കേരള സംസ്ഥാന ജൈവ വൈവിധ്യ ബോര്‍ഡിന്‍റെ കീഴില്‍ നെന്മാറ ഗ്രാമ പഞ്ചായത്ത,് ജൈവ വൈവിധ്യ റജിസ്റ്റര്‍ നിര്‍മാണം പൂര്‍ത്തിയാക്കി. ജില്ലാ കോ- ഓര്‍ഡിനേറ്റര്‍ ഡോ. ഉമ. ജെ വിനോദ്  രജിസ്റ്ററിന്‍റെ പ്രകാശനം നിര്‍വ്വഹിച്ചു.   പഞ്ചായത്ത് പ്രസിഡന്‍റ് പ്രേമന്‍ പരിപാടിയുടെ  ഉദ്ഘാടനം നിര്‍വ്വഹിച്ചു.  ഗ്രാമ പഞ്ചായത്ത് വൈസ് പ്രസിഡണ്ട് പുഷ്പലത അധ്യക്ഷയായി.

    മലമ്പുഴ ഗവ.ഐ.ടി.ഐ യില്‍ ഇന്‍സ്ട്രുമെന്‍റ് മെക്കാനിക്ക് ട്രേഡില്‍ ഗസ്റ്റ് ഇന്‍സ്ട്രക്ടറെ ഒഴിവിലേക്ക് ഡിസംബര്‍ 22-ന് രാവിലെ 11 ന് കൂടിക്കാഴ്ച നടക്കും. ബന്ധപ്പെട്ട ട്രേഡില്‍ എന്‍.ടി.സി യും മൂന്ന് വര്‍ഷത്തെ പ്രവൃത്തി പരിചയവും അല്ലെങ്കില്‍ എന്‍.എ.സി യും ഒരു വര്‍ഷത്തെ പ്രവൃത്തി പരിചയവും അല്ലെങ്കില്‍ ബന്ധപ്പെട്ട ബ്രാഞ്ചില്‍ മൂന്നു വര്‍ഷ ഡിപ്ലോമയോ, ഡിഗ്രിയോ ആണ് യോഗ്യത. താല്‍പ്പര്യമുളളവര്‍ അസ്സല്‍ സര്‍ട്ടിഫിക്കറ്റുകള്‍ സഹിതം ഹാജരാകണം.

    
    പാലക്കാട് താലൂക്ക് വികസന സമിതി യോഗം ജനുവരി ആറിന് രാവിലെ 10.30 ന് താലൂക്ക് സമ്മേളന ഹാളില്‍ ചേരും. യോഗത്തില്‍ ബന്ധപ്പെട്ട ജനപ്രതിനിധികളും ഉദ്യോഗസ്ഥരും പങ്കെടുക്കും.