2018 ജനുവരിയില്‍ നടക്കുന്ന ഒന്ന്, രണ്ട്, മൂന്ന്, നാല് സെമസ്റ്റര്‍ സപ്ലിമെന്‍ററി അഖിലേന്ത്യാ ട്രേഡ് ടെസ്റ്റിന് 2013, 2014, 2015,2016 ആഗസ്റ്റില്‍ അഡ്മിഷനായ ട്രെയിനികള്‍ക്ക് അപേക്ഷിക്കാം. അപേക്ഷാ ഫീസായ 150 രൂപ 0230-ലേബര്‍ ആന്‍ഡ് എംപ്ലോയ്മെന്‍റ്-00-800-അദര്‍ റസീപ്റ്റ്സ്-88-അദര്‍ ഐറ്റംസ് എന്ന ശീര്‍ഷകത്തില്‍ ഒടുക്കി ഡിസംബര്‍ നാലിനകം അപേക്ഷിക്കണം. 50 രൂപ ഫൈനോടു കൂടി ഡിസംബര്‍ എട്ട് വരെ അപേക്ഷ സമര്‍പ്പിക്കാം. കൂടുതല്‍ വിവരം ചെന്നീര്‍ക്കര ഗവണ്‍മെന്‍റ് ഐടിഐയില്‍ ലഭിക്കും. ഫോണ്‍: 0468 2258710.                                           (പിഎന്‍പി 3185/17)

പൗരാവകാശ സംരക്ഷണം ഉറപ്പാക്കാന്‍ നിതാന്ത ജാഗ്രതയോടെ പ്രവര്‍ത്തിക്കുന്ന യുവ തലമുറയെ വളര്‍ത്തിയെടുക്കലാണ് സ്വാമി വിവേകാനന്ദന് ആദരം അര്‍പ്പിക്കാനുള്ള ഉചിത മാര്‍ഗ്ഗമെന്ന് മുഖ്യമന്ത്രി പിണറായി വിജയന്‍ പറഞ്ഞു.  സ്വാമി വിവേകാനന്ദന്‍ കേരളം സന്ദര്‍ശിച്ചതിന്റെ 125-ാം വാര്‍ഷികാഘോഷങ്ങളുടെ സംസ്ഥാനതല ഉദ്ഘാടനം നിര്‍വ്വഹിച്ചു സംസാരിക്കുകയായിരുന്നു അദ്ദേഹം.  

ന്യൂഡല്‍ഹി : കേരള പവിലിയനിലെ മികച്ച തീം സ്റ്റാളിനുള്ള പുരസ്‌കാരം കേരള പൊലീസിന്. വാണിജ്യ വിഭാഗത്തില്‍ കുടുംബശ്രീ ഒന്നാം സ്ഥാനം നേടി. കൊച്ചി കിന്‍ഫ്ര ഹൈ-ടെക് പാര്‍ക്കിലെ അഗ്രിമ ഇന്‍ഫോടെക്കിനെ മികച്ച സ്റ്റാര്‍ട്ട്അപ്പായി തെരഞ്ഞെടുത്തു. വിജയികള്‍ക്ക് ഇന്‍ഫര്‍മേഷന്‍ - പബ്ലിക് റിലേഷന്‍സ് വകുപ്പ് അഡീഷണല്‍ ഡയറക്ടര്‍ പി. വിനോദ് പുരസ്‌കാരങ്ങള്‍ വിതരണം ചെയ്തു.

സ്റ്റാര്‍ട്ട്അപ്പ് ഇന്ത്യ - സ്റ്റാന്‍ഡ്അപ്പ് ഇന്ത്യ എന്ന ആശയത്തില്‍ മികച്ച സ്റ്റാള്‍ ഒരുക്കിയതിനാണു കേരള പൊലീസിനു പുരസ്‌കാരം ലഭിച്ചത്. വ്യവസായ വകുപ്പിനാണ് മികച്ച തീം എക്‌സിബിറ്റര്‍ക്കുള്ള രണ്ടാമത്തെ പുരസ്‌കാരം. 

ന്യൂഡല്‍ഹി : പ്രഗതിമൈതാനിയില്‍ നടന്ന 37-ാമതു ഭാരത അന്താരാഷ്ട്ര വ്യാപാരമേളയില്‍ വെള്ളിത്തിളക്കവുമായി കേരളം. സംസ്ഥാന സര്‍ക്കാരുകളുടെ പവിലിയന്‍ വിഭാഗത്തില്‍ മികച്ച രണ്ടാമത്തെ പവിലിയനുള്ള വെള്ളി മെഡല്‍ കേരളത്തിനു ലഭിച്ചു. കേന്ദ്ര വാണിജ്യ വ്യവസായ വകുപ്പ് സഹമന്ത്രി സി.ആര്‍. ചൗധരിയില്‍നിന്ന് ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ് അഡീഷണല്‍ ഡയറക്ടര്‍ പി. വിനോദ് പുരസ്‌കാരം ഏറ്റുവാങ്ങി. അസമിനാണു മികച്ച പവിലിയനുള്ള സ്വര്‍ണ മെഡല്‍.

