പുനലൂര്‍ ഗവ:പോളിടെക്‌നിക് കോളേജ് കമ്മ്യൂണിറ്റി ഡവലപ്‌മെന്റ് പ്രോജക്ടില്‍ വിവിധ ട്രേഡുകളില്‍ സൗജന്യ പരിശീലന പരിപാടി ആരംഭിക്കുന്നു. റേഷന്‍ കാര്‍ഡ്, എസ്.എസ്.എല്‍.സി ബുക്ക് എന്നിവയുടെ പകര്‍പ്പും പാസ്‌പോര്‍ട്ട് സൈസ് ഫോട്ടോയും സഹിതം അതത് പരിശീലന കേന്ദ്രത്തില്‍ നവംബര്‍ 13ന് രാവിലെ 10ന്  ഇന്റര്‍വ്യൂവിന് ഹാജരാകണം.

വിശദ വിവരങ്ങള്‍ ചുവടെയുള്ള ഫോണുകളില്‍ ബന്ധപ്പെടണം.
വെല്‍ഡിംഗ് ആന്റ് ഫാബ്രിക്കേഷന്‍ - പുനലൂര്‍ ഗവണ്‍മെന്റ് പോളിടെക്‌നിക്ക് കോളേജ്. (8289807880).
റിപ്പയര്‍ ആന്റ് മെയിന്റനന്‍സ് ഓഫ് പേഴ്‌സണല്‍ കമ്പ്യൂട്ടര്‍ - കുരിയോട്ടുമല ബഫല്ലോ ബ്രീഡിംഗ് ഫാം (9446785442)

കേരള കള്ള് വ്യവസായ ക്ഷേമനിധി ബോര്‍ഡില്‍ രജിസ്റ്റര്‍ ചെയ്ത നിലവില്‍ സമഗ്ര ആരോഗ്യ ഇന്‍ഷ്വറന്‍സ് പദ്ധതിയില്‍ അംഗമല്ലാത്ത തൊഴിലാളികള്‍ക്ക് നവംബര്‍ 15 വരെ സമഗ്ര ആരോഗ്യ ഇന്‍ഷ്വറന്‍സ് പദ്ധതിയില്‍ രജിസ്റ്റര്‍ ചെയ്യാം.

വിശദ വിവരങ്ങള്‍ 0474-2799845 എന്ന നമ്പരില്‍ ലഭിക്കും.

(പി.ആര്‍.കെ.നമ്പര്‍  2586/17)

പട്ടികവര്‍ഗ വികസന വകുപ്പിന്റെ അരിപ്പ മോഡല്‍ റസിഡന്‍ഷ്യല്‍ (ബോയ്‌സ്) സ്‌കൂളില്‍ 2017-18 അധ്യയനവര്‍ഷം  എച്ച്.എസ്.എസ്.ടി (ജൂനിയര്‍) കോമേഴ്‌സ് തസ്തികയില്‍ കരാര്‍ അടിസ്ഥാനത്തില്‍ അധ്യാപക നിയമനത്തിന് അപേക്ഷിക്കാം. സ്‌കൂളില്‍ താമസിച്ച് പഠിപ്പിക്കുന്നതിന് താത്പര്യമുള്ളവരായിരിക്കണം അപേക്ഷകര്‍.

പട്ടികവര്‍ഗ വികസന വകുപ്പിന്റെ അരിപ്പ മോഡല്‍ റഡിഡന്‍ഷ്യല്‍ (ബോയ്‌സ്) സ്‌കൂളില്‍ 2017-18 അധ്യയന വര്‍ഷം ഹയര്‍ സെക്കണ്ടറി കോമേഴ്‌സ് ബാച്ച് അനുവദിച്ചു. നടപ്പ് അധ്യയന വര്‍ഷത്തെ ക്ലാസുകളിലേക്ക് എസ്.എസ്.എല്‍.സി ജയിച്ച പട്ടികജാതി പട്ടികവര്‍ഗ വിദ്യാര്‍ഥികള്‍ക്ക് അപേക്ഷിക്കാം.

