ജില്ലാ വികസന സമിതി യോഗം ഇന്ന് (ഡിസംബര്‍ 30) രാവിലെ 11 ന് കലക്‌ട്രേറ്റ് കോണ്‍ഫ്രന്‍സ് ഹാളില്‍ നടക്കും.

                    
പെരിന്തല്‍മണ്ണ ഗവ. പോളിടെക്‌നിക് കോളേജില്‍ അപ്രന്റീസ് ട്രെയിനികളെ നിയമിക്കും. താല്‍പര്യമുളള പരിസര പ്രദേശവാസികളായ എഞ്ചിനീയറിംഗ് ഡിപ്‌ളോമ / ഡിഗ്രി യോഗ്യതയുളളവര്‍ അസ്സല്‍ സര്‍ട്ടിഫിക്കറ്റുകള്‍ സഹിതം ജനുവരി 15 നകം പ്രിന്‍സിപ്പാള്‍ മുമ്പാകെ ഹാജരാകണം. ഡിപ്‌ളോമ യോഗ്യതയുളളവര്‍ക്ക് 3542രൂപയും ഡിഗ്രി  യോഗ്യതയുളളവര്‍ക്ക് 4984 രൂപയും പ്രതിമാസം സ്‌റ്റൈപ്പന്റ് ലഭിക്കും.

മഞ്ചേരി 66 കെ.വി.സബ്‌സ്റ്റേഷനില്‍ പണി നടക്കുന്നതിനാല്‍ ജനുവരി ഒന്ന് രാവിലെ ഏഴു മുതല്‍ വൈകിട്ട് ഏഴു വരെ  66 കെ.വി. മഞ്ചേരി, 66 കെ.വി നിലമ്പൂര്‍ , 66 കെ.വി എടക്കര  33  കെ.വി പൂക്കോട്ടുംപാടം എന്നീ സബ്‌സ്റ്റേഷനുകളില്‍ നിന്നുള്ള വൈദ്യുതി വിതരണം തടസ്സപ്പെടും.

    റിപ്പബ്ലിക് ദിനാഘോഷം വിപുലമായി ആഘോഷിക്കുന്നതിനെ കുറിച്ച് ചര്‍ച്ച ചെയ്യുന്നതിന് ജനുവരി നാലിന് രാവിലെ 11.30ന് കലക്റ്ററുടെ ചേമ്പറില്‍ യോഗം ചേരും.

പുതുവര്‍ഷ ദിനമായ ജനുവരി ഒന്നിന് നെഹ്‌റു യുവ കേന്ദ്രയില്‍ അഫിലിയേറ്റ് ചെയ്ത യൂത്ത് ക്ലബ്ബുകളുടെ നേതൃത്വത്തില്‍ ജില്ലയിലെ വിവിധ കേന്ദ്രങ്ങളില്‍ ശുചീകരണ ശ്രമദാന പരിപാടികള്‍ നടത്തും. ജില്ലാ യുവജന കാര്യ ഉപദേശക സമിതി യോഗത്തില്‍ ജില്ലാ കളക്ടര്‍ മുന്നോട്ടു വെച്ച നിര്‍ദ്ദേശ പ്രകാരമാണ് പുതു വര്‍ഷത്തെ വരവേറ്റുകൊണ്ട് ക്ലബുകള്‍ ശുചീകരണം നടത്തുന്നത്.