ഉദുമ നിയോജക മണ്ഡലത്തില്‍ എംഎല്‍എ കെ കുഞ്ഞിരാമന്റെ പ്രത്യേക ആസ്തിവികസന നിധിയില്‍ നിന്ന്  മണ്ഡലത്തിലെ 75 സ്‌കൂളുകള്‍ക്ക്  180 കമ്പ്യൂട്ടറുകളും  യുപിഎസും വാങ്ങുന്നതിന് 48,65,400 രൂപ  അനുവദിച്ചു.

കാസര്‍കോട് ജില്ലയില്‍ എം.പി.മാരുടെ പ്രാദേശിക വികസന പദ്ധതിയില്‍ നടപ്പിലാക്കി വരുന്ന പദ്ധതികളുടെ  പ്രവര്‍ത്തന പുരോഗതി  പി. കരുണാകരന്‍ എം പിയുടെ  സാന്നിദ്ധ്യത്തില്‍് ജില്ലാ ആസൂത്രണ സമിതി കോണ്‍ഫറന്‍സ് ഹാളില്‍ നടത്തിയ നിര്‍വ്വഹണ ഉദ്യോഗസ്ഥരുടെ യോഗത്തില്‍ ജില്ലാ കലക്ടര്‍ ജീവന്‍ ബാബു.കെ  അവലോകനം  ചെയ്തു. യോഗത്തില്‍ ജില്ലാ പ്ലാനിംഗ് ഓഫീസര്‍ കെ.എം. സുരേഷ്, ഫൈനാന്‍സ് ഓഫീസര്‍ സതീശന്‍ കെ. എന്നിവരും വിവിധ നിര്‍വ്വഹണ ഉദ്യോഗസ്ഥരും പങ്കെടുത്തു.   

ആലപ്പുഴ: പട്ടികജാതി വികസന വകുപ്പിനു വേണ്ടി സി-ഡിറ്റ് നടപ്പാക്കുന്ന സൈബർശ്രീയുടെ  തിരുവനന്തപുരം സെന്ററിൽ നടത്തുന്ന മാറ്റ്‌ലാബ് പരിശീലനത്തിനുള്ള അപേക്ഷ ക്ഷണിച്ചു. അപേക്ഷകർ 20-നും 26-നും മദ്ധ്യേ പ്രായമുള്ള പട്ടികജാതി വിഭാഗത്തിൽപ്പെട്ടവരായിരിക്കണം. നാലു മാസത്തെ പരിശീലനത്തിന് ഇലക്‌ട്രോണിക്‌സ്, ഇലക്ട്രിക്കൽ, കംപ്യൂട്ടർ സയൻസ്, ഐ.ടി., അപ്ലൈഡ് ഇലക്‌ട്രോണിക്‌സ് എന്നിവയിൽ എഞ്ചിനീയറിങ് ബിരുദം/ എം.സി.എ പാസ്സായവർക്കും കോഴ്‌സുകൾ പൂർത്തീകരിച്ചവർക്കും ബി.എസ്‌സി. കംപ്യൂട്ടർ സയൻസ്,  ഇലക്‌ട്രോണിക്‌സ് എന്നിവയിൽ ഡിഗ്രിയുള്ളവർക്കും അപേക്ഷിക്കാം. മാസം 5000 രൂപ സ്റ്റൈപന്റ് ലഭിക്കും. പരിശീലന കാലാവധി നാലു മാസം.

ആലപ്പുഴ: അമ്പലപ്പുഴ ബ്ലോക്ക് പഞ്ചായത്തിന്റെ 2017-18  വാർഷിക പദ്ധതിയിൽ ഉൾപ്പെടുത്തി ഭിന്നശേഷിയുള്ളവർക്ക് സൈഡ് വീൽ ചക്രം പിടിപ്പിച്ച സ്‌കൂട്ടർ വിതരണം ചെയ്യുന്നതിന് അംഗീകൃത വിതരണക്കാരിൽ  നിന്നും മത്സരസ്വഭാവമുള്ള ടെണ്ടർ ക്ഷണിച്ചു. നവംബർ 22ന്  ഉച്ചകഴിഞ്ഞ് ഒരു മണിക്കകം ടെണ്ടർ നൽകണം. വിശദവിവരത്തിന് അമ്പലപ്പുഴ ബ്ലോക്ക് ഓഫീസിൽ പ്രവർത്തിക്കുന്ന ഐ.സി.ഡി.എസ് ഓഫീസുമായി ബന്ധപ്പെടണം. ഠഫാൺ: 0477-2268598.

  (പി.എൻ.എ.2755/17)

ആലപ്പുഴ: കായംകുളം മണ്ഡലത്തിൽ എം.എൽ.എ.യുടെ മണ്ഡല ആസ്തി വികസന ഫണ്ടിൽ നിന്നും 11 പ്രവൃത്തികൾക്കായി അഞ്ചു കോടി രൂപ അനുവദിച്ചതായി അഡ്വ. യു. പ്രതിഭഹരി എം.എൽ.എ. അറിയിച്ചു. കായംകുളം ഗവൺമെന്റ് ബോയ്‌സ് ഹൈസ്‌കൂളിനെ രാജ്യാന്തര നിലവാരത്തിലേക്ക് ഉയർത്തുന്നതിനായി സർക്കാർ അനുവദിച്ച അഞ്ചു കോടി രൂപയ്ക്കു പുറമേ പുതിയ കെട്ടിടത്തിനായി 2.10 കോടി അനുവദിച്ചു. 