തിരുവനന്തപുരം പരീക്ഷാ ഭവനില്‍ ഡിസംബര്‍ ഒന്ന്, രണ്ട് തീയതികളില്‍ നടക്കുന്ന രാഷ്ട്രീയ ഇന്ത്യന്‍ മിലിട്ടറി കോളേജ് (ആര്‍.ഐ.എം.സി) പ്രവേശന പരീക്ഷാ തീയതികളില്‍ മാറ്റം ഉണ്ടാവില്ലെന്ന് പരീക്ഷാ സെക്രട്ടറി അറിയിച്ചു.

പി.എന്‍.എക്‌സ്.5053/17

സര്‍ക്കാര്‍/സ്വാശ്രയ കോളേജുകളിലെ പ്രൊഫഷണല്‍ ഡിപ്ലോമ ഇന്‍ ഫാര്‍മസി, ഹെല്‍ത്ത് ഇന്‍സ്‌പെക്ടര്‍ മറ്റു പാരാമെഡിക്കല്‍ കോഴ്‌സുകളില്‍ ഒഴിവുളള സീറ്റുകളിലേക്ക് പ്രവേശനത്തിന് എല്‍.ബി.എസ് സെന്റര്‍ ജില്ലാ ഫെസിലിറ്റേഷന്‍ സെന്ററുകളില്‍ നവംബര്‍ 30ന് രാവിലെ 10 മണിക്ക് സ്‌പോട്ട് അലോട്ട്‌മെന്റ് നടത്തും.  മുന്‍ അലോട്ട്‌മെന്റുകളില്‍ പാരാമെഡിക്കല്‍ കോഴ്‌സുകള്‍ക്ക് പ്രവേശനം ലഭിച്ച അപേക്ഷകരെ ഇതില്‍ പരിഗണിക്കില്ല.

അലോട്ട്‌മെന്റ് ലഭിക്കുന്നവര്‍ അന്നുതന്നെ നിര്‍ദ്ദിഷ്ട ഫീസ് അടയ്ക്കണം.  അലോട്ട്‌മെന്റ് ലഭിച്ചവര്‍ അതത് കോളേജുകളില്‍ ഡിസംബര്‍ ഒന്നിന് വൈകുന്നേരം അഞ്ച് മണിയ്ക്കകം പ്രവേശനം നേടണം.

സംസ്ഥാന വൈദ്യുതി റെഗുലേറ്ററി കമ്മീഷന്‍ 2017 ജൂണ്‍ 20ല്‍ പുറപ്പെടുവിച്ച സംസ്ഥാന വൈദ്യുതി ബോര്‍ഡിന്റെ 2013 -14 ട്രൂയിംഗ് അപ്പ് ഉത്തരവില്‍ കെ.എസ്.ഇ.ബി ലിമിറ്റഡ് സമര്‍പ്പിച്ച റിവ്യൂ പെറ്റിഷനിന്‍ മേല്‍ 29ന് നടത്താനിരുന്ന പബ്ലിക് ഹിയറിംഗ് ഡിസംബര്‍ 12 ലേക്ക് മാറ്റിയതായി സെക്രട്ടറി അറിയിച്ചു.  രാവിലെ 11ന് കമ്മീഷന്‍ ഓഫീസിലാണ് ഹിയറിംഗ്.  പെറ്റിഷന്‍ കമ്മീഷന്റെ വെബ്‌സൈറ്റില്‍ (www.erckerala.org) ലഭ്യമാണ്.  പബ്ലിക് ഹിയറിംഗില്‍ പൊതുജനങ്ങള്‍ക്കും താത്പര്യമുളളവര്‍ക്കും പങ്കെടുക്കാം.

പി.എന്‍.എക്‌സ്.5051/17

കേരള സര്‍ക്കാരിന്റെ കീഴിലുള്ള തിരുവനന്തപുരത്തെ കേരള സംസ്ഥാന ഇന്‍ഷ്വറന്‍സ് വകുപ്പില്‍ ഡയറക്ടര്‍ തസ്തികയിലേയ്ക്ക് ഡെപ്യൂട്ടേഷന്‍ വ്യവസ്ഥയില്‍ നിയമിക്കുന്നതിന് പൊതുമേഖല ഇന്‍ഷുറന്‍സ് കമ്പനികളിലെ സീനിയര്‍ ഡിവിഷണല്‍ മാനേജര്‍ റാങ്കിലോ/ഉയര്‍ന്ന റാങ്കിലോ ജോലി ചെയ്യുന്നവരില്‍ നിന്നും അപേക്ഷ ക്ഷണിച്ചു. വിശദവിവരങ്ങളും അപേക്ഷാഫോമിന്റെ മാതൃകയും www.finance.kerala.gov.in ല്‍ ലഭിക്കും.

പി.എന്‍.എക്‌സ്.5050/17