തിരുവനന്തപുരം കോളേജ് ഓഫ് എഞ്ചിനീയറിംഗ് സെന്റര്‍ ഫോര്‍ കണ്ടിന്യൂയിംഗ് എഡ്യൂക്കേഷന്‍ വിഭാഗത്തിലേക്ക് അക്കൗണ്ടന്റ് തസ്തികയില്‍ ഒരു വര്‍ഷത്തെ കരാര്‍ അടിസ്ഥാനത്തില്‍ 25000 രൂപ പ്രതിമാസ ശമ്പള നിരക്കില്‍ അപേക്ഷ ക്ഷണിച്ചു. ബി.കോം., ടാലിയില്‍ പ്രവൃത്തി പരിചയവും സര്‍ട്ടിഫിക്കറ്റും, അംഗീകൃത സ്ഥപനത്തില്‍ നിന്നും അക്കൗണ്ടിംഗ് സംബന്ധമായുള്ള അഞ്ചു വര്‍ഷത്തെയെങ്കിലും പ്രവൃത്തി പരിചയം എന്നിവ ഉണ്ടാവണം. അപേക്ഷ ജനുവരി 8 നകം ലഭിക്കണം. പ്രായം 60 വയസില്‍ താഴെയായിരിക്കണം.

സംസ്ഥാനത്ത് പ്രവര്‍ത്തിക്കുന്ന എല്ലാ ശിശു സംരക്ഷണ സ്ഥാപനങ്ങളും 2015 ലെ ജുവനൈല്‍ ജസ്റ്റിസ് (കെയര്‍ ആന്റ് പ്രൊട്ടക്ഷന്‍ ഓഫ് ചില്‍ഡ്രന്‍) ആക്ട് പ്രകാരം രജിസ്റ്റര്‍ ചെയ്യാനുള്ള അവസാനതീയതി ഡിസംബര്‍ 31 വരെ നീട്ടി.  രജിസ്റ്റര്‍ ചെയ്യാനുള്ള  സ്ഥാപനങ്ങള്‍ ഈ അവസരം ഉപയോഗിക്കണമെന്ന്  സാമൂഹ്യനീതി വകുപ്പ് സ്‌പെഷ്യല്‍ സെക്രട്ടറി അറിയിച്ചു.

പി.എന്‍.എക്‌സ്.5473/17

ക്രിസ്മസ്, പുതുവത്‌സര ആഘോഷത്തോടനുബന്ധിച്ച് മത്‌സ്യഫെഡ് ഒരുക്കുന്ന മത്‌സ്യവിഭവങ്ങളുടെ പ്രത്യേക വില്‍പനയ്ക്ക് തുടക്കമായി. ഫിഷറീസ് മന്ത്രി ജെ. മെഴ്‌സിക്കുട്ടിഅമ്മ ആദ്യ വില്‍പന നിര്‍വഹിച്ചു. അമൃതവര്‍ഷിണി ചെയര്‍പേഴ്‌സണ്‍ ലതാനായര്‍ കിറ്റ് ഏറ്റുവാങ്ങി. 

    ക്രിസ്തുമസും പുതുവത്സരവുമായി ബന്ധപ്പെട്ട് സംസ്ഥാനത്തുടനീളം ബേക്കറികളുള്‍പ്പെടെയുള്ള സ്ഥാപനങ്ങളില്‍ നടത്തിയ പരിശോധനയില്‍ 34 ലക്ഷം രൂപ പിഴ ഈടാക്കിയതായി ഭക്ഷ്യസുരക്ഷ കമ്മിഷണര്‍ അറിയിച്ചു.  ഡിസംബര്‍ ആറ് മുതല്‍ 21 വരെയാണ് പരിശോധന നടത്തിയത്. 
    തിരുവനന്തപുരം ജില്ലയില്‍ 89 സ്ഥാപനങ്ങളില്‍ നടത്തിയ പരിശോധനയില്‍ ഒരു ലക്ഷത്തി പതിനാറായിരം രൂപ പിഴ ഈടാക്കുകയും 26 സ്ഥാപനങ്ങള്‍ക്ക് നോട്ടീസ് നല്‍കിയതായും കമ്മിഷണര്‍ അറിയിച്ചു. 
 

കൊച്ചി: പട്ടികവര്‍ഗ വിഭാഗത്തില്‍പ്പെട്ട ആളുകള്‍ക്കെതിരെയുളള അതിക്രമങ്ങള്‍ തടയുന്നതിന്റെ ഭാഗമായി വീട്ടുജോലി, ഡ്രൈവര്‍, ഗാര്‍ഡ്, ഹെല്‍പ്പര്‍, ഗാര്‍ഡനര്‍, അറ്റന്‍ഡര്‍ തുടങ്ങിയ തസ്തികകളില്‍ പട്ടികവര്‍ഗവിഭാഗത്തില്‍പ്പെട്ട ആളുകളെക്കൊണ്ട് തൊഴില്‍ ചെയ്യിക്കുന്ന എല്ലാ തൊഴിലുടമകളും തൊഴിലാളികളുടെ ശമ്പളവും മറ്റ് ആനുകൂല്യങ്ങളും സംബന്ധിച്ച വിവരങ്ങള്‍ നല്‍കി ബന്ധപ്പെട്ട അസിസ്റ്റന്റ് ലേബര്‍ ഓഫീസുകളില്‍ നിര്‍ബന്ധമായും രജിസ്റ്റര്‍ ചെയ്യണം.

കൊച്ചി: കുളമ്പുരോഗ പ്രതിരോധ കുത്തിവെയ്പ്പ് പദ്ധതിക്കു വേണ്ടി ജില്ലയിലെ വിവിധ കേന്ദ്രങ്ങളില്‍ ഡിസംബര്‍ 28 മുതല്‍ 21 പ്രവൃത്തി ദിവസങ്ങളില്‍ അറ്റന്‍ഡറായി ദിവസവേതന അടിസ്ഥാനത്തില്‍ ജോലി ചെയ്യുവാന്‍, ശാരീരികക്ഷമതയും, മൃഗസംരക്ഷണ മേഖലയില്‍ മുന്‍പരിചയവുമുളള ആളുകളില്‍ നിന്നും അപേക്ഷ ക്ഷണിച്ചു. താത്പര്യമുളളവര്‍ ഡിസംബര്‍ 27-ന് രാവിലെ 10.30 ന് എറണാകുളം എ.ഡി.സി.പി ഓഫീസില്‍ വാക്-ഇന്‍-ഇന്റര്‍വ്യൂവിന് ആധാര്‍ കാര്‍ഡിന്റെ പകര്‍പ്പുമായി നേരിട്ട് ഹാജരാകണമെന്ന് ജില്ലാ മൃഗസംരക്ഷണഓഫീസര്‍ പറഞ്ഞു.