ചെന്നീര്‍ക്കര ഗ്രാമപഞ്ചായത്തില്‍ 660 ചതുരശ്ര അടിയില്‍ താഴെയുള്ള സ്വന്തം താമസത്തിന് ഉപയോഗിക്കുന്ന വാസഗൃഹങ്ങളെ വസ്തു നികുതിയില്‍ നിന്ന് ഒഴിവാക്കും. ഇതിനായി ഈ മാസം 27ന് മുമ്പ് അനുബന്ധം 2 ഫോറം പൂരിപ്പിച്ച് പഞ്ചാത്ത് ഓഫീസില്‍ നല്‍കണം. 

വസ്തു നികുതി കുടിശിക നോട്ടീസ് ലഭിച്ചവര്‍ ഈ മാസം 31ന് മുമ്പ് കുടിശിക അടച്ച് റവന്യു റിക്കവറി നടപടികള്‍ ഒഴിവാക്കണമെന്ന് സെക്രട്ടറി അറിയിച്ചു. 

        (പിഎന്‍പി 3449/17)

മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയില്‍ ഉള്‍പ്പെടുത്തി വള്ളിക്കോട് ഗ്രാമപഞ്ചായത്തിലെ എല്ലാ വാര്‍ഡുകളിലും ഫലവൃക്ഷതൈ ഉത്പാദിപിച്ച് വിതരണം ചെയ്യും. ഇതിനായി ഏറ്റെടുത്ത നഴ്‌സറി എട്ടാം വാര്‍ഡില്‍ പഞ്ചായത്ത് പ്രസിഡന്റ് ലിസിമോള്‍ ഉദ്ഘാടനം ചെയ്തു. വാര്‍ഡംഗം ലിസി ജോണ്‍സണ്‍ അധ്യക്ഷത വഹിച്ച ചടങ്ങില്‍ സ്റ്റാന്‍ഡിംഗ് കമ്മിറ്റി അധ്യക്ഷരായ നിര്‍മല സാം, വി.ഷൈജു, അംഗങ്ങളായ എം.പി.ജോസ്,  കെ.കെ.മനോഹരന്‍, ലേഖ ജയകുമാര്‍, ജെയ്‌സി കോശി, കോന്നി ബിഡിഒ അനുമാത്യു, പഞ്ചായത്ത് സെക്രട്ടറി നന്ദകുമാര്‍ എന്നിവര്‍ പങ്കെടുത്തു. 

ആം ആദ്മി ബീമായോജന : ആനുകൂല്യങ്ങള്‍ വര്‍ധിപ്പിച്ചു

കേന്ദ്ര സംസ്ഥാന സര്‍ക്കാരുകള്‍ എല്‍.ഐ.സിയുമായിസഹകരിച്ച് നടപ്പിലാക്കിവരുന്ന ആംആദ്മി ബീമായോജന (ആബി) അംഗങ്ങള്‍ക്കുളള ആനുകൂല്യംവര്‍ധിപ്പിച്ചു. 

വടശേരിക്കര ഗ്രാമപഞ്ചായത്തില്‍ കെട്ടിട നികുതി പിഴപലിശ കൂടാതെ ഫെബ്രുവരി 28 വരെ ഒടുക്കാം. പൊതുജനങ്ങളുടെ സൗകര്യാര്‍ഥം നികുതികള്‍ സ്വീകരിക്കുന്നതിന് പഞ്ചായത്തിലെ വിവിധ സ്ഥലങ്ങളില്‍ ക്യാമ്പ് പ്രവര്‍ത്തിക്കും. ക്യാമ്പ്, വാര്‍ഡ്, തീയതി എന്നിവ ചുവടെ.

 മുഖ്യമന്ത്രിയുടെ ഓഖി ദുരിതാശ്വാസ നിധിയിലേക്ക് കേരള സ്റ്റേറ്റ് കശു വണ്ടി വികസന കോര്‍പ്പറേഷന്‍ 4,00,000 രൂപ നല്‍കി. പ്രതിപക്ഷ നേതാവ് രമേശ് ചെന്നിത്തലയും സ്റ്റാഫ് അംഗങ്ങളും 1,00,001 രൂപയും മത്സ്യബന്ധന വകുപ്പ് മന്ത്രിയുടെ പേഴ്‌സണല്‍ സ്റ്റാഫ് അംഗങ്ങള്‍ 1,17,000 രൂപയും ദുരിതാശ്വാസ നിധിയിലേക്ക് നല്‍കി. കൊല്ലം സിറ്റിയിലെ പോലീസ് ഉദ്യോഗസ്ഥരുടെയും ജീവനക്കാരുടെയും ചാരിറ്റി സംഘടനയായ സാന്ദ്രം 1,39,500 രൂപയും ഫെഡറേഷന്‍ ഓഫ് കാഷ്യൂ പ്രൊസസ്സേഴ്‌സ് ആന്റ് എക്‌സ്‌പോര്‍ട്ട്‌സ് 50,000 രൂപയും ഹരിതകേരളം മിഷനിലെ ജീവനക്കാര്‍ 1,57,000 രൂപയും ദുരിതാശ്വാസ നിധിയിലേക്ക് സംഭാവന നല്‍കി. 

വൊക്കേഷണല്‍ ഹയര്‍ സെക്കണ്ടറി 2018 മാര്‍ച്ചില്‍ നടത്തുന്ന ഒന്നും രണ്ടും വര്‍ഷ പൊതുപരീക്ഷയുടെ ഫീസടയ്ക്കുന്നതിനുള്ള സമയം ദീര്‍ഘിപ്പിച്ചു. പരീക്ഷാ ഫീസ് ഫൈന്‍ ഇല്ലാതെ ജനുവരി അഞ്ചുവരെയും 20 രൂപ ഫൈന്‍ സഹിതം 11 വരെയും അടയ്ക്കാം. കൂടാതെ 600 രൂപ സൂപ്പര്‍ ഫൈനോടുകൂടിയുള്ള അവസാന തീയതി ജനുവരി 18. അപേക്ഷാ ഫോറവും പരീക്ഷയെ സംബന്ധിച്ച വിവരങ്ങളും പരീക്ഷാ കേന്ദ്രങ്ങളില്‍ ലഭിക്കും.

പി.എന്‍.എക്‌സ്.5470/17

ഓഖി ദുരിതബാധിത പ്രദേശങ്ങളിലെ ആശുപത്രികളുടെ സ്ഥിതി മെച്ചപ്പെടുത്തുമെന്ന് ആരോഗ്യ മന്ത്രി കെ. കെ. ശൈലജ ടീച്ചര്‍ പറഞ്ഞു. ഓഖി ദുരന്ത പാക്കേജില്‍ കേന്ദ്രത്തില്‍ നിന്ന് ആരോഗ്യ മേഖലയ്ക്കായി 120 കോടി രൂപയുടെ പാക്കേജ്  ആവശ്യപ്പെട്ടിട്ടുണ്ട്. ഇത് ലഭിക്കുകയാണെങ്കില്‍ തീരമേഖലയിലെ മുഴുവന്‍ ആശുപത്രികളുടെയും സ്ഥിതി മെച്ചപ്പെടുത്തും. ഈ തുക ലഭിച്ചില്ലെങ്കില്‍ ഘട്ടം ഘട്ടമായി ആശുപത്രികള്‍ നവീകരിക്കുമെന്ന് മന്ത്രി പറഞ്ഞു.  

പി.എന്‍.എക്‌സ്.5469/17