന്ന പേരില്‍ കോട്ടയം ജില്ലയിലെ ഈരാറ്റുപേട്ടയില്‍ 25 നും എറണാകുളം പെരുമ്പാവൂരില്‍ 26 നും പരിപാടികള്‍ അവതരിപ്പിച്ച്  27 ന് കൊണ്ടോട്ടിയിലെത്തും. വൈദ്യര്‍ മാപ്പിള കലാ അക്കാദമി ചെയര്‍മാന്‍ ടി.കെ ഹംസ ഉദ്ഘാടന ചടങ്ങില്‍ അധ്യക്ഷനായിരുന്നു. ബഹുസ്വരതയുടെ നാനാര്‍ത്ഥങ്ങള്‍ എന്ന വിഷയത്തില്‍ എം.എ. ബേബി പ്രഭാഷണം നടത്തി.

കൊച്ചി: തീരപരിപാലന നിയമവുമായി ബന്ധപ്പെട്ട് തദ്ദേശ സ്ഥാപനങ്ങളില്‍ തീരുമാനമാകാത്ത കെട്ടിട നിര്‍മാണ അപേക്ഷകള്‍ക്കായി പ്രത്യേക അദാലത്ത് സംഘടിപ്പിക്കുമെന്ന് തദ്ദേശ സ്വയംഭരണ വകുപ്പ് മന്ത്രി കെ.ടി. ജലീല്‍ അറിയിച്ചു. 2008ന് മുമ്പ് നികത്തിയതും ഡാറ്റാബാങ്കില്‍ ഉള്‍പ്പെടാത്തതുമായ സ്ഥലത്ത് സര്‍ക്കാരിന്റെ സഹായത്തോടെയുള്ള പദ്ധതികള്‍ വഴി ഭവന നിര്‍മാണം നടത്തുന്നതിന് തദ്ദേശ സ്ഥാപന സെക്രട്ടറിമാരുടെ അനുമതി മതി. താല്‍ക്കാലിക നമ്പര്‍ ലഭിച്ച വീടുകള്‍ക്ക് ഗ്യാസ്, വൈദ്യുതി കണക്ഷനുകള്‍ ലഭിക്കുന്നതിനുള്ള തടസം നീക്കുമെന്നും മന്ത്രി വ്യക്തമാക്കി.