താമസം, ഭക്ഷണം, സ്റ്റേഷനറി, മറ്റു ചെലവുകള്‍ എന്നിവ സര്‍ക്കാര്‍ വഹിക്കും. കുടുംബ വാര്‍ഷിക വരുമാനം ഒരു ലക്ഷം രൂപയോ അതില്‍ കുറവോ ഉള്ളവര്‍ക്ക് അപേക്ഷിക്കാം. കുളത്തൂപ്പുഴ മോഡല്‍ റസിഡന്‍ഷ്യല്‍ സ്‌കൂള്‍, പുനലൂര്‍ റ്റി.ഡി ഓഫീസ്, കുളത്തൂപ്പുഴ/ആലപ്പുഴ ട്രൈബല്‍ എക്സ്റ്റന്‍ഷന്‍ ഓഫീസുകള്‍ എന്നിവിടങ്ങളില്‍ അപേക്ഷാ ഫോറം ലഭിക്കും.

സംസ്ഥാനത്തെ പിന്നാക്ക വിഭാഗത്തിലെ പരമ്പരാഗത കരകൗശല തൊഴില്‍ ചെയ്യുന്ന വിശ്വകര്‍മ്മ, ശാലിയ, തോല്‍ക്കൊല്ലന്‍, മൂപ്പര്‍ (ഉപജാതികള്‍ ഉള്‍പ്പടെ) തുടങ്ങിയ സമുദായങ്ങളില്‍പ്പെട്ട തൊഴിലാളികള്‍ക്ക് ടൂള്‍കിറ്റ് ഗ്രാന്റ് നല്‍കുന്ന പദ്ധതിയുടെ കരട് മുന്‍ഗണനാ പട്ടിക www.bcdd.kerala.gov.in  വെബ്‌സൈറ്റില്‍ പ്രസിദ്ധീകരിച്ചു. ആക്ഷേപങ്ങള്‍ നവംബര്‍ 23 നകം എറണാകുളം മേഖലാ ഓഫീസില്‍ രേഖാമൂലം അറിയിക്കണം.

(പി.ആര്‍.കെ.നമ്പര്‍  2583/17)

കെല്‍ട്രോണില്‍ ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍, വേഡ് പ്രോസസിംഗ് ആന്റ് ഡേറ്റാ എന്‍ട്രി കോഴ്‌സുകളിലേക്ക് അപേക്ഷിക്കാം.
ഡിപ്ലോമ ഇന്‍ കമ്പ്യൂട്ടര്‍ ഹാര്‍ഡ്‌വെയര്‍ ആന്റ് നെറ്റ്‌വര്‍ക്ക് മെയിന്റനന്‍സ് വിത്ത് ലാപ്‌ടോപ്പ് ടെക്‌നോളജീസ്, നെറ്റ്‌വര്‍ക്ക് അഡ്മിനിസ്‌ട്രേഷന്‍ ആന്റ് ലിനക്‌സ്, പി.എച്ച്.പി ആന്റ് എം.വൈ. എസ്‌ക്യൂഎല്‍, വെബ് ഡിസൈന്‍ ആന്റ് ഡെവലപ്പ്‌മെന്റ് എന്നീ അഡ്വാന്‍സ്ഡ്  കോഴ്‌സുകളിലേക്കും അപേക്ഷ ക്ഷണിച്ചു.  

   
വിശദവിവരങ്ങള്‍ 0474-2731061 എന്ന ഫോണ്‍ നമ്പരിലും  ഹെഡ് ഓഫ് സെന്റര്‍, കെല്‍ട്രോണ്‍ നോളജ്  സെന്റര്‍, ടൗണ്‍ അതിര്‍ത്തി, കൊല്ലം വിലാസത്തിലും ലഭിക്കും.