ആലപ്പുഴ: ജില്ല കളക്ടറുടെ പൊതുജനപരാതി പരിഹാര പരിപാടി സേവനസ്പർശം അമ്പലപ്പുഴ താലൂക്കിൽ ഇന്ന് (നവംബർ 18)ന് നടക്കും. എസ്.ഡി.വി. സ്‌കൂൾ സെന്റനറി ഹാളിൽ കളക്ടർ ടി.വി. അനുപമ പരാതികൾ നേരിട്ടു കേട്ട് തീർപ്പാക്കും. പുതിയ പരാതികളും സ്വീകരിക്കും.
 

ആലപ്പുഴ: സ്ത്രീകളുടെ സംരക്ഷണത്തിനുള്ള നിയമങ്ങളെക്കുറിച്ച് സ്ത്രീകൾക്ക് വേണ്ടത്ര ബോധ്യമില്ലെന്ന് വനിത കമ്മീഷൻ ചെയർപേഴ്‌സൺ എം.സി. ജോസഫൈൻ പറഞ്ഞു. ആലപ്പുഴയിൽ നടന്ന വനിത മെഗാ അദാലത്തിനു ശേഷം മാധ്യമങ്ങളോടു സംസാരിക്കുകയായിരുന്നു അവർ. 

ആലപ്പുഴ: സാമൂഹികനീതി വകുപ്പിന്റെ വെളിയനാട് ഐ.സി.ഡി.എസ്. പ്രോജക്ടിലെ 105 അങ്കണവാടികളിലേക്ക് കണ്ടിജൻസി സാധനങ്ങൾ വിതരണം ചെയ്യുന്നതിന് സ്ഥാപനങ്ങൾ/അംഗീകൃത സ്ഥാപനങ്ങളിലെ വ്യക്തികൾ എന്നിവരിൽ നിന്ന് മുദ്രവച്ച ക്വട്ടേഷനുകൾ ക്ഷണിച്ചു. ക്വട്ടേഷൻ നവംബർ 29ന് രാവിലെ 11 വരെ സമർപ്പിക്കാം. അന്ന് ഉച്ചകഴിഞ്ഞ് രണ്ടിന് തുറക്കും. വിശദവിവരം കിടങ്ങറയിലുള്ള കക്കന്നൂർ സിറ്റി ബിൽഡിങ്ങിൽ പ്രവർത്തിക്കുന്ന ശിശുവികസന പദ്ധതി ഓഫീസിൽ ലഭിക്കും. ഫോൺ: 0477 2754748.
     
(പി.എൻ.എ.2768/17)
 

    കേരള സര്‍ക്കാരിന്റെ നിയന്ത്രണത്തിലുള്ള എല്‍. ബി. എസ്.  സെന്ററിന്റെ ആഭിമുഖ്യത്തില്‍ പ്രവര്‍ത്തിക്കുന്ന സെന്റര്‍  ഫോര്‍ ഡിസെബിലിറ്റി സ്റ്റഡീസ് പൂജപ്പുരയില്‍, സൗജന്യമായി ഭിന്നശേഷിയുള്ള 10-ാം ക്ലാസ്സ് പാസ്സായ ഉദ്യോഗാര്‍ത്ഥികള്‍ക്കായി തൊഴില്‍ പരിശീലന പരിപാടി സംഘടിപ്പിക്കുന്നു.  താല്‍പര്യമുള്ള ഉദ്യോഗാര്‍ത്ഥികള്‍  പൂജപ്പുരയിലെ സെന്റര്‍ ഓഫ് എക്‌സലെന്‍സ് ഫോര്‍ ഡിസെബിലിറ്റി സ്റ്റഡീസില്‍ നവംബര്‍ 20 ന് രാവിലെ   10:30 ന് നടത്തുന്ന അഭിമുഖത്തില്‍ പങ്കെടുക്കേണ്ടതാണ്.  കൂടുതല്‍ വിവരങ്ങള്‍ക്ക് 04712345627.
(പി.ആര്‍.പി 1899/2017)
 

    പട്ടികജാതി വട്ടികവര്‍ഗ വികസന കോര്‍പ്പറേഷന്റെ ജില്ലാ ഓഫീസില്‍ നിന്ന് വിവിധ വായ്പാ പദ്ധതിയിന്‍കീഴില്‍ വായ്പയെടുത്ത് കുടിശ്ശിക വരുത്തി  റിക്കവറി നേരിടുന്ന നെടുമങ്ങാട് താലൂക്കിലെ ഗുണഭോക്താക്കള്‍ക്കായി നവംബര്‍ 20 ന് രാവിലെ 10 മുതല്‍ താലൂക്ക് റവന്യൂ റിക്കവറി ഓഫീസില്‍ വച്ച്  റവന്യൂ റിക്കവറി ഒത്തു തീര്‍പ്പ് സംഗമം നടത്തും.  കൂടുതല്‍ വിവരങ്ങള്‍ക്ക് ഫോണ്‍ 0471 2723155, 0472 2802425.              
                                          (പി.ആര്‍.പി 1892/2017)