കൊല്ലം ജില്ലയില്‍ വിദ്യാഭ്യാസ വകുപ്പില്‍ ഹൈസ്‌കൂള്‍ അസിസ്റ്റന്റ്       (സോഷ്യല്‍ സ്റ്റഡീസ്, കാറ്റഗറി നമ്പര്‍ 660/2012, മലയാളം മീഡിയം), (സംസ്‌കൃതം, കാറ്റഗറി നമ്പര്‍ 166/2016), (നാച്വറല്‍ സയന്‍സ്, കാറ്റഗറി നമ്പര്‍ 659/2012, മലയാളം മീഡിയം), (അറബിക്, കാറ്റഗറി നമ്പര്‍ 199/2016), (ഫിസിക്കല്‍ സയന്‍സ്, കാറ്റഗറി നമ്പര്‍ 050/2016, തമിഴ് മീഡിയം) എന്നീ തസ്തികകളുടെയും കൊല്ലം ജില്ലയില്‍ ഹോമിയോപ്പതി വകുപ്പില്‍ ഫാര്‍മസ്റ്റിസ്റ്റ് ഗ്രേഡ്-2 (എന്‍.സി.എ - എല്‍.സി, കാറ്റഗറി നമ്പര്‍ 391/2016) തസ്തികയുടെയും ചുരക്കപ്പട്ടിക പി. എസ്.സി പ്രസിദ്ധീകരിച്ചു.

(പി.ആര്‍.കെ.നമ്പര്‍  2581/17)

നവംബര്‍ 14 ന്റെ ശിശുദിനാഘോഷ റാലിയും പൊതുസമ്മേളനവും കൊല്ലം സെന്റ് ജോസഫ് കോണ്‍വെന്റ് എച്ച്.എസ്.എസില്‍ നടക്കും. രാവിലെ എട്ടിന് കുട്ടികളുടെ റാലിയോടെയാണ് പരിപാടികള്‍ക്ക് തുടക്കം കുറിക്കുക. ടൗണ്‍ അതിര്‍ത്തിയിലെ സ്‌കൂളുകളിലെ കുട്ടികള്‍ പങ്കെടുക്കുന്ന റാലിക്ക് കുട്ടികളുടെ പ്രധാനമന്ത്രി, പ്രസിഡന്റ്, സ്പീക്കര്‍ എന്നിവര്‍ നേതൃത്വം നല്‍കും.

കൊല്ലം ജില്ലാ വ്യവസായ കേന്ദ്രത്തിന്റെ ആഭിമുഖ്യത്തില്‍ ആശ്രാമം ചെറുകിട വ്യവസായ അസോസിയേഷന്‍ ഹാളില്‍ സംഘടിപ്പിച്ച ദ്വിദിന സാങ്കേതിക ശില്പശാല ജില്ലാ കലക്ടര്‍ ഡോ. എസ്. കാര്‍ത്തികേയന്‍ ഉദ്ഘാടനം ചെയ്തു. ജില്ലാ വ്യവസായ കേന്ദ്രം ജനറല്‍ മാനേജര്‍ ഹെലന്‍ ജെറോം അധ്യക്ഷയായി. മാനേജര്‍ കെ.എസ്. ശിവകുമാര്‍, ചെറുകിട വ്യവസായ അസോസിയേഷന്‍ പ്രസിഡന്റ് ലെന്‍ ഫിലിപ്പ് തുടങ്ങിയവര്‍ പങ്കെടുത്തു. വിവിധ സെഷനുകളില്‍ ഇരുന്നൂറോളം സംരംഭകര്‍ പങ്കെടുത്തു.

(പി.ആര്‍.കെ.നമ്പര്‍  2579/17)

കേന്ദ്രാവിഷ്‌കൃത പദ്ധതികള്‍ അവലോകനം ചെയ്യുന്നതിന് ഡിസ്ട്രിക്ഡ് ഡെവലപ്‌മെന്റ് കോ-ഓര്‍ഡിനേഷന്‍ ആന്റ് മോണിറ്ററിംഗ് കമ്മിറ്റി(ദിശ) യുടെ യോഗം നവംബര്‍ 15ന് രാവിലെ 10.30ന് ആശ്രാമം ഗസ്റ്റ് ഹൗസില്‍ എന്‍. കെ. പ്രേമചന്ദ്രന്‍ എം.പിയുടെ അധ്യക്ഷതയില്‍ ചേരും.

(പി.ആര്‍.കെ.നമ്പര്‍  2578/